شكون يامن بالبوقالات

نور الصباح الجزائرية

:: عضو مُتميز ::
إنضم
19 مارس 2010
المشاركات
899
نقاط التفاعل
3
النقاط
17
العمر
36
السلام عليكم كيف حالكم اهل اللمة الكرام
اليوم صادفت موقف و حبيت ندى رايكم كنا فى وحد العرس و بعد ما جاو العرايس بداو يرميو فى البوقالات و قالك الى جاتها بوقالة هذاك زهرها حبيت نسي زهرى ههههههههه فى الاول عييت نستنى ما لحقتنى حتى وحدة و تمحصت نشوف فى البنات الصغار يهزو و يقراو و بعد بحث طويل عثرت على وحدة فتحتها قالك خدودوه حمورة و مانعرف و هو يحبك و قلبو يخمم غير فيك هههههههههههههههه عدت غير نتخيل فى فارس الاحلام تخيلتو واحد من ابطال المسلسلات التركية الى يحكو عليهم بويسك انا ما نشوفهمش
و مبعد رجعلى العقل الواعى المثقف و تفكرت كذب المنجمون و لو صدقو
و انتوم خاوتى خبرونى تامنو بيهم ولا لا و هل حدث معاكم ان تحقق واش لقيتو فى البوقالات مرة من المرات
 
مجرد التفكير بذالك ...لم يختر ببالي
.....يعني كاين منها كيفاش كيف الغني كيف الفقير....كيف الصغير كيف لكبير......أيعقل ذلك....شكراا
 
واشمن من بوقلاااااات ياختي خطـــاكـ
حوايج بكري هادو وانا منتعبش روحي حتى ووووو نفتحهم:music_whistling:
 
ماهو معنى البوقالات
 
انا نحب نقراهم باه نضحك بارك

مي باه نصدقهم نوووو

علاه لي كاتبهم يعلم الغيب استغفر الله
 
كذب المنجمون و لو صدقوا
اللي يأمن بيهم أعتقد أنه كفر بما أنزل على رسول الله محمد صلى الله عليه و سلم
لأن هذا اعتقاد بالغيب
و لا يعلم الغيب إلا الله

شكرا جزيلا لك
تقبلي مروري العطر أختي
تحياتي

 
on est pas débile pour croire ça

ça reste un jeu*
 
السلام عليكم
اهلا اختي
اممممممممم
والله امر محير جدا
فهذه رغم اننا نعرف انها كذب في كذب الا انها تطغى على الكثير من المجتمعات
الله يهدي ويعافي
شكرا اختي
وفقك الله
 
عادي البوقالات مافيهم والو مجرد فال لاغير
علاه تكبر لحكاية وديروا
من حبة قبة
عادي فال شباب بحال شعر مكتوب
يعني ماراهيش قراءت كف هدي مجرد تسلية
 
انا حقيقة يعجبوني ونحب نقراهم فضول لا اكتر ماش لدرجة اني نامن بيهم
بالصح انبهك راهو فرق بين الابراج والبوقلات
الابراج يدخل فيها علم فلك ومانعرف واش و تنجيم
بالصح البوقلات راهم مجرد كلمات منسقة يرددوهم ناس بكري يجبو بيهم السهرات ويقولو انوي واعقد وشوف فالك :luve_1:
 
البوقالات ماشي الابراج

البوقالات هذا تراثنا الجميل
ناس العاصمة و خصوصا ناس القصبة بكري كانو يجتمعو في الليل و يديرو قعدة و كل وحدة تقول واش عندها
يعني البوقالات كي شغل شعر شعبي من تاليف نسائي وكل وحدة تقول واش كانت تحس بيه في هاديك اللحظة و مع الوقت بدات تمشي وولات تراث خلاوهلنا و نفتخرو بيه

ماشي تنجيم و مانعرف واش راكم تقولو
 
نحبهم البوقالات وكي نقراهم نبتسم وحد الزي هكا....بصح اكيد منامنش بيهم....للتسلية لا غير
 
لالا مانامنش بالبوقالات
 
انا شخصيا ما نامنش بالبوقالات ربي وحده اللي يعلم الغيب
 
البوقالات فال مش علم غيب ياناس
 
شكرا لكم جميعا فقط للتنبه من قال البوقالات هى الابراج افهو مخطا كما وضحت الاخت مسامعية انه تراث خصوصا بالنسبة للعاصميين
الكثير يعتبرها فال او مجرد تسلية اما من ؤمن بها ايمانا قاطعا فهو مخطا لان الرسول ص قال "كذب النجمون و لو صدقو"
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top