ظاهرة السرقة

[fadila16]

واش راهو صاري في هاذي البلاد السراقين داروا فينا حالة كون يشوفوك داير حديدة في يدك غير اقرا عليها سورة الفاتحة ما خلوا ما سرقوا الذهب البورتابل الدراهم و هذا كل كي تخرج كاش مرا من داره تخرج انديري رايحة للعرس الذهب لي عندها كل ديرو و مبعد تبدا تعيط راهم سرقوني ياخي نسا ما فهمنا والو في هاذي العباد انا وحدة من الناس متسرقتش في حياتي الحمد لله pourtant كي نجي خارجة نهز البورتابل تاعي و عندي زوج خواتم صغار في يدي مكانش مرة دارو بيا .والسؤال ليكم ذرك تعرضتوا للسرقة ولا لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:yahoo:

 

[** غزال الصحراء **]

تم إعتماد الموضوع .

 

[BARCA232]

واش نقولك السرقة من أعلى قمة الى الأسفل
الكل راه يسرق
جيبها من الدار الى الشارع
وخاصة الريسان الكبار
واش كي يخونك قول الله يخلف
واذا حبيت تحاول تردها تموت رسمي
شكرا لك
ربي يهدينا
​

 

[Happy Girl]

نعم تعرضت لسرقة من نوع الثقيل....
ديسمبر الماضي سافرت عند دارنا انزورهم او زوجي قعد خدام عسوه مليح 12 يوم ايا خيرو النهار فرغونا الدار خلاولي غير الكليماتيزور خاطر راكب مليح ما قدرولوش او غرفة النوم او طابلة ناع كوزينة برك و بشبشولي كامل الحوايج او خلاولي فوق السرير خنجر ....ما ننساش هذاك النهار الي تلقيت فيه الخبر او كي العادة الشرطة تسند القضية لمجهول و الجيران كامل ما شافو ما سمعو.... حسبي الله و نعم الوكيل
في الحقيقة ما نعذر حتى سراق في هاذ الدنيا كلهم يستاهلو قطع اليد..
تحياتي

 

[zagane]

السلام عليكم
نعم لأن السجن أصبح أحسن من البيت و هناك حتى عطلة في العيد ل السجناء

 

[hicham500]

ظاهرة السرقة ولات منتشرة بواقع غريب
والمشكل انو عاد السراق ميخافش ويسرق في وضح النهار
والاسواق ومحطات الحافلات عادت ملجا تاعهم يشكلوا عصابات
ولكن يتفرقوا ويبقاو قراب لبعضهم باش ميجيبوش الانتباه :sneaky2:
هدي تجربة شخصية نعرف مليح هدي الفئة وخالطت بزاف منهم ​

 

[سمسوم البريكي]

بارك الله فيك
​

 

[mina009]

يعطيك الصحة اختي اللي يسرق ادى النار في يدو

 

[اميرة المنتدى]

موضوع حساس فالسرقة اصبحت المكسب السهل ليس للرجال او نساء حتى لكبار السن سبحان الله

 

[السلطانة]

فكرتيني نهار لي سرقولنا فيه القش من السيلان
خخخخخ تريكاوات وسراول خويا مسكين وخدوه
واش تحبي نسكنو في التروازيام ايتاج ووصلولنا
صحيتي على الموضوع الله يسترنا

 

[zaki_25]

أنا الحمد لله ربي ساتر جامي سرقوني الرغم من أنني تحطيت في مواقف كثيرة كانو يسرقوني
أما بالنسبة لهذه النساء اللي تسرقو هم لي وصلو رحم

 

[محاربة صحراء]

عادي عندي حبيت مافيا في ماشكل عايشا