ظاهرة الكتابة فلحيط

[صفحة بيضاء]

السلام عليكم
الكتابة في الحيط
الرسم والكتبة والجخاليط
واحد الظاهرة راهي عنا فلجزائر ...هي اصلا في كل البلدان العربية
الناس غي هما و الكتبة فلحيط ماشي كاع بعض الناس
واحد كاتب فلان يحب فلانة واحد كاتب على الحرقة واحد كاتب على كوفي كوجيا
زعمة التعبير عن المشاعر فلحيطان
حتى فلمساجد تلقاهم كاتبين.... فلمدارس ...و فلطاولة تاع المدرسة ..فلباب تاني ....ياربي واحد السيام بناوه جديد وسخوه بلكتبه تحسب بناوه قبل الاستقلال
هدا ملفراغ.... الناس ملقاو واش يديروا......
فلبلدان المتقدمة معندهش فراغ ابدا حتى الولد يتعلم من هو وعمرة سنتين
على هديك عندهم النظافة لا حيط مسخ ولا اشياء مرمية على الارض
بصح حنا حتى لولاد لكبار يكتبوا بلبنتورة زعمة قعدي تم متتمحايش
نتوما برأيكم تبغوا واحد يجي يكتب في حيطكم
...ولبنات واش رايكم كون تلقاو اسمكم مكتوب في حيطكم واش ديروا
هل هدا مرض او فقط الفراغ



اللي كاتب هي تاني غالط راه يوسخ فلحيط​

 

[** غزال الصحراء **]

تمت مراقبة الموضوع و إعتماده //

 

[** غزال الصحراء **]

وي صح ,, أنا يغيضني لي يخبرش الحيط كيما هاذي لي دايراتو في التصويرة

داير روحو راه ينصح و هو راه عاميها .. مي كاين اللي يكتبو حاجة مليحة يعني بستيل (( graffiti ))

أما هاذو لي يخلطو و خلاص ما يليقلهم غير البنتورة .

 

[**الريحآنة**]

عجبتني الصورة لي حطيتيهآ ،، والله لوحدهآ تعبر عن كل ما كتبتي ،،

وتحيري وشنو هي الغاية من هاد الفعل !!!!

بصح نسيتي الموصيبة الكبيرة وهي كي يكتبو النوآمر ديالهم على الحيط هه

الله يهدي ما خلق ..

مشكورة يا امورة على الموضوع *_*



​

 

[SOFIANE BATNA]

السلام عليكم
ظاهرة جديدة تكاد لا تخلو الجدران منها وكل واحد واش يحب يكتب
تلقايهم حنى نيميروات انتاع تيليفون وكاتبين بنت فاميلية ؟؟؟؟؟ تجي تفهم تدوخ
مثلا في باتنة في الملعب الجهوي لفريق المولودية تالمو الوضعية خلات والفريق سقط إلى القسم الثاني
لم يجد انصار الفريق سوى جدران الملعب أو مقابله المهم أن تصل الرسالة
--إدارة لصوص mspb --
-- فريق الشوياب بهدلوا بينا -- وغيرهم كثير

الخيار الصائب حسب رأيي هو أن تصل رسائلهم​

 

[اردن حب جزائر]

ظاهرة في كل الدول العربية
مرة شخص واضع عن نفس الموضوع بالكويت
كتابة غرام و حب على جدار احد المساجد في الكويت
فاصبحن الجدر لا تخلو في و طننا العربي من الكتابات و العنصرية
حتى لحق بنا الامر عنصرية بالاندية الرياضية في نفس البلد
و بالله المستعان​

 

[DARINE05]

وي سيرتو في الطوابل تاع ليكوول مكانش طابلة ماهيش مخربشة +نبداو من تاعك ونروحو

 

[Anissa_vanissa]

درك ماكانش حيط وماتلقايهش مخربش
ولات تجيني حاجة عادية

 

[لحظة أمل]

loooooooool
3andak lhak lhayot kol mwaskhine
rabi yahdihom balak habinha tabka dikra
ykhafo yaktboha fi wrak yetgat3o
mala hit khir w3abalhem daawla mch hatesbar loool

 

[Sârsoùra L'mkàlChà]

ههههههههههههههههههههههههههه
الفوطو فووور يا خيتي

واله غير صح
و ساعات حتى وين يكتبو وحد لكلام مكاش ما ارخس منو


​

 

[إشراقات]

وعليكم السلام ورحمة الله وبركاته :

بالفعل هذه الظاهرة منتشرة كثيرا

بين أوساط الشباب والفتيات ..

يكاد لا يخلوا جدار من

هذه الخربشات المؤذية

والداعية للآثام والمعاصي ..

فنجد هذا يكتب رقم هاتفه ..أخرى معادلة من نوع خاص ..

وآخـــــــر على طاولة المدرسة

:ذكرى خالدة من عند فلان لصديقه فلان على الساعة كذا في حصة الاستاذ كذا

الله المستعان ..

اللهم ردنا الى الحق ردا جميلا

​

 

[WiNssE]

عندك الحق خويا في كل بلاسة الكتبة و يسموه التعبير عن النفس

صراحة كون نلقا اسمي مكتوب غير حشومة كبيرة

كترية لكان على باب اليسي و معجبين بيه كشفة ​

 

[فؤاد الورقلي]

السلام عليكم
ظاهرة منتشرة بشكل
كبير
حيث نجد ذلك حتى في المؤسسات التعليمية من الابتدائي الى الاكمالي والثانوي
حتى الجامعات لم تسلم من ذلك
وليس الحائط فقط حتى الطاولات والمقاعد
على فكرة اجريت الكثير من الدرسات حول هذه الظاهرة لانها تعتبر شي سلبي بذ
اما اسباب الكتابة فيعود الى عدة اسباب منهل
الفراغ الذي يعيشه الكثير من الشباب فتجده يكتب ليفرغ ما في قلبه حيث سيرتاح بعض الشي عندما يكتب
ثانيا العنصرية وهذا امر خطير حيث نجد كتابات تحرض على اشخاص او منطقة على منطقة
كما يوجد اسباب عديدةومتعددة
شكرا على الموضوع
وان شاء الله يكون نصيحة او محاولة للتقلي من هذه الظاهرة وتوعية الناس
بارك الله فيك
السلام عليكم​

 

[صفحة بيضاء]

مشكورين على المرور جميعكم ​

 

[missa_1]

اه الكتب على الحيوط ضاهرة منتاشرا بزاف
بصح تعجبني بزاف​

 

[nina bonoise]

ياو كون نجيبلك دي فوطو تحيري وش كاتبين
كرتينا قاعدين يسبغوا في الخماجات لي كتبوها

 

[حسام فنال]

وي سيرتو في الطوابل تاع ليكوول مكانش طابلة ماهيش مخربشة +نبداو من تاعك ونروحو

​

حتى انا عدت نخربش
هههه

 

[lolitta]

lazam nal9awalhom des place pour remplir le vide

 

[بسمة _امل]

فعلا اختي هي ظاهرة منتشرة وبشكل كبير

وعادو يستخدموها للتشهير ببنات الناسوشوهونا الحطان بالبزاف

وهبلو البلدية دايما يكتبو في واحد الحيط نتاع ليكول تعاود البلدية تدهنو يعاودو يكتبو حتى كرهو وخلاوه مكتوب

مشكورة على الموضوع
​

 

[بسمة _امل]

lazam nal9awalhom des place pour remplir le vide

والله فكرة رائعة

ولا نديرولهم حيطان خاصين بالكتابة والتخربيش:yahoo:
​