كي تروح للطبيب دوموندي اعليه لا كارط قبل مايفوتلك

HWK4ALGERIA

:: عضو بارز ::
أحباب اللمة
إنضم
30 مارس 2010
المشاركات
1,473
نقاط التفاعل
2
النقاط
37
العمر
14
السلام وعليكم، واش راكم يخي لاباس؟ الحمد لله.
كيما وعدت البارح راني اليوم حاب نحكيلكم على وحد الطبيب يسموه الدكتور مصطفى بورو، ديما من الواقع.:fish::u_pc:.....................:music_whistling:
المهم في إحدى أعرق ثانويات الولاية، في أواخر الثمانينات على ما اظن ، كان فيها طبيب المؤسسة يسموه الدكتور مصطفى بورو هاذا الطبيب يأدي في الواجب تاعو على أكمل وجه، وفي يوم من الايام جات وحد التلميذة باينة بللي بنت كالكان من لبستها وحطتها، المهم كانت مريضة من يدها أيية خزر مع يدها وقاللها لازم يدك تتقطع قبل مايسرا المرض في جسمك، :scared: اتخلعت المخلوقة وراحت عند باباها تبكي وحكاتلو على الهدرة تاع الطبيب، باباها كان كوموندو في الجيش امالا طار بيها ديراكت للسبيطار تاع العسكر، دارولها ثمة لافيزيت لقاو بللي عندها حبة (حاشاكم) وقادرة تبرى حتى بلا دوا؟؟؟؟؟؟؟؟؟؟؟؟؟؟؟؟؟؟؟؟؟؟ المهم قامت القيامة وراحو يحوسو على الدكتور اللي أخطأ هاذ الخطأ المهني الشنيع، وصابوه حققو معاه لقاوه أصلا ماهوش طبيب :scared:
ومن يومها وهو يسموه الدكتور مصطفى بورو، وصدقوني بورو هاذا محترف تاع الصح، خطرة راح لوحد الدوار صغير وادى معاه واحد هاز وحد الرولو تاع خيط وشوي دوزان تاع التريسيتي وقاللهم احنا سونالغاز، ولازم التخلصو الفواتير تاعكم صينو نكوبيولكم التريسيتي، وحاكم وحد الريجيستر زعما وطاح ايمركي ويخلص :glare: وعلى نفس المنوال راح لوحد الدشرة وحد اخرى اماليها مساكن قد الحال، وادى معاه واحد هاز بيدون تاع بانتورة وبانسو وقاللهم احنا المؤسسة تاع الماء وجينا نسويولكم الوضعية ونسجلو الناس اللي حابين يركبو الماء، الناس صدقوه وفرحو وطاحو يخلصو وهو ناس املاح اللي ماعندوش المبلغ كامل ماش مشكلة يدفع اللي يقدر اعليه، وصاحبو يدير ف لي كروا في الحيطان ويقوللهم هاذي بلاصة الكونتور، وختمها بجماعة لكماين تاوع التمر، خلاهم يوثقو فيه وقاللهم لوكان جات عندي الدراهم نوجدلكم كونتيتي كبيرة تاع التمر، طبعا هوما يعرفو دارهم وباباه وخاوتو، وثقو فيه واعطاوه وقيلة 20 مليون، هوما راحو من وهو هز الكابة تاعو والدزاير اتعيط لبحر واتحواس والزهو، بعد يومين جاو صحاب الكماين لعمد باباه طاح مسكين مريض من الحشمة والديرة اللي دارها الدكتور ولدو.
امالا آخاوتي منا وجاي كي اتروح مثلا لابوتس باه اتفيرسي دراهم اتأكد من الهوية تاع القابظ أولا لايعود اسكرو، وماهيش ابعيدة علينا حكاية القضاة المزيفين اللي دارت ضجة كبيرة ومن بعد درg حسها ظربة وحدة،،،،،
هاذا وين فهمت معنى وكل شيء ممكن، هوما قاصدين الدزاير كل شيء فيها ممكن.
هامالا ديرو حسابكم، وفالمرة الجاية ان شاء الله نحكيلكم على حكاية الذيب اللي تباع ب 30 مليون في الدزاير.
دمتم سالمين.
وشكرا.
 
تم إعتماد الموضوع

+ أبارك لك فقد أصبحت من أحسن الأقلام في مدة قصيرة .
 
موضوع هايل مشكور اخي
 
شكرا على الافادة
ماتوقعتش لكان الناس يديرو هادا كامل علاجال السوارد
ربي يهديهم
 
شكرا على الافادة
ماتوقعتش لكان الناس يديرو هادا كامل علاجال السوارد
ربي يهديهم
ما خفي كان أعظم كيما يقولو، السيد ضربوه ونحاولو سواردة وكي لحقو باش اينحولو الخاتم من يدو مقدروش جبدلو واحد فيهم الموس وحب يقطعلو صبعو على جال باه يقدر ينحيلو الخاتم، والستار ربي سبحانو.
شكرا.
 
عادي في بلادي كامل الشعب راه يخدع مي هدا وحدو يوالم يكون ممتل يعطيك الصحة خو فووووووووور
 
عادي في بلادي كامل الشعب راه يخدع مي هدا وحدو يوالم يكون ممتل يعطيك الصحة خو فووووووووور
شفتي الناس كي راهم يلعبو برواحهم وبمصير لخرين، صعيب باه اتمثلي دور طبيب.
شكرا
 
شوف يدير كلش على بال الدورو حاجة نورمال في مجتمعنا وهذاهو واقعنا
 
وكي تروح لحديقة الحيو انات متخافش من الصيد هذاك غير الدكتور مصطفى بورو، مديقيزي
 
وكي تروح لحديقة الحيو انات متخافش من الصيد هذاك غير الدكتور مصطفى بورو، مديقيزي
يمكن جدا وعلاش لا لا.
شكرا.
 
راك هنا تسما نتوقعو كلش عادي في بلادي شكرا لك أخي موضوع رائع
 
ههههه

وين تروح تلقا الناس الطراطقية هادو
لازم الواحد يدير بالو مليحو يكون حذر و فايق
ونوصيكم حاجة
الثقة راحت مع ناس بكري
النية راحت معاهم وكل حاجة امليحة، واحنا رانا انحاولو نكونو كيفهم.
شكرا لك.
 
لازم الواحد دايما يقرى حذرو كثرو الانتهازيين والنية ولات جياحة
 
لازم الواحد دايما يقرى حذرو كثرو الانتهازيين والنية ولات جياحة
النية ولات جياحة بعد ماكانت من أرقى الصفات، " النية = قول الحق والتصديق" يعني الانسان النية يقول الحق ديما ويامن اي حاجة يقولوهالو.
شكرا.
 
هههههههههههههههه عادي نووووووووورمال ادا واش نسمعو درك
مابقاش لامان ربي يستر برك
يعطيك الصحة خويا
 
آخر تعديل:
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top