ياخاوتي أعطوني رايكم

[امورة المنتدى]

هههههه ايه قاتلي البارح ارواح خطبني وانا ما قدرتش كان عندي صوالح

هاقاتلك نهار الخميس ههههههه

ها أديها أنت
هههه ماتتضابوش عيب
​

أنا نقولك يلا درتي فطرة خطوبة يلزم عليك تتزوجي بيه
بويسك يلا فسختي الخطوبة الناس تولي تخلط فالهدرة
ويلو يقولو لقى فيها عيب ليكيداها
وربي يوفقك أختي
حوسي على واحد طلاب كيما أنا خير
ههههههههههههه
​

ههههه كل موضوع تخرج عن الموضوع هههههه مهبول :tears:

لالا أديها وأعرضني
أنا نرشلكم الساحة ونعس الذراري
بصح ناس الرغاية يضحكو غير أكري شوية طوموبيلات وماتديش العجايز
هههههههه
​

ههههه طوموبيل مارسيداس :music_whistling:

 

[كبرياء دمعة]

تاخدى راى يا اسماء اسمعى كلام يماك عندها الحق الطفلة المتربية هادى هى الطريقة اللى تتزوج بيها
ماكانش منها اللى تقولك لازم نعرفو مليح و نخرج معاه و نعرف شخصيته
باسك عمرك ماراح تعرفيه و بالاك بعد الزواج تتشوكاي كى تعرفى عقليته
و اهادا راهو طالب لحلال و باين بلى مليح كى جا طلبك للدار ديراكت
ما طلبش تخرجى معاه و لا
انتى كملى و كى تتخطبوا تقدرى تعرفيه شوية ماشى بزاف بزاف مى تقدرى تاخدى فكرة عامة عليه
و ربى يهنيك و يفرحك ان شاء الله
بالاك تنساينى و ما تعرضينيش للعرس ههههههههههه

 

[دعاء19]

انصحك اختي قبلي وفي خطوبة راكي غادي تعرفي عليه مزيان لان فترة الخطوبة هي فاش كيتعرفو على بعضياتهم وربي اسهل عليك اختي

 

[messikimo]

ربي يفرحكـــــــــــــــــــــــــــــــم​

 

[7younes]

السلام عليكم ورحمة الله
اعلم ان هذا الموضوع ليس سهلا على الرغم من انني صغير في السن لكنه لدي راي في هذا الموضوع فان الزواج يعتبر موضوع جد حساس فان الذي ستتزوجينه ان شاء الله ستتاقسمين معه ماتبقى من حياتكما وستتشاركان في حلوها و مرها لذلك انصحك بالا تتسرعي في اتخاذ القرار كما انصحك بان تتعرفي عليه من خلال اخيك الذي يعتبر الشخص ان امكن القول الاول والاخير من اجل اتخاذ القرار فاسأليه ان كان خطيبك شخصا متدينا وجديا و ان تسالي عن عائلته ان كان من عائلة محترمة فمثلا احدى اخواتي تزوجت شخصا لم تكن تعرفه من قبل وكان ياتي الى منزلنا احيانا وكانا يتصلان مع بعضهما عبر الهاتف النقال وعرفت كيف يفكر بعد مدة وهما الان والحمد لله لديهما طفل اتمنى ان يحفظه الله لهما
لذلك اقول لك ان اعجبك بعد ان تعرفا بعضكما جيدا ان تتوكلي على الله واقبلي به
​

 

[amira_algeria]

مادامو صاحب خوك اكيد يعرفوا مليح وخوك ما يحبلك خير الخير

 

[sheherazed]

عليك بالاستخارة والدعاء

وكيما قاتلك ماماك تعرفي عليه اثناء فترة الخطوبة ولا ما عجبكش:يا دار ما دخلك شر.


ربي يقدملك اللي فيه الخير ان شاء الله

 

[ISMA.dz]

شكرا لردودكم وتعاونكم اخوتي ربي يخليكم ليا

 

[nounanouna23]

ya o5ti nans7ak kima rou7i;ana sratli nafs l7ala to5tabt wana na9ra fi la fac asta5art allah wwafa9t wallah ani maintenent matzawja ba3d mat5arajt wadit mon diplome....mich koul youm yjik wld 7lal wzad ida ja2akoum man tardawna dinahoo wa5olo9aho fazawijouh ana ngoulak tab3i trig rabi trb7i wtslki 3a 5ir

 

[عبيرو]

تعرفي عليه وشوفي العقلية عجباتك على بركة الله معجبتكش قوليلو اسمحلي

 

[Anissa_vanissa]

انا رايي مادامفترة خطوبة انت اخرجي معاه هاذ الفترة وبكل بساطة اذا لقيتي فيه مواصفات الرجل اللي انت تحلمي بيه
تزوجيه وبدون تردد على خاطر العمر واحد ومش ديما تجيك فرصة كيما هاذي
وربي يقدم اللي فيه الخير

 

[Djazaire-El-Ghalia]

On ne peut jamais être sur de quelqu'un à100 pour 100 pou moi le mieux c'est que tu écoutes tes parents et pour l'histoire de mariage par amour l'amour vient après le mariage non pas avant c'est comme cela dans la religion d'Allah.

 

[ISMA.dz]

شكرا لكم اخوتي والله ردرودكم كلهم تنحي على الخاطر
اتكلنا على الله
شكرااااا

 

[أمينة أمونة]

اختي الحبيبة سبحان الله حالي كي حالك
انا تاني مازالي غير عام وراني محتارة نقبل ولا لا بالرغم من انو عندو كل شيء الا اني لم ارتح له
وعلى فكرة لم اره بعد

 

[MiSs Sisi StyLe]

اختي كاين عباد تحطي روحك تعرفيهم بيان و على الاخير يظهرو منافقين و الي عرفتيه عليهم كامل كان غير ماسك
نصيحتي جربي و اذا ما عجبكش ساهل الحال كل واحد في طريقو

 

[hiba14]

ديريني في الراي اقبلي الا ادا فيه عيب ما تغمضيش عليه عينيك لاخاطر الشاشرة قاع كيفكيف هادا سارسرة جا للحلال نيشان
ربي يدير الخير في لامان

 

[منار السبيل]

انا رايي خودي راي يماك واتعرفي عليه في هاذ الفترة ومدام راكي تقولي صاحب خاك معناتها
خوك مرايحش يجيبلك واحد مشي مليح
اتكلي على ربي والله يهنيك يا اختي