ليوم فوتنا Bac Sport

[** غزال الصحراء **]

​

السلام عليكم و رحمة الله تعالى و بركاته خوتي

ليوم فوتنا bac sport , ااه و الله ما كنا حاسبينو هاكا قاع !

رحنا لليسي خاطي الليسي تاعنا جاي بعيد علينا المهم ...

في الconvocation قايلين أرواحو قبل الوقت بنصف ساعة

(( ما كتبوش ساعة الدخول ))

يعني عليك و على راصك خير وقت و أرواح قبلو بنص ساعة ..

المهم ما عليناش رحنا مع السبعة و نصف أفترضنا أن وقت الدخول هو ال8

كي رحنا حسينا بروحنا طلابة دخلو تلاميذ الثانوية هاذيك و حنا خلاونا برة

مزية كانت كاينة قهوة الشومارة لمتنا حنا الذراري ,,

المهم كي لحقت الثمنية و حاجة عيطو و قالو (( أرواحو تدخلو )) غير قدمنا و ينقطنا العساس

و خرو نتوما مازال , يدخلو لبنات و مبعد ساهل //

و ريحنا برة مع الشمس تقلي و الناس كثر منها ..إلخ و من جديد تجي قهوة الشومارة تسلكنا

لحقت العشرة و نص باش دخلونا و بتشناف من لفوق

دخلنا درنا ( جلة - سرعة - قفز طويل - مداومة ) و في هاذي الأخيرة ( المداومة )

واحد صاحبي دار نص دورة و تخبى ورا شجرة خلانا حتى ولينا في الدورة لخرة و خرج يجري معانا

غير جاو يكتبونا في النقاط جبدوه و قالولو بلي رانا تحلبنالك , قلبهالهم راني مريض بالسكر ..إلخ

المهم واش نقولكم بلاد ميكي و صراو بزاف حوايج فيهم لي يخرجو من لعقل و فيهم لي يضحكو

نتمنى التوفيق لكل زملائي المقبلين على شهادة الباكالوريا

Peace .

 

[[ايمآن]]

السلام عليكم
أيا مليح المهم فاتت على خير ويبقاو أيامات ما يتنساوش
وعجبني صاحبك اللي تخبى فكرة......؟
وبالتوفيق يوم 9 جوان
تحيتي

​

 

[soussou_yebda]

حنا غدوا لولاد يديرو وحنا لبنات نديرو نهار الاحد ان شاء الله

ربي يسهلك ويسهلنا كااامل يارب

 

[إحســاس بــراءة]

السلام عليكم
اولا بصحتكم تهنيتو منو
ايه يا خويا هشام هادي هي
الحالة هادي ولميزيرية موالفين بيها في كل وقت
فكرتني بيه في نهار فوت انا الباك سبور و كنا في السباق شحال من واحد
دار ليجاست كيما اللي دارهم الطفل هادا
شعال مناللي طاحو من الجري حتى جابولهم الاسعاف
كاين للي جابو شهادات بلي مرضى و مايفوتوش
وكاين وكاين.........
هادي هي
المهم فات على خير
ربي يوفقك خويا و كامل اللي رايحين يفوتو الباك
ربي يوفقكم ان شاء الله

 

[** غزال الصحراء **]

السلام عليكم
أيا مليح المهم فاتت على خير ويبقاو أيامات ما يتنساوش
وعجبني صاحبك اللي تخبى فكرة......؟
وبالتوفيق يوم 9 جوان
تحيتي

​

امين يا رب , و صاحبي الفكرة دبروها عليها صحابنا اللي جوزو الإمتحان البارح

الأغلبية داروها و ما فاقولهمش مي هو تحشاتلو

ربي ينورك و يحفضك لوالديك خولة .

 

[** غزال الصحراء **]

حنا غدوا لولاد يديرو وحنا لبنات نديرو نهار الاحد ان شاء الله

ربي يسهلك ويسهلنا كااامل يارب

امين يا ربي , مي جديدة هاذي تاع لبنات وحدهم و الذراري وحدهم

علابالي داروهانا غير حنا .. ديجا البارح كاين ليسي داروهم مخلطين هاكاك

المهم ربي يوفق و الرسمي في جوان .

 

[أية2009]

بالتوفيق لك ولكل المقبلين على شهادة البكالورياحنا البارح وحدا جارتنا جوزت الباك سبور مسكينة رجلها دارت ونتفخت وماتت بالستر والله مدارولها والو قالولها مكاين والو حتى العشية عشات تجري في السبيطاراتالتنظيم مكاين والو يطبعو برك المهم كلش يفوت

 

[** غزال الصحراء **]

السلام عليكم
اولا بصحتكم تهنيتو منو
ايه يا خويا هشام هادي هي
الحالة هادي ولميزيرية موالفين بيها في كل وقت
فكرتني بيه في نهار فوت انا الباك سبور و كنا في السباق شحال من واحد
دار ليجاست كيما اللي دارهم الطفل هادا
شعال مناللي طاحو من الجري حتى جابولهم الاسعاف
كاين للي جابو شهادات بلي مرضى و مايفوتوش
وكاين وكاين.........
هادي هي
المهم فات على خير
ربي يوفقك خويا و كامل اللي رايحين يفوتو الباك
ربي يوفقكم ان شاء الله

مرحبا بيك يا بشرى منورة الصفحات كالعادة

و الله هاذيك هي , اللي قالهم راني مريض و لا مضروب في كاش بلاصة

عادي قال واش ألعبها أجري و حنا نمدولك النوت , مي ما يبغوش لي يلعبها فاهم

كيما صاحبي تاع الشجرة xD

مرسي .

