فيقي مع روحك.........

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
51,395
نقاط التفاعل
84,068
النقاط
821
محل الإقامة
الشرق-الوسط
الجنس
أنثى
مساء الخير عليكم
مالا اليوم جاتني في راسي نفرز ونخبي القش تاع الشتاء ونجبد تاع الصيف،وطبعا معايا ماما
هيا بديت فتحت لpلاكار تقريب دخت:
القش القش تقول بازار ،السراول:لكحل ولبيض ولزرق والرمادي بالانواع كل
التريكاوات كيف كيف،الخيمارت:كيف كيف الاحمر والاخضر والازرق والوردي والقهوي الالوان كامل بالتدرجات نتاعهم
الصبابط:منحكيلكمش الطالو،الPالاديومات،الترابق والسيكان المهم الصولد ومادار فينا
ماجيت نفرزهم لابسيف ،مافهمتش هادو كامل واش يديرو عندي ،قاتلي ماما:حاكمين لبلاصة
في الباطل لابسهم لPلاكار والله عندها حق
هيا قولولي يالبنات حتى نتوما تبدرو الدراهم على القش كيما حالتي ولالا ؟انا مانكدبش عليكم كون تطلقوني جيهة القش مانعرفش صلاحي ونكمل دراهمي كامل لتم وانتوما ياليجان قايسكم هاد المرض ولالا ؟
 
هههههههههههه
والله صح كاين منها مام انا نموت على اللبسة وخاصة الصاك والصباط
المشكل انو البلاكار معمر ومتلقايش وش تلبسي
ميرسي عيشوش
 
الصولد راه داير حالة
وكان تمديهم لي نبيعهم في لامارين
ونجيبلك الفايدة ونتقاسمو
والله صح
كاينة لبسة من العام للعام نلبسها سيرتو الكوستيمات


 
الصولد و ما دار فيك جبدلك عينيك
ههههههههه
اعطيهم لكاش واحد ينصب بيهم في السوق ويبيعهم تتهني
خلي سروال ابيض واحمر واخير
الدراpـــو تاع دزيار
على خاطر كاس العالم راهو قريب
 
قال [ايمآن];2416317:
هههههههههههه
والله صح كاين منها مام انا نموت على اللبسة وخاصة الصاك والصباط
المشكل انو البلاكار معمر ومتلقايش وش تلبسي
ميرسي عيشوش
خخخخخ هادا مرض كبير نعانيو منو ربي يشفينا ههههه
شكرا على المرور الطيب اختي
 
الصولد راه داير حالة

وكان تمديهم لي نبيعهم في لامارين راهم مازالو جدد
ونجيبلك الفايدة ونتقاسمو
والله صح هههه نجيبو فايدة كبيرة
كاينة لبسة من العام للعام نلبسها سيرتو الكوستيمات
الكوستيم مرة على مرة زعمة كي تحضر لمناسبة رسمية
شكرا على مرورك اخي محمد تحياتي
 


عائشه راح تفتح حانوت تاع قش في دارهم

اما عني انا راكي شفتي الكستيم تاعي ماشي خارج عليا

ايا قلة منزيدش نشري غير لي سيرفاتمو و الباسكيت برك

ايا تهلاي عايشه و ساعدي الناس في السومه
 
الصولد و ما دار فيك جبدلك عينيك

ههههههههه
اعطيهم لكاش واحد ينصب بيهم في السوق ويبيعهم تتهني
خلي سروال ابيض واحمر واخير
الدراpـــو تاع دزيار
على خاطر كاس العالم راهو قريب
هههه خضرا بيصاء والله فكرة مليحة ولهتني ليها
 
عائشه راح تفتح حانوت تاع قش في دارهم

اما عني انا راكي شفتي الكستيم تاعي ماشي خارج عليا

ايا قلة منزيدش نشري غير لي سيرفاتمو و الباسكيت برك

ايا تهلاي عايشه و ساعدي الناس في السومه
اوكي رايحة نفتح محل ونسميه محل شوشو للصولد
ههههه يااشتك كثر من لي pالاديو لبيض برك
 
انا مكانش هذا المرض فيا لول
والله ياعيشة انتي ثروة اقتصآدية بالقش تاعك هاتي نبيعهملكم ونديوا الدراهم نص نص


 
الكوستيم مرة على مرة زعمة كي تحضر لمناسبة رسمية
شكرا على مرورك اخي محمد تحياتي
والله الكوستيمات حتى كرهتهم
مالقيتش وين نديرهم
وكي تحب تمدهم للمسكين
تنخلعي يقولك نلبس الفضلة
 
هههههههههه عجبتني غير تاع الصولد ا عايشة كي ندخل لحانوت نلقا صولد نطيح فيها

هادا تاني مرض العصر سيرتو لبنات راهو قايسنا بزااااااااف ربي يستر هههههههه
---
مرسي عايشة
 
انا مكانش هذا المرض فيا لول

والله ياعيشة انتي ثروة اقتصآدية بالقش تاعك هاتي نبيعهملكم ونديوا الدراهم نص نص



راني من الثرواة الضخمة تاني هههه
ارواحي تبزنسي معايا
 
والله الكوستيمات حتى كرهتهم

مالقيتش وين نديرهم
وكي تحب تمدهم للمسكين
تنخلعي يقولك نلبس الفضلة
ايه تجي زعمة تدير فيه ربي
يقوللك لالا نحب الجديد
 
كون نقوللك يا عائشة اختي انا خاوتي اللي في فرنسا هالكتهم بالي ماgازان نهار وطول وانا نشوف في kiabi وla redoute وQulleونبعثلهم واش يعجبني وهوما مساكن يكومونديو ويشريو والمشكل انني كي نشوف الحاجة تعجبني وكي تلحقني ما تعجبنيش
اما عن اللبسة اللي هنا حدث ولا حرج انا لبارح قمت بيها خزانتي بصح ما جيت نخرج منها كي الشعرة من العجين
ما تخمميش راني مهبولة كيفك باللبسة ولا اكثر
ربي يستر برك
 
هههههههههه عجبتني غير تاع الصولد ا عايشة كي ندخل لحانوت نلقا صولد نطيح فيها


هادا تاني مرض العصر سيرتو لبنات راهو قايسنا بزااااااااف ربي يستر هههههههه
---
مرسي عايشة
الصولد سيرتو واين يبيعو القطعة ب70 و60 و80الف والخيمارات ب10الاف ههههه البازار تاع الشغيب ولاقدام تاع 05الاف:yahoo:
دبروها غير البخيلات تهناو من هاد المرض ماحنا رحنا فيها تاع الصح
العفو حبيبتي شكرا على مرورك
 
كون نقوللك يا عائشة اختي انا خاوتي اللي في فرنسا هالكتهم بالي ماgازان نهار وطول وانا نشوف في kiabi وla redoute وqulleونبعثلهم واش يعجبني وهوما مساكن يكومونديو ويشريو والمشكل انني كي نشوف الحاجة تعجبني وكي تلحقني ما تعجبنيش

اما عن اللبسة اللي هنا حدث ولا حرج انا لبارح قمت بيها خزانتي بصح ما جيت نخرج منها كي الشعرة من العجين
ما تخمميش راني مهبولة كيفك باللبسة ولا اكثر
ربي يستر برك
اهلا عفوفة انتي تاني صارعاتك اللبسة
ماخليتي ني الخارج ني هنا
ربي يعينهعم خواتاتك هبلتيهم هههه
نتقلشو ونلبسو ربي يستر كيما قلتي
صحيتي على المرور حبيبتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top