وعلاش هكذا ...وين رايحين نروحوا بهذي العقلية؟؟

[سماح4]

السلام عليكم :

بلاك عندي بزاف ماهدرتش وراني جاية نخلط عليكم شوية ...
بلاك الأغلبية هنا في سن المراهقة ويقدرو يناقشوني في هذا الموضوع الحساس ...ظاهرة إعتداء التلاميذ على الأساتذة ....غير في هذي النهارات واش سمعت من حكايات في هذا الموضوع ...
وحدة ضربت الأستاذة انتاعها بكف لاخاطر قالتلها اسكتي ولا أخرجي برا خلي زملائك يقراو ...والطفلة هذيك هددت الاستاذة اذا حرشت المراقب رايحة تبهدلها فالشارع لاخاطر عندها جماعة إختصاصيين في هذا المجال.
أما وحد الاستاذة تحكيلي قالتلي مرة خرجت من الكلاسا وخلات صاكها ياخي فرغوه كامل وتفرجو فيه والمصيبة أنها كانت حاطة تصاور عرسها كامل ....
وواحد ضرب استاذو ...وواحد سب أستاذو ...بلا ما نطول عليكم يرحم أيام زمان مين كان معلم الأجيال عندو قيمة ...وضركا حبيت تقولو رايكم وعلاش انتشرت هذي الظاهرة في المدة الأخيرة وواش هي الأسباب يا ترى؟؟؟؟
عذرا على الإطالة..​

 

[** غزال الصحراء **]

تمت مراقبة الموضوع و إعتماده //

 

[السلطانة]

وعليكم السلام اختي سماح شكرا على الموضوع
هادي يقولولها صحانية لوجه تاع التلاميد
عيب كبير واش قاعد يصرا في مدارسنا الاستاد طيحولو من قيمتو
يوقفو يعطيوه بالكف والله هادي موغريبة
انتي حابة تناقشي الاسباب انا حسب رايي نقول :
الاسباب لي ساعدت على تفاقم هدا الوضع هو القانون لي يقول:
°ممنوع الضرب°
يهدر معاه استادو ولايضربو باه يتأدب يوقف ليه يقولو ممنوع ماتضربينيش ينوض هو يصرفgو عيب كبير هادا
والجيل هادا لازمو لعصا سينون ماتفراش علاخاطر لااخلاق ولاهم يحزنون يعرفو غير يشيخو ويديرو الطوايش وهادا ماكان
الله يعينا عليهم
تحياتي اختي الفاضلة

 

[AnGeL*dZ]

بصرآحة المدرسة الجزائرية مهازل xمهازل:sneaky2:
التلاميذ مايحترموش الاسآتذة في عوض راهم والديهم:closedeyes:
قم للمعلم وفه تبجيلا كاد المعلم ان يكون رسولا
انا نروح نقرا كافية خيري شري:heh:
مانديرش لمشاكل لروحي
وماندريش التبهديلة لعايلتي
في هاذي المرحلة من العمر تلقا التلميذ يقول رآني كبرت
وحشومة عليه يضربوه الاساتدة ولا يغلطوا فيه :music_whistling:
ويدير روحو عنتر زمانو ولا البنآت مانحكيش
رآني غير نشوف ونقول ربي يهدي من خلق :tears:


​

 

[sahiko hamza]

فياقة كون راهو راجل ولا مرا ماديرش هاذي الشي
مام هوما ذرك كرهو

يقري ولي ماقراش هو الخاسر
هو يروح لحومتو وهي الشارع يربيها ويسعد من قرى
​

 

[سماح4]

تمت مراقبة الموضوع و إعتماده //

بارك الله فيك غزالنا هشام.

 

[سماح4]

وعليكم السلام اختي سماح شكرا على الموضوع
هادي يقولولها صحانية لوجه تاع التلاميد
عيب كبير واش قاعد يصرا في مدارسنا الاستاد طيحولو من قيمتو
يوقفو يعطيوه بالكف والله هادي موغريبة
انتي حابة تناقشي الاسباب انا حسب رايي نقول :
الاسباب لي ساعدت على تفاقم هدا الوضع هو القانون لي يقول:
°ممنوع الضرب°
يهدر معاه استادو ولايضربو باه يتأدب يوقف ليه يقولو ممنوع ماتضربينيش ينوض هو يصرفgو عيب كبير هادا
والجيل هادا لازمو لعصا سينون ماتفراش علاخاطر لااخلاق ولاهم يحزنون يعرفو غير يشيخو ويديرو الطوايش وهادا ماكان
الله يعينا عليهم
تحياتي اختي الفاضلة

أنتي ناقشتي القانون الجديد او الخرجة لجديدة لي تقول ممنوع الضرب.. وهذي فعلا خلات التلاميذ حتى فالإبتدائي يطلعو على الاستاذ بحجة ممنوع الضرب ...وصح كيما قلتي هذا الجيل ما ينفع فيه غير العصا ...ورغم هذا انا نشوف انو المشكل اكبر من انو الضرب توقف لأنو الضرب ثاني هو سلاح ذو حدين ...بارك الله فيكي عيشة نورتي الموضوع بكلامك الموزون ...يعطيك الصحة.

