{{{{{ صاي ظفح الكيل ...ربحوا الدراهم وربحنا 00 ... بعد النهائي الكبيرفهمت ...أدخلوا}}}}}

[BeSt GlAdiAtOr]

السلام عليكم ورحمة الله تعالى وبركاته
والله إرتأى لي أن أكتب هد الموضوع بعد ماحسيت بشيء قبل وبعد مبارات النهائي لكأس الجمهورية
*وفاق سطيف ** شباب باتنة*
خرجت بنتائج كبيرة على وإستنتاجات خلاتني نراجع **ونتمنى تراجعوا معايا* نفسي



اللاعبين *وفاق سطيف* : تحصلوا بعد المبارات على الكأس
+
3 ملايير من فخامة رئيس الجمهورية
+
مكافئة الوالي *والي ولاية سطيف بدوي
+
مكافئة بلديةسطيف
+
منحة الفاف للفائز بكأس الجمهورية
+
مكافأة وزارة الشبيبة والرياضة للفريق الفائز
+
المبلغ الذي وعد بيه رئيس الوفاق حكيم سرار




ومبعد......



المناصرين =
ثمن كراء السيارة +ثمن النزين+ثمن التذكرة +ثمن الإقامة للأنصار الي راحو يوم الجمعة+ثمن وجبات الغذاء+مصاريف التشجيع*فيميجان+قميص+فانيو...
+









الهم والتعب والجوع والعطش والحرارة والشمس والإستفزازات والاقريساسيون والتعب*من 8.30إلى 17.30-18 ......لزم كل واحد يقضي حاجتو








يعني كل هد يهون في سبيل الوفاق أو شباب باتنة
نقولو معليش ....
لكن إلى متى
والله عندما حكا لي صاحبي الي شاهد المبارات غاضني بزاف وكل المناصرين الي معاه
ميزرية كبيرة ومعاناة
واللاعبين راهم كل واحد فيهم راهم يتقلشو ا ب1 ملير نعم *لكل وحد*
زيادة على الجوائز الإضافية

هنك فرق كبير الآن


نتمنى فهمتوا قصدي ومبتغاي
يعني كلوا تخدير للشعب وإبعاده على مطالبو الشخصية الإجتماعية
تلقى واحد قاري *لاليسونس +ماجيستار+دكتوراه.....
شهرية 4ملاين
ومن جهة لاعب مبارات في أسبوع 10 ملاييين
شوفو الفرق معايا
الشعب والعمال التقشف وصل لدرجة كبيرة كل مرة يزيدولهم بالسقاطة
بينما اللاعبين دون جهد عيش لافي







المهم خواوتي نتمنى وصل الميساج والمعنى ويدخل لميموار ديالكم وم تنساوهش
وللذكر فإن منصار للوفاق من لدرجة الأولى وهد ليس إنقاص من حجم لفريقيم ومن الكرة الجزائرية لكن لكي نعرفو حوايج كيما هدي وأنا من عايش جحيم لملاعب عن قرب




سلام .....من وائل السطايفي
اللإسم السابق​

 

[السلطانة]

وعليكم السلام ياوائل ياخويا
تلفتهالي بالاسم الجديد
3 ملايير من فخامة رئيس الجمهورية
+
مكافئة الوالي *والي ولاية سطيف بدوي
+
مكافئة بلديةسطيف
+
منحة الفاف للفائز بكأس الجمهورية
+
مكافأة وزارة الشبيبة والرياضة للفريق الفائز
+
المبلغ الذي وعد بيه رئيس الوفاق حكيم سرار
عينيا خرجو :scared: ربي يزيدهم :tears:
والشعب خلي يشطح ويبرد على قلبو °الواد مديه وهو يقول ماحلا برودو°:tears::busted_red::busted_red::heh:
للاسف ....

 

[أفراح الجزائر]

ربي يزيدهم ...ونتوما تشريو في العلامات بدم قلبكم
وكيما قالت عيشوش الشطيح حتى شطحت علينا الحكومة بزوز كلمات (واننا لنقف مع شبابنا العزيز) :thumb_down:....ها لبالون واش دارت في شعب ماعليش ​

 

[afkaar]

و الله شر البلية ما يضحك.
من معه يزيدونه و من هو محروم يأخذون منه أكثر .​

 

[حسان]

و الله عندك الحق خويا

اسأل مشجعيين قدماء عندهم أخبار عن هذا الموضوع

و لهذا سبب تركوا بلون و اصبحوا يخموا على مستقبلهم ​

 

[nassima6]

ياخويا غلطت لي عندو ليسانس يخلص 700 ولا مليون والماجستار 2ملاين ودكتورا على حساب المكتب والمؤسسة اما حنا تلعبتلهم لوالدينا ما دخلوناش نديرو الرياضة لو كان هكذاك دزيرين كامل ملاعبية.

