اقرا وعلــــــق

[Manar19]

سلااااامي
باختصار....ماشية في الطريق...شت هك في حيط
مكتوب عليه نمرو تاع التليفون بحجم كبير
وبحداه مكتوب اسم طفلة...بحجم اكبر
يعني بيبليسيتي....اشهاااااار
هدي هي الحضارة تاعنا...وهدو هوما ليجان تاعنا
للي يغيرو على خاوتهم وامهاتهم
مي بنات الناس نورمال
ومن فضلكم واحد مايقوللي الطفلة هي للي
وصلت روحها و و و
اني نحكي على الظاهرة هدي
واش من فايدة كي واحد يكتب نيمرو تاع وحدة على الحيط؟
وكي يفوت خوها وللا باباها ويشوفو؟:busted_red:
عيب والله
وكتاه نكبرو على لحوايج هدو؟؟؟​

 

[** غزال الصحراء **]

تمت مراقبة الموضوع و إعتماده .

 

[Anissa_vanissa]

انا نظن بلي اولا واخرا ترجع الغلطة للطفلة
او انهم جابو النيمرو تاعها من عند شخص اخر
المهم ...واش راح نديرو الناس تمشي للقدام بخطوة وحنا راجعين للواراء بخطوتين

 

[بنـ MaPa ـت]

لاجوناس راهي مكلوبة وفي الدزاير الدعوة مقلوبة عندو الحق ريضا الطالياني سور هادي وصات كاش واحد باش يكتب ربي يهديهممم...مرسي تحياتي..​

 

[fatehr]

احمدي ربي انو مراهوش نميرو انتاعك
وربي يهدي من خلق للناس المتخلفين
​

 

[حلمي النسيان]

ربي يهدي الناس اللي عندهم عقلية هاك​

و الله غير حشومة عليهم ،واحد قدو قد روحو يروح يدير في هاذ السيليما​

اخته ماكانش اللي يدور بيها و بنات الناس لعبة في يديه​

و فالتالي يقولك الغلطة تاع البنت​

سبحان الله​

مرسي اختي على الموضوع​

 

[HWK4ALGERIA]

سلااااامي

باختصار....ماشية في الطريق...شت هك في حيط
مكتوب عليه نمرو تاع التليفون بحجم كبير
وبحداه مكتوب اسم طفلة...بحجم اكبر
يعني بيبليسيتي....اشهاااااار
هدي هي الحضارة تاعنا...وهدو هوما ليجان تاعنا
للي يغيرو على خاوتهم وامهاتهم
مي بنات الناس نورمال
ومن فضلكم واحد مايقوللي الطفلة هي للي
وصلت روحها و و و
اني نحكي على الظاهرة هدي
واش من فايدة كي واحد يكتب نيمرو تاع وحدة على الحيط؟
وكي يفوت خوها وللا باباها ويشوفو؟:busted_red:
عيب والله

وكتاه نكبرو على لحوايج هدو؟؟؟​

اللي دار الضربة هاذي ماهوش راجل وماهوش ولد فاميلية هذا باختصار شديد.
اما في مايخص لبنات فهذا درس، حلو عينيكم امليح يا خواتاتي وماديروش لامان في حتى واحد حتى صاحباتكم لأنو ماشي بالضرورة اللي كتب النيمرو يكون راجل يمكن اتكون طفلة.
المهم ديرو حسابكم، واللي مافي كرشو التبن مايخاف من النار.
شكرا على الموضوع المميز والمؤثر.

 

[touti_dz]

لاجوناس راهي مكلوبة وفي الدزاير الدعوة مقلوبة عندو الحق ريضا الطالياني سور هادي وصات كاش واحد باش يكتب ربي يهديهممم...مرسي تحياتي..​

شكون المهبولة لي توصي الناس يكتبو النيمرو تاعها ما تخافش ليشوفوه بويها ولا خوها

 

[بنـ MaPa ـت]

شكون المهبولة لي توصي الناس يكتبو النيمرو تاعها ما تخافش ليشوفوه بويها ولا خوها

وشكون قالك لي پارون نتاوعها علابالهم لي عندها پورطابل....كاين شي بنات عاملينو فالسر يا توتي..​

 

[بسومة16]

ربي يهدي الجميع

 

[amira_algeria]

ربي يهدينا

 

[ملكة الكبرياء]

مشكور خيى وعندك الحق
ويقلك لمس عرض الناس مينساش عرضو
خطركش كما تدين تدان ​

 

[DARINE05]

والله صح ام ليجون ميحشموش واش معناها كي يكتب نومرو تع طفلة هو كتب ا سيدي واش راح يستفيد غير دعوي الشر

 

[N@riM@N]

ههههههه انا وكان نشوفو نهزو
املا الطفل واش يدير؟؟؟؟؟؟؟
واش داك يازيتونه للواد<<<<<خلط روحك بنخاله ياكلك الدجااااااج​

 

[zaki_25]

أولا مشكور يا أخي على هذا المضوع
ثاني وما أدراك أن هذا نيميرو تاع طفلة
بلاك تع واحد طفل حاب يشيخ بلعباد
نعرف ولاد يكتب النميرو تعوم و يطتب قدمو أسم طفلة باش يشيخ بالعباد
​

 

[Bob Marley]

اختي ناس ناقص حنان في حياتهم
كيما ايقولو لي فاتاتو الرجل ايكملها بالوشام
كي مايقدرش على شقاه ايولي ايفسد و يدر في المشاكل والرخس
لا لا ناس كيما هدم مانتكيفهمش
مرسي​

 

[tarek ess]

وانا نقلك علاش كتب النيمرو تاع هذي الطفلة بالذات
علاش ماشي الارقام تاع البنات كامل مكتوبين في الحيط

 

[نور الصباح الجزائرية]

صح و الله ظاهرة منتشرة و صرات مع وحدة حبيبتى بى ديرونجاها واحد وكى ما عطاتوش وجه قالها تشوفى واش ندير فيك ايا راح كتب نيمرو تاع فى التوالات حاشاكم تاع السانتيvي تاع حاسيب مسعو د و راكم عارفين الحاسي و كيفاش مخلطة هبلوها كل دقيقة يجيها نمرو جديد ايا حتى جا واحد ولد حلال و قالها يا بنت الناس بدلى النيمرو راه مافيشي ايا بدلاتو بصح و الله غير تحير فى واحد يخاف على عرضو و ما يخافش ربي فى اعراض الناس

 

[مروة MARWA]

وي دي فوا نلقا في الحطو لي نيميرو وكاتبينهم كبااار لعور ويشوفهم
سبحان الله تجي تفهم معاهم تدوخ كلش معكوس
---
يعطيك الصحة على الموضوع
​

 

[السلطانة]

ناس تحت المستوى مالقينا مانقولو
ربي يسترنا
تحياتي اختي