 

[ĜąМę ǒVĕŗ]

واحدة عدنا استاذة دربتها طفلة بالصفعة ​

 

[touti_dz]

حتى الاساتذة مش قلال وحنا على العام يضربو فينا القانون اللي يقول ممنوع الضرب جامي سمعو بيه
حنا عندنا واحد الاستاذة تقعد تقعد ومبعد تحكم العصا وتضربنا الكل وحنا ما نديرولها والو من تجيها في راسها تضربنا

 

[حلمي النسيان]

درك في بلاصة ما الاستاذ يضرب التلميذ باش يربيه​

ولاو التلاميذ هوما اللي يربوا الاساتذة​

الوقت اللي لحقناله و الله غير سيليما​

احنا في وقتنا راني عاقلة بلي كنا نحشموا باش نخزروا في معلمنا و لا في استاذنا​

درك ني حياء ني حشمة ، التلاميذ ولاو يدخلوها طاي طاي​

مايحترموا واحد كبير عليهم مايديروله قدر​

الله يعينا على هذا الجيل،كيما واحد يدير معاهم مايسلك​

مرسي اختي على الموضوع ​

peace​

 

[02asma02]

والله يا ختي راه صاري العجب ما بقات حشمة الله يحفظ ويستر
احنا عندنا كل انواع الاعتداءات راهي موجودة
​

 

[amira_algeria]

في وقت كيما هدا عاد كلشي نورمااااااااااااااااااااااااااال التلميد يضرب الاستاذ الابن يضرب الاب كل يوم نشوفو حوايج جدد يحبسولك راسك ربي يهدي ما خلق

 

[سماح4]

بصرآحة المدرسة الجزائرية مهازل xمهازل:sneaky2:

التلاميذ مايحترموش الاسآتذة في عوض راهم والديهم:closedeyes:
قم للمعلم وفه تبجيلا كاد المعلم ان يكون رسولا
انا نروح نقرا كافية خيري شري:heh:
مانديرش لمشاكل لروحي
وماندريش التبهديلة لعايلتي
في هاذي المرحلة من العمر تلقا التلميذ يقول رآني كبرت
وحشومة عليه يضربوه الاساتدة ولا يغلطوا فيه :music_whistling:
ويدير روحو عنتر زمانو ولا البنآت مانحكيش
رآني غير نشوف ونقول ربي يهدي من خلق :tears:​

ربي يحفظك ويخليك ....كيما قلتي الأستاذ او المعلفم هو بمثابة الوالدين وحتى ويمون قاسي على التللاميذ مالازمش يوصل المشكل للضرب ...وعلى الاغلب الاستاذ دايما يخدم لي في مصلحة التلميذ لا أكثر.

 

[سماح4]

فياقة كون راهو راجل ولا مرا ماديرش هاذي الشي

مام هوما ذرك كرهو​

يقري ولي ماقراش هو الخاسر
هو يروح لحومتو وهي الشارع يربيها ويسعد من قرى​

إيه هما حاسبينها فياقة بصح ماهيش هذي هي لفياقة ...الي يعرف صلاحو عمرو ما يخسر مع ناس اكبر منو مش مهم واش خدمتهم فما ادراك إذا كان المعلم أنتاعو ....
وهذي كلها في مصلحة التلميذ ولا ضدها يعني على العموم الاستاذ ماهو خاسر والو.
ربي يعطيك الصحة خويا ...

 

[سماح4]

واحدة عدنا استاذة دربتها طفلة بالصفعة ​

راهي ماشي وحدة ولاو وحداااااات ....ربي يجيب الخير برك ميرسي ....