 

[Sârsoùra L'mkàlChà]

يخي بلاد يخي
الناس تتعب نهار كومبلي باش تجيب فالنهار 100 الف
و ناس تقعد تلعب و مبعد تدي 10 ملاين فالباطل

يخي دزاير يخي
​

 

[BeSt GlAdiAtOr]

وعليكم السلام ياوائل ياخويا
تلفتهالي بالاسم الجديد
3 ملايير من فخامة رئيس الجمهورية
+
مكافئة الوالي *والي ولاية سطيف بدوي
+
مكافئة بلديةسطيف
+
منحة الفاف للفائز بكأس الجمهورية
+
مكافأة وزارة الشبيبة والرياضة للفريق الفائز
+
المبلغ الذي وعد بيه رئيس الوفاق حكيم سرار
عينيا خرجو :scared: ربي يزيدهم :tears:
والشعب خلي يشطح ويبرد على قلبو °الواد مديه وهو يقول ماحلا برودو°:tears::busted_red::busted_red::heh:
للاسف ....

إيه يا ختي عيشة والله راني بدلت عضويتي لأيباب ونمنى ما تنساونيش
والمهم
هدي هي بلادي الشعب عندو غير البالون يفرغ فيه همو وقلبوا​

ربي يزيدهم ...ونتوما تشريو في العلامات بدم قلبكم​

وكيما قالت عيشوش الشطيح حتى شطحت علينا الحكومة بزوز كلمات (واننا لنقف مع شبابنا العزيز) :thumb_down:....ها لبالون واش دارت في شعب ماعليش

مشكورة ختي أفراح على مرورك المتميز
مي هدي هي العقلية الناس تشطح وتفرح والحكام يظحكو علينا ويسفقوا​

و الله شر البلية ما يضحك.

من معه يزيدونه و من هو محروم يأخذون منه أكثر .​

ولك جزيل الشكر على مرورك العطر أخت آفاق

و الله عندك الحق خويا

اسأل مشجعيين قدماء عندهم أخبار عن هذا الموضوع ​

و لهذا سبب تركوا بلون و اصبحوا يخموا على مستقبلهم ​

مشكور خويا حسان هدوك ناس شافو واقع الملاعب والميزيرة ديلوا
وبعد عليه لأنو بطبيعة الحال خسارة في خسارة لجيوبهم
لكن سباب اليوم أخذتهم هديك النشوة لكل الملاعب دون معرفة العواقب
تسلم أخي على مرورك العطر​

ياخويا غلطت لي عندو ليسانس يخلص 700 ولا مليون والماجستار 2ملاين ودكتورا على حساب المكتب والمؤسسة اما حنا تلعبتلهم لوالدينا ما دخلوناش نديرو الرياضة لو كان هكذاك دزيرين كامل ملاعبية.

إيه واله يقولك أنا ندخل وليدي للأكادمية تا الرياضة كشما يخرج كيف زياني
ويعيشني مبعد في المستقبل:yahoo:​

يخي بلاد يخي

الناس تتعب نهار كومبلي باش تجيب فالنهار 100 الف
و ناس تقعد تلعب و مبعد تدي 10 ملاين فالباطل

يخي دزاير يخي
​

مبارات ب3 ملاير


و



:wink:



شهر عمل وجد ب3ملاين
​

 

[معاك يا الخضراء]

ياااااااااااااااااااه راك بابا الدوزيام :scared:
يا عمو بصحتهم المهم حنا فرحونا:music_whistling:
ههههه مع اني تبهدلت فالماتش لخر هادا:tears:
تخاطرت انا و موح و خسرت الرهان ههههههه:heh:​

 

[BeSt GlAdiAtOr]

ياااااااااااااااااااه راك بابا الدوزيام :scared:

يا عمو بصحتهم المهم حنا فرحونا:music_whistling:
ههههه مع اني تبهدلت فالماتش لخر هادا:tears:

تخاطرت انا و موح و خسرت الرهان ههههههه:heh:​

هههههههههه
والله شبعتو أهداف من عند الشيخ مترف وأومبان
مي والله باتنة كانت دو روح رياضية عالية ونحييهم تحية حارة
وبخصوص المخاطرة الله غالب موح خونا يستهلها
والعقوبة المرة الجاية ليك​

 

[R@MA]

كرهت كامل لي ماتش واش هدا بالون ولا واش
الواحد طيح صحتو وقاعد يخمم ويزعف ويقتل في روحو
بزاف احنا مانعرفوش للبالون خلاص ماعندناش الروح الرياضية
وكيما قلت الناس ربحت دراهمها واسمها
وحنا 000000000 مليار ورجعة لدار
بارك الله فيك موضوع في الصميم ناس خسرت من جيوبها وناس عمرت في جيوبها حتى دفقوا
الله يزيدهم والله يهدينا​

 

[ĜąМę ǒVĕŗ]

تاع باتنة صح فحولة عرفو رواحهم خاسرين في لفار مراحوش قاع


زيد هادي تاني

+ الي يتفرجو في الستاد مايشوفو والو الي قاعدين في الدار يشوفو مليح​

 

[DARINE05]