 

[** غزال الصحراء **]

بالتوفيق لك ولكل المقبلين على شهادة البكالورياحنا البارح وحدا جارتنا جوزت الباك سبور مسكينة رجلها دارت ونتفخت وماتت بالستر والله مدارولها والو قالولها مكاين والو حتى العشية عشات تجري في السبيطاراتالتنظيم مكاين والو يطبعو برك المهم كلش يفوت

و الله صح يا اية , مي هي الغالطة لي فورصات روحها ,, باك سبور هاذا ماكاش منو قاع

غير تحرك تدي النقطة , مي كاين لي يجو مخلوعين و ثما الهردة تاع الصح

ديجا لبنات نورمالمو يريحو و يدو العلامة ,, حنا هوما تاع الجري :music_whistling:

شكرا .

 

[امورة المنتدى]

سلام خويا غزال نتمنالك من كل قلبي تجيب الباك وتجيب يمات يماه كامل هه علاه لالا

 

[** غزال الصحراء **]

سلام خويا غزال نتمنالك من كل قلبي تجيب الباك وتجيب يمات يماه كامل هه علاه لالا

لا نجيب الباك برك ما عندي ما ندير بيماه :busted_red:

و من جيهتي نتمنالك الفوز في التصويت .

 

[إحســاس بــراءة]

مرحبا بيك يا بشرى منورة الصفحات كالعادة

و الله هاذيك هي , اللي قالهم راني مريض و لا مضروب في كاش بلاصة

عادي قال واش ألعبها أجري و حنا نمدولك النوت , مي ما يبغوش لي يلعبها فاهم

كيما صاحبي تاع الشجرة xD

مرسي .

ايه صح كل واحد وكيفاه
المهم يفوت و خلاص
والله ايام مايتعودوش مالقري نسوفرو فيهم:tears: ههههه بصح نبقاو نتذكروهم
انا في هاداك النهار من كثرت اللي تعبت فيه
حتى رقدت و انا مازالت نتخيل في الجري هاداك ههههه يا لطيف
تهنيتو منو والباقي ان شاء الله يفوت على خير يارب
موفقين خويا

 

[السلطانة]

وعليكم السلام
خويا هشام
ربي يوفقك في الباقي انشالله
خسارة كون جيت قالمي راه تهلا فيك الوالد في السبور
خخخخ حتشي راه ساهل كامل يديو من 15 وطلع
تحياتي

 

[** غزال الصحراء **]

ايه صح كل واحد وكيفاه
المهم يفوت و خلاص
والله ايام مايتعودوش مالقري نسوفرو فيهم:tears: ههههه بصح نبقاو نتذكروهم
انا في هاداك النهار من كثرت اللي تعبت فيه
حتى رقدت و انا مازالت نتخيل في الجري هاداك ههههه يا لطيف
تهنيتو منو والباقي ان شاء الله يفوت على خير يارب
موفقين خويا

هاها وحدك يا بشرى

و الله مام أنا كنت داير في بالي هاكاك

قلت نخرج مدقدق قاع , سيرتو كي ليا شحال ما جريتش مام ليماتش و بطلتهم ..

مي فاتت نورمال الحمد لله , و شفت واحد الناس و الله رجعت عليهم Grave يا لطيف

 

[** غزال الصحراء **]

وعليكم السلام
خويا هشام
ربي يوفقك في الباقي انشالله
خسارة كون جيت قالمي راه تهلا فيك الوالد في السبور
خخخخ حتشي راه ساهل كامل يديو من 15 وطلع
تحياتي

اه dommage .. يعني الأب سبور و البنت عقلية بوليس لي يخرب يخلص

مرسي عائشة و صح النقاط يمدو في الرياضة و هي تعتبر مادة مساعدة لا غير .

 

[امورة المنتدى]

لا نجيب الباك برك ما عندي ما ندير بيماه :busted_red:

و من جيهتي نتمنالك الفوز في التصويت .

هههه صحيت خويا غزال

اتمنالي نجيب البيام العام الجاي ههههه :tears:

 

[** غزال الصحراء **]

تم مراقبة الموضوع و اعتماده //
:music_whistling:​

شكرا على الإعتماد :fish:

 

[** غزال الصحراء **]

هههه صحيت خويا غزال

اتمنالي نجيب البيام العام الجاي ههههه :tears:

امين امين

المهم ما تنسيناش في الكاوكاو

سلام .

 

[amina-best]

الحمد الله الي جوزتو الامتحان على الخير والله يسهل عليكم يارب في جوان في التانوية اللي ندرسوا فيها غدوا ان شاء الله يفتوه ربي يسهل على كامل ولاد الجزاير

 

[إحســاس بــراءة]

هاها وحدك يا بشرى

و الله مام أنا كنت داير في بالي هاكاك

قلت نخرج مدقدق قاع , سيرتو كي ليا شحال ما جريتش مام ليماتش و بطلتهم ..

مي فاتت نورمال الحمد لله , و شفت واحد الناس و الله رجعت عليهم Grave يا لطيف

ههههههه
وي صح
بصح نتوما لولاد هاكداك و موالفين الجري شوية
مش كيما احنا
زيد نهار فوتنا كنا حاسبين الصباح و على 12 نكملوا بصح
شدونا من 8 حتى 17 تاع العشية
ههههه قريب مت هاداكك النهار ههههه
هههههه ايلا درت عليا يا هشام خويا اليوم مانحبسش هدرة خلاص :yahoo:
ايا مرسي ليك