 

[سماح4]

حتى الاساتذة مش قلال وحنا على العام يضربو فينا القانون اللي يقول ممنوع الضرب جامي سمعو بيه
حنا عندنا واحد الاستاذة تقعد تقعد ومبعد تحكم العصا وتضربنا الكل وحنا ما نديرولها والو من تجيها في راسها تضربنا

يا أختي هذي الأستاذة ماتعبرش على جميع الأساتذة فالأباء يؤدون رسالة الأبوة وهناك أباء ظالمون أحيانا هل نعاقبهم ؟؟؟وحتى وإن كانت الأستاذة ضالمة في رأيك تنضرب من طرف تلميذ متأكدة انكي توافقيني رأيي....أقل شيء نحترم فارق العمر....شكرا.

 

[zaki_25]

السلام عليكم
أنا في رأي المشكلة راهي في الأساتذة تاع درك ماشي في التلاميذ
لاني تحطيت في مواقف قريب وضربة أستاذ مع الأسف لاكني صبرت
فالأساتذة تاع وقتنا هذا حاسبين روحهم يعملونا التلاميذ كالعبيد

 

[iméne09]

ياختي رانا نشوفو في لعجب مابقات حشمة مابقا قدر للاساتدة يهدرو معاهم بلا احترام ويرفعو صوتهم عليهم هدا واسمها جياحة يحب يبين روحو يديرو فيهم حالة يلعياط وهدا راجع للتربية بورتون رانا نقرا باش نترباو قبل مانتعلمو مي الله لا يشوفك اساتدة تخلاص عليهم بالضرب على خاطر غلط مع كاش طفل ولا زقى عليه وزيد ماشي الاستاد لي خاسر راهو ضامن بلاستو وشهريتو طالعة الحصلة في لولاد لي مايعرفوش صلاحهم مي لي يخلط في الاساتدة ويجيبها معاهم رجلة هوما تان مراحش يطلقوه غيرا صفروه ويجيبوه برا نورمالمون الاستاد عندو قدرو ومانوصلهاش معاه كل واحد في حالو نخطي بلاه سي ميو وكفاش رايحة تستناي بهدا الجيل انو يطور لبلاد هدي ننساوها ماتصراش كامل راهو غير تاع تمصخير
يعطيك الصحة سموحة ع الطرح الرائع ​

 

[سماح4]

درك في بلاصة ما الاستاذ يضرب التلميذ باش يربيه​

ولاو التلاميذ هوما اللي يربوا الاساتذة​

الوقت اللي لحقناله و الله غير سيليما​

احنا في وقتنا راني عاقلة بلي كنا نحشموا باش نخزروا في معلمنا و لا في استاذنا​

درك ني حياء ني حشمة ، التلاميذ ولاو يدخلوها طاي طاي​

مايحترموا واحد كبير عليهم مايديروله قدر​

الله يعينا على هذا الجيل،كيما واحد يدير معاهم مايسلك​

مرسي اختي على الموضوع ​

peace​

[/Q

شكرا ليك أختي ...صح وين راحو أيامات زمان مين كان المعلم بقدرو ...بصح ضركا تبدلت العقلية تاع هذا الجيل ولا ما يتحمل ني باباه ني يماه ووصل للأستاذ والمربي ...وولاو حتى يضربو المدراء ماشي برك الاساتذة وهذا عندو أسباب كثيرة منها العولمة لي راهي دايرة حالة في شبابنا ...يعطيك الصحة أختي.

 

[فؤاد الورقلي]

السلام عليكم
موضوع يستحق النقاش
نعم اختاه هذه الظاهرة طغت بشكل كبير
وهناك عدة اسباب
في رأيي
اولا
قلـــــــــــــــــــــــــة التربية وتدني مستوى الاخلاق عند الكثير من التلاميذ
وهنا نرجع للاهل الذي يدافع عن ابنه تجد الاب يحمل الاستاذ مسؤولية ماحدث
لان الاستاذ ضرب ابنه
ونقولو لمش حاب وليدو يتضرب خليه عندو ويدرسه
كذلك
تقليد التلاميذ لبعضهم
وانتشار مصلطح الرجلة هههههه عند كثير من التلاميد والطلاب
نقطة اخرى وتتمثل في
البرامج التعليمية الخاطئة التي يتلقاه التلاميد منذ المرحلة الابتدائية
لانه حسب البرنامج الجديد
لا نرى الا الاختراعات والفيزياء والكيمياء
لاننا نريد ان نبني جيل يحترف ويخترع ويضرب الاستاذ في الاخير
وكذلك
تدني قيمة الاستاذ عند الحكومة وعدم اعطائها قيمة للاستاذة وتحمليه المسؤولية

نسال الله الصلاح لهدا البلاد

شكرا
ربي يوفقك ويجازيك

السلام عليكم
​