والله عندك الحق يا وائل
هما عطهم ربي في رجليفم والباقي في عقولهم
مي في بلاد ميكي كلش معكوس الله غالب

 

[POLIYANA]

هادو هوما الجزايرين وين يقولو اي كاينة قصبة وبندير الجماعة كامل تبيع حتى روحها وتمشي
بالصح كيما قلت جات على من جات
كون جاو يقولو راه جاي العالم الكيميائي الفلاني يشرح طاهرة ولا واحد ينعت اختراع ياو والوووووووووووو يلقا روحو وحدو في لاصال واحد مايسمع بيه :heh:

 

[إحســاس بــراءة]

عندك الحق خويا
دايمن تطفر في الشعب مسكين

 

[dana1993]

ايه
زيد اوموا ماتش يليق باهي
ماتش عيان و انا شفتو على اساس باتنة كونتر باتنة
بيسك منا باتنية و منهيهيه كيفكيف
و فاللخر هوما يدو دراهم و المناصر يروح ويرجع للحيط لي كان حاكمو هاذا اذا لقى بلاصتو مداوهالوش
شكرا على الموضوع​

 

[N@riM@N]

ياخو هادي هي الدنيا فيها الرابح والخاسر
نسيت وقت تصفيات لكوب دموند وافريكا واش درنا في روحنا يخي ضيعنا كلش ع جال
البالون عدنا نعشاو ونتغداو على لخـــــــضره!!!
بصح انا عندي حاجه نمشي بيها كي تعود زكاره فلغيارين يمووووووووون هداك التعب​

 

[BeSt GlAdiAtOr]

عندك الحق خويا
دايمن تطفر في الشعب مسكين

إيه والشعب مسكين ونية وان يلقا هناه يروح برك
تسلمي على المرور بشرى:yahoo:​

هادو هوما الجزايرين وين يقولو اي كاينة قصبة وبندير الجماعة كامل تبيع حتى روحها وتمشي
بالصح كيما قلت جات على من جات
كون جاو يقولو راه جاي العالم الكيميائي الفلاني يشرح طاهرة ولا واحد ينعت اختراع ياو والوووووووووووو يلقا روحو وحدو في لاصال واحد مايسمع بيه :heh:

صح ختي القسنطينية كون يقولك غدوا راه جاي مقرء ولا منشد يجي غير من رحم ربي
ولكن في لمباريات من 9.00 تا الصباح ل19.00 تا اليل
تسلمي ختي على مرورك​

ايه

زيد اوموا ماتش يليق باهي
ماتش عيان و انا شفتو على اساس باتنة كونتر باتنة
بيسك منا باتنية و منهيهيه كيفكيف
و فاللخر هوما يدو دراهم و المناصر يروح ويرجع للحيط لي كان حاكمو هاذا اذا لقى بلاصتو مداوهالوش​

شكرا على الموضوع

المشكل ليس في اللع ول طريقتو
درك كل لاعب راهو در فيها 1 مليار و تفريجة لكأس العالم وجات في من جات

​

ياخو هادي هي الدنيا فيها الرابح والخاسر

نسيت وقت تصفيات لكوب دموند وافريكا واش درنا في روحنا يخي ضيعنا كلش ع جال
البالون عدنا نعشاو ونتغداو على لخـــــــضره!!!

بصح انا عندي حاجه نمشي بيها كي تعود زكاره فلغيارين يمووووووووون هداك التعب
​

​

صح وققت لي متش تا الخضرة طيشنا كل شي
مي حنا شعب نيف وكيما قلتي آفر زكارة سي تو​

لي يحب يشجع مكاش مشكل ولاكن في وقتها وزيد يعرف كفاه
اما هاذيك يغطو بيها الشعب اصلا راه غارق من بكري غير متخميش

ملاحضه برك ختي يا ريت متكتبيش المواضيع طوال بزاف اراهم يتبعو شويا ههههههه
ان شاء الله متزعفيش من الملاحضه هاذي

​

يا ويلي ياويلي:busted_red:
خويا بلال خير برك راك مودر
نسيتني صاي ؟:santa_1:
ما تشفاش على وائل السطايفي
وزيادة رجعتني طفلة؟:tears::heh:
​

 

[BeSt GlAdiAtOr]

ههههههه اسمحلي والله ما نتبهت من مش عارف وين كان عقلي
درك نعدلها خويا وائل ومبروك الاسم الجديد
كون حطيتو الاسم القديم مع الجديد هكا خير ينتبهو ليه

نعم أخي بلال راني واضعه في التوقيع








وكيم يقولو




وجه الخروف معروف​

 

[sami19280]

والله على الرغم من اني سطايفي ونحب الوفاق

مي هاذ التبذير في المال العااااااااام بزااااااااااف ياخويا

والله غير تبغا تبكي تدير حساب تلقى 20 مليار ضاعت هكذاك.

والناس تاعنا تتخرج وحاكمة لحيوط. ياااااااارب صلح لحوااااااااااال​