ماذا تفعل لو تجد شريك عمرك عقيم (عاقر)؟؟؟؟؟؟؟؟؟؟؟؟؟

[yacino1993]

منيش عارف منين طيحلي هاد الاسئلة المهم وانا مريح وحدي قاعد نخمم جاني هاد السؤال اني لو كان نتزوج ونلقى مرتي عقيم واش ندير مع انني نحبها ومنقدرش نبدلها وفي نفس الوقت حلمي نكون اب :tears: ونفس الشيء بالنسبة للمراة إدا لقات راجلها عاقر وحلمها تكون ام :tears:
واش رايك انتوما في هاد الموقف الله لايشوفنا فيه ؟؟؟؟؟؟؟
صعيب بزاف

 

[الطفلة البريئة]

عادي يا اخي الكمال لله و الحاجة كي تكون تاع ربي نقبلها و بلا كثر خيري
و زيد العبد لي نحبو نتخلى على جالو حتى على احساس الامومة اللي كل وحدة فينا تتمناه
و الطب ضرك الحمد لله راهو متطور يعني تجيب طفل بعدة طرق
و ربي يجيب لي فيه الخير ان شا ءالله
شكرا على الموضوع و تقبل مروري ​

 

[عفاف الجزائرية]

عادي اي واحد يحب الاولاد بصح المهم السعادة تكمن في التفاهم والحب بين الطرفين واللي دايرها الله مرحبا بيها
​

 

[مفآهيمـ الخجل]

عادي ليسونسيال السعادة و الحب المتبادل

..
​

 

[الكرامة]

المال والبنون زينة الحياة حبينا ولاكرهنا الردود تكون حسب شخصية وقدرة كل شخص على التعاش مع الوضع دون أطفال .
- كلام الناس مايرحمش وهذا يأثر على نفسية سواء المراءة أو الرجل كلمة العقيم أو العاقر تقيس بزاف خاصة في المناسبات وين الناس فرحنين مع ولادهم يشرولهم ... إلخ و العقيم ............. ? لكن مهلن نحكيلكم حكايتي أن تزوجة من رجل وأنا أعلم أنه عقيم حيث سبق له الزواج من غيري ولايوجد عنده أطفال بعد طلاقه تزوجنا عن حب تحدينا كل الصعاب ووكلت أمري لله وخلتها عليه سبحانه وتعالى وربي مافيه غير الخير شاف فينا ورزقنا بطفل وطفلة ماشاء الله عليهم والحمد لله كل شئ بيد ربي سبحانو ليشد فيه مايضيع الشهر الثاني من الزواج كنت حامل و الحمد الله كاين ليصبر ويتقبل مكتوب ربي وكاين لي ميقدرش رغم حبه لطرف الثاني الله غالب كل واحد ومقدرتو وتفهمه , الرجل ربي حللو يعاود الزواج والمرة ربي يعوض عليها ويصبرها بصح نديرو مليح في بالنا بلي ماندو غير وش قسمنا ربي سبحان وتعالى .

 

[بلبلة شمس]

أكيد نرضى بالمكتوب تاع ربي
لأن هذا الشي من عند الله سبحانه وتعالى
أذا كان هذا الشي من جيهتي أكيد راح نطلب منوا ان يتزوج من امراة أخرى
هذا حقوا الشرعي
أما اذا كان هو محال نخليه اذا كان معايا راجل​

 

[إشتياق]

السلام عليكم
أكيد الأمر صعب، لكن إذا كان هناك حب و مودة بين الزوجين فهذا يعوض إن شاء الله الأولاد، بالنسبة لي عندي 05 سنوات زواج و لم أرزق بالأولاد و زوجي هو المريض و نحن الحمد لله صابرين و سلمنا أمرنا لله، و بما أن زوجي إنسان طيب و متفهم و حنون و هناك مودة بيننا فلماذا أتركه من أجل أولاد ربما لو كتبهم الله لي كانوا عاقين، لذلك فليرضى كل إنسان بما كتبه الله له.

 

[dreamboydz]

منجمش نبدلها إلا كان المرض فيها و في تلك الحالة اللي نزيد نبغيها و كون نعرف بلي إمراة اخرى جيبلي 10 ذراري منفكر حتى باش نبدلها و إذا كان فيا مانيش عارف واش رايح يصرا

 

[princesse0207]

bonne question khoya yacine
akid ma3liche mohim tafahom w al hob w alhna
w rabi kima yaktablakch hadja pk tachabat fiha wala takfor w kima kalo al kamal lilah
w nchalah had les gas ali galo nasobro m3a nsana ma ydoroch m3a al wakt

psq almra 80pourson bali ma tazewejch wtkhalih mais rajel ydirha

w kima kalat alokht kolchi atawar mnt
w madam tifl al anabib hlal pk pas
wala yatbanaw mais madabihom ki talhag l'age ygololha sah w maykonoch ananyin bah ta3ref ahlha aw ahlo
w ana akhi man jihti makan hata problem
merci bcq khoya yacine baraka alaho fik​

 

[zineb-setif]

إذا كان عقيم ويستاهل التضحية معليش
بصح إذا كان عقيم وطاير يروح يكرفس على روحوا والله يبعدنا على هذي المواقف الصعيبة

 

[مريم1980]

:islam_slat1:بسم الله الرحمان الرحيم موضوع مهم و انا واحدة من هؤلاء متزوجة عندي 3 سنوات ولم ارزق بعد بالاطفال صح صعيبة العيش بدون اطفال بصح الله سبحانه يعطيك الصبر لكن ما ننساوش الناس الي يجرحوك وما يخجلوش ويتعمدو يجرحوك بصح انا وحدة مانخليش زوجي لاني نفضلو على الاولاد و كل شيء بيد ربي المهم يخلوك الناس في حالك تعيش هاني وادعولي يا اخواتي في اللمة ان يرزقني الله الذرية الصالحة اختكم في الله مريم 1980

 

[اميرة المنتدى]

الزواج رزق والذرية رزق وعسى ان تكرهو شيئ و هو خير لكم