قصتي دايرا هاك عاونوني الله يحفظكم

virus00m

:: عضو مُشارك ::
إنضم
29 نوفمبر 2006
المشاركات
124
نقاط التفاعل
2
النقاط
7
السلام عليكم
اليوم بغيت نفرغ شا كاين في قلبي
انا ولد عندي 21 عام نبغي بنت خالي عندها 19 عام منكدبش عليكم حب اعمى حتى هيا des fois تبادلني نفس الشعور
كي نمشي عندهم نسهروا نخرجوا نضحكوا mais desfois نحس متبغيش تحكي معايا
انا نحكي معاها في الهاتف نلغالها بزاف mais نحس مباغياش تحكي معايا وكي منعيطلهاش تبدا تسقسي عليا حتى يجيني خبر راها سقست عليا وقالت علاش رجع ميعيطش
و تاني انا نبغيها بزاف بزاف و قاع الناس علبالهم بيا بلي نبغيها وانا هاكا كي نكون بعيد عليها نقول لوكان نتلاقا بيها نقلها كل شي في قلبي mais هيا غي نشوفها حدايا منقد نخرج ولا كلمه ملي كنت باغي نقولهالها ههههههههههههه
الله يرحم الواليدين قولوا شا ندير و الله راني في غبينه كبيرة
وبارك الله فيكم الا قريتوا قصتي
 
آخر تعديل:
شحال فى عمرك انت و ياها باش نقولك هذا حب ولا واش
والا كان صح تحبها صارحها علاشك خايف و زيد من كلامك انا عرفت حتى هى تبغيك باين
 
اذا كان انت ما صارحتهاش كيفاه حابها تعممل
و هي ما دامها تتهرب منك كي تكون معاها دليل على انها حاشمة منك و ماشي باغياتك تعرف بلي تحبك
و السبب هو انها تكون خايفة من انك ما تكونش تحبها و تشعر باحباط
اعترف ليها و ذوك تعامل مليح
هادا هو رايي و نصيحتي ليك انك تعترف ليها
 

انا في رايي ريح معاها و قولها واش

كاين في قلبك بصح اعرف برك كش

تهدر معاها ادى هي تاني تحبك غير

روح صارحها قبل ما يفوتك الوقت و

بالتوفيق خويا

 
الله يحفظكم خاوتي
انا عندي 21 سنه وهي 19 سنه
مي انا طبايعي نحشم منقد نقولها نبغيك او نحبك بارسك تجيني شويا كبيره
 
الله يحفظكم خاوتي
انا عندي 21 سنه وهي 19 سنه
مي انا طبايعي نحشم منقد نقولها نبغيك او نحبك بارسك تجيني شويا كبيرة

وعليكم السلام
المهم هي صح تجيك واعرة باش تصارحها فالوجه
مي تقدر تمعنيلها بيها راهي ماشي عيب
ومادامها تحبك راح تسهل عليك المهمة قد ما بكرة يكون مليح قبل ما تروح من بين يديك
المهم الله يكمل بالخير
 
احسن حاجة صارحها اذا فعلا كنت صريح بمشاعرك الصراحة راحة ماشي حتى تمشي من بين اديك وتندم
وربي اديم المحبة بيناتكم
 
روح لعندها وصارحها.وادا تحشم بعتلها مع واحد داير فيه التقة.
رانا نستناو وقتاه تقولنا صارحتها.
 

اكيد خويا مكانش خيرلم من لي دير الكوراج و تصارحها

تتهنى انتا و هيا
 
خويا في عمرك 21 سنة و ما تقدرش تصارح الي تحبها بحبك
خويا نقولك حاجة بلا ما ننصحك
روح صارحها بطريقة تكون جونتي و بلاك تحشمها باه ما تقولكش راني كنت مدايراتك كي خويا
و اذا صارحتها و ما ردتلكش الكلام كيما كنت تستنى
لازم تصبرلها الله غالب
كيما يقولو الحب مذلة ههههه المهم
ربي يكون في العون
 
أهدر مع أمها يي خالتك ولا قول لأمك تهدر معاه يخي خالتها واذا تم لقبول مبروك أعليك مسبقا واذا حدث العكس تبقى بنت خالتك وصلة الرحم واجب
 
و الله العظيم اعطيتوني الكوراج الله يحفظكم و يخليكم لينا
سايي راني ديسيديت باه انقلها ويسرا لي يسرا
 
نتا قلها والباقي على ربي
 
صارحها وشوف رايها و تقدر حتي تعينها ليك وكي تكبر و توجد روحك تتزوجوا اننننشاء الله اتكون من مكتوبك و ماماك راح تفرح راهي بنت خوها
 
تقدر تكتبلها في كاش بطاقة بريدية تكون شابة وحكيلها فيها على المشاعر نتاعك وقدمهالها كي تتلاقا بيها وقوللها راني نستنى في الاجابة نتاعك ولازمك تستنى اي حاجة واذا وافقت لازم تخبر يماك ةتقوللها تهدر مع يماها وكي تكبر شوي وتوجد روحك ديرو الفرحة الكبيرة
نتمنالك كل خير
 


امممممممم

اسمحلي خويا نقولك حاجة باش تبينلها بلي قادر وراجل

ابدا نتا واسفة نقولك راكم كيف كيف الحشمة الزايدا للنساء ياخويا نتا راجل

ولازم تبينلها انك راجل وكلمها... رووووح ياسيدي قلت تحشم؟؟؟

نعطيك فكرة مع انها قديمة شويا مي بالاك... ولا نقولك اكيد تمشي معاكم في الحالة لي راكم فيها

اكتبلها في ورقة كل ماراك حاب تقولو ومدهولها وقوللها تقراه ولا عندها نفس الشعور

قوللها تبيبيلك بتليفون ولا ماشي قابلا ماتبيبيش

ههههههههههه الخوف لايكون ماعندهاش كريدي وتتعقد نتا

المهم طريقة سهلة وتجيب نتيجة اكيد

بالتوفيق
 
خويا هادي بنت خالك ونت ولد عمتها <<< مجبتش حيا جديدة هههه

يقولك خير البر عاجله ايا خويا دير بين عينيك وخطبها وربي يسهلكم ان شاء الله وهاكة قولها شراك باغي

ربي يسهلكم ان شاء الله نتوما وقاع لي ينوي لحلال
 
خويا دير شوية كوراج و صارحها

حاب حكايتك تمشي معاها صارحها ماكاش حل وحدوخر

و ربي يجيب لي فيه الخير
 
نقدروووو نعاونوك بالدعااااااااااااااااااااااااااااااء​
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top