محتاجة نصيحة

[*بسمة]

يا بنات ممكن تساعدوني انا بحس حالي غبية و مابعرف فكر فيه كثير فرص جائتني متعلقة بالحب وضيعتها لساني طويل ومابهتم بالناس وظليت هيك لغاية ما انقطعت عن العالم وماصار ولا شب راضي يقيمني وبعدها قلبي مات وماصار يحس ابدا وهلا انا شاكة انو فيه واحد معجب فيا بس مو متأكدة ياترى اصحي قلبي واحبه ولا اخليه ميت واموت معاه

 

[معاك يا الخضراء]

يااااااااا خليه ميت :scared:
يا بنتي كملي قرايتك
و اطلعي للجامعة
كي يجي ولد الحلال ساهلة
ضرك ما زلتي صغيرونة
واي علاقة ديريها تحسب على اخلاقك و شرفك
الزمان ما يرحمش حبيبتي
و واحد ما عاد فيه لامان
تحيااتي​

 

[*بسمة]

عندك الحق بصح راني وليت نكره الناس كامل حتى روحي

 

[MR-REDOUANE]

نورمالمو قلتي يا بنات بصح كاينة كلمة زينة نقولهالك بصفتي طفل
ماكانش خير من لقراية نتاعك سيرتو في هذا الوقت
بويسك مزالك صغيرة كلنا فتنا بالفترة هذي بصح كي تلحقي لوقت تفكري واش كنتي تديري تضحكي على روحك
و الشهادة تاعك تجيبلك كل ما تتمناي
​

 

[BARCA232]

السلام عليكم أختي مشكلتك
مشكلة كل بنات هذا العصر
وماعساني سوى أن أقول لك
قل لن يصيبنا الا ماكتب الله لنا
وهو واقعنا أنظري لها من الناحية الايجابية
هذا امتحان من الله عز وجل
والله اختي لايوجد لاحب ولاهم يحزنون
ماورائه الا الهموم والآلام
فعليك أختي بحب الله وحب الرسول
والوالدين
بالتوفيق
​

 

[*بسمة]

على بالي انا خلاص راح نشوف مشاكلي بعد المدرسة

 

[مختلف جدا]

عندك الحق بصح راني وليت نكره الناس كامل حتى روحي

...الناس ماعليش ولكن روحك علاه.....لالالا...مجرد مرحلة فراغ وراح تعدي إنشلء الله
...عيديني بذلك.....

 

[مختلف جدا]

..وعلم أن الحب لا يستأذن ولا يعرف أداب دخول القلب يدخل بدون أن يدق ويخرج ويترك الباب مفتوح...أرجو أن تجدي من يحبك...

 

[نور الصباح الجزائرية]

يابنتى خليه ميت حتى تكملى قرايتك مزالك صغيرة على الحب و التمرميد نحى من بالك و ركزى فى قرايتك و المستقبل تاعك

 

[مفآهيمـ الخجل]

يا ختي نصيحة غير اخطيك من هاد العلاقات

المرة لولة تعجبك و تحبي و تضربي فيه عشقة و مباعد يروح و يخليك تتعذبي مليح

الهاي بقرايتك برك و مباعد كلشي ساهل

و كيما يقولو سال مجرب و لا تسال طبيب
​

 

[aMiNa-K]

اللي يسمعك تهدري يقول هدي في عمرها 50 سنة
ايا خليك من التمسخير هدا و التاي بقرايتك
كل حاجة في وقتها ماتزربيش روحك​

 

[aMiNa-K]

.................​

 

[*بسمة]

..وعلم أن الحب لا يستأذن ولا يعرف أداب دخول القلب يدخل بدون أن يدق ويخرج ويترك الباب مفتوح...أرجو أن تجدي من يحبك...

انشاء الله

 

[*بسمة]

انا مش قصدي ننحرف بصح حبيت حاجة نتولهى بيها كاشما توقضلي هالقلب الميت

 

[العاشقة المحرومة]

شوفي اختي انا كبيرة عليك ومجربة
وراح نعطيك رايي
انا من جهتي اخطيك من
هد الطريق ما يوصلك
غير للعداب لا غير
وديري حاجة في بالك
الي كاتبلك راح يجيك
وادا قعدتي محتارى
ما عليك غير تلجئ
لربي سبحانو
حتى ولو بركعتين
وهو وحدو الي يعاونك
احنا غير سبا.
ربي يحميك ويسترك
​

 

[bom]

خليك من الحب مزلت صغيرة كاين بزاف أمور خير منوا و ركزي على قرايتك احسن​

 

[أفراح الجزائر]

ياختي واش بيك مزالك صغيرة ....ونصيحة من ختك لتاي بقراينك ...هي المستقبل تاعك ......وماتنسيش انت بنت
واذا بدتيها 17 سنة غراميات مراح تلومي غير نفسك كي تبلغي 20 سنة(راني عارفة مع واش راكي تشوفي من عدم أخلاقيات انتي تبانلك نورمال وتاني تحبي تكوني كيما لبنات لي من سنك تحب وتنحب ...لالا حنونتي هذاحرام )

راني عارفة هدرتي تدخل من أذن وتخرج من ثانية :music_whistling:
والله غير خليك مع قرايتك ولييحبك راح يجيك حتى لدار انشاء الله​

 

[سالمي احمد]

طلب العلم اولى والزواج مكتوب الله والتعرف على شاب لابد ان يكون في الحلال

 

[*بسمة]

اوكي درك نهز بنصائحكم ونخطى عليا من اللعب والتمسخير

 

[دعاء19]

اختي انصحك قرايتك هي اهم اما الحب وراءه غير الهم ومشاكيل وصداع الراس وانت الحمد لله راكي صغيرة والحياة طويلة قدامك ان شاء الله
وعلاش تكرهي نفسك ماشي حاجة كبيرة لي تخليك تكرهي الناس ونفسك بالعكس هاد الفترة استغلها بترفيه عن نفسك لعبي نشطي ضحكي ونساي الحب واتعابوه وربي اسهل عليك