تيارت الخضراء ...أو جنة فوق الارض تصيبك بالذهول

[Moha le sage]

سلام على الجميع

صادف توجهي من مدينة سطيف لغيليزان .. المرور على عدة ولايات بحكم طول المسافة الذي تجاوز 700 كلم .. من بين الولايات الكثيرة التي مريت بها : البرج .. المسيلة .. المدية .. الجلفة ... تيارت .. وصولا الى غليزان ..

و في طريق العودة سلكت طريق مغاير .. حيث غيرت الاتجاه للعاصمة مرور بولايات اخرى كالشلف .. مليانة .. البليدة ..


هاذي طريقي تاع المروح و العودة

كنت اجهل الغرب و سحر طبيعتو و خصوبة اراضيه .. لكن لما و صلت لمدينة تيارت اصابني الذهول لما رايته .. ببساطة كل شيء اخضر .. على امتداد البصر ..بقيت الا الطرقات فقط ... لونها مغاير

سبحان الله في جمال هته الولاية الذي بهرني ... و ليست الصور كمن سار و رائ بأم عينيه هته الجنة

​

 

[عفاف الجزائرية]

فكرتني في روحي منين نخرج والصوارة في ايدي تقول مفقوعة الحجرة والشجرة اللي نشوفها نصورها
صح بلادنا ما كانش كيفاه
ان شالله تتطور شويا وتكون فيها مقامة مليحة
ربي يخليك محمد كي شاركتنا تحواستك
​

 

[روعة إنسآنه]

سبحــــــــــــــــــــــــــــان الله مناظر روعة
شكراااااااا محمد على الصور الرائع
​

 

[sami19280]

الله يبااااااااااااااااارك

 

[ibtesem]

شكر على المناضر الخلابة التى ببلادي
والله ياخويا مي عدت تحب التحواس كاش نهار
عزم على بسكرة ودوائرها والله المناضر لي فيها تكذب انها في الجزائر
خاصى لبلكون تاع غوفي
منها نعملولك باطوط او شخشوخة لانو اهل الصحراء اهل الكرم والضيافة​

 

[Moha le sage]

فكرتني في روحي منين نخرج والصوارة في ايدي تقول مفقوعة الحجرة والشجرة اللي نشوفها نصورها
صح بلادنا ما كانش كيفاه
ان شالله تتطور شويا وتكون فيها مقامة مليحة
ربي يخليك محمد كي شاركتنا تحواستك
​

يخي قتلك انا نموت على التصوار ..كون نوريلك الميكرو تاعي تدوخي .. نحب الصور ولي سوفونير .. ونحب ثاني نكاميري و نخدم فيلمات و نديرهم في سيديات ..

عندي برطابلي ذرك ميخرجش تصاور واضحين بزاف باسكو فيه 2 miga رايح ان شاء الله نبدلو باخر تكون فيه syber shoot و يكون على الاقل 5 ميغا

وكيما قلتي الحاجة لي تلحق ليها نصورها ..و مليح كي تجمعنا الهواية هاذي ..و لو اني خير منك باسكو طفل ووين نحب نروح نصور نصور ..مش كيفك نتي ..هاذي بلادنا

ميرسي ليك عفاف نورتينا

 

[Moha le sage]

سبحــــــــــــــــــــــــــــان الله مناظر روعة
شكراااااااا محمد على الصور الرائع
​

العفو اختي هناء

اسعدني تواجدك
​

 

[Moha le sage]

الله يبااااااااااااااااارك

مرحبا بيك خويا سامي

وان شاء الله تزور نتا ثاني ولايات بزاف
​

 

[Moha le sage]

شكر على المناضر الخلابة التى ببلادي
والله ياخويا مي عدت تحب التحواس كاش نهار
عزم على بسكرة ودوائرها والله المناضر لي فيها تكذب انها في الجزائر
خاصى لبلكون تاع غوفي
منها نعملولك باطوط او شخشوخة لانو اهل الصحراء اهل الكرم والضيافة​

يا اختي ابتسام راني ولد بسكرة و نعرفها مليح كي جيبي .. ليميل و كبلوتي و الضلعة و الحي و الزقاق و سطر بلملوك و حارة الواد و بسكرة اللوطة و جنان اللاندو وليزاشيلام ...الخ

ونعرف دوائرها كيما مشونش و جمورة و سيدي خالد واولاد جلال و طولقة و الغروس و الزريبة و بوشقرون ...

شفتي بلي راني بسكري .. و لافامي تاعي كامل في بسكرة و نواحيها

و راني ديما نجي لبسكرة ..ماتلاقيناش برك ههههههه

 

[BARCA232]

السلام عليكم وصلت حتى لتيارت وماجيتش لسعيدة
ماعليش المرة القادمة مرحبا بك في سعيدة
​

 

[Moha le sage]

السلام عليكم وصلت حتى لتيارت وماجيتش لسعيدة
ماعليش المرة القادمة مرحبا بك في سعيدة
​

الله غالب خويا محمد ما جيتش حواس

المرة الجاية ان شاء الله نجي و ندور معاك في سعيدة بلاد الشاب مامي و قرع السعيدة ههههههه

 

[نوال2010]

شكرا خويا محمد على هذي التصاور والله بلادنا راهي خضراء
أنا وحدة من الناس نموت على التحواس
ونموت على الاماكن الخضراء
نشفى وين رحت لسطيف قلتلهم ماعادش خضار قد اللي شفتوا في سطيف بصح كي سافرت لبجاية ومريت على البرج لقيت وحد المناظر تهبل
​

 

[Moha le sage]

شكرا خويا محمد على هذي التصاور والله بلادنا راهي خضراء
أنا وحدة من الناس نموت على التحواس
ونموت على الاماكن الخضراء
نشفى وين رحت لسطيف قلتلهم ماعادش خضار قد اللي شفتوا في سطيف بصح كي سافرت لبجاية ومريت على البرج لقيت وحد المناظر تهبل
​

اهلا ختي نوال ...قربي نعطوك تاي ولا قزوزة هههههه

انا متربي في بوفاريك .. من صغري ونا نحب الطبيعة ونكره السيما و البنيان

سطيف ذرك راها تهبل بالخضار ..كيما مناطق بزاف في دزاير تاعنا

غدوة ان شاء الله نحط تصاوري الجدد هنا تاع الطبيعة توالنا

ميرسي ليك و شرفتينا بالطلة تاعك

 

[نورالدين 100]

تزعق شريكي تيارت فوررر
بلادي نموت عليها كون علابالي بلي راك في تيارت نعرضك على قهوة ولا اتاي
​

 

[Moha le sage]

تزعق شريكي تيارت فوررر
بلادي نموت عليها كون علابالي بلي راك في تيارت نعرضك على قهوة ولا اتاي
​

خسارة ما كتبتش ...

راني فتت على السوقر .. و من بعد لتيارت ..

المرة الجاية ان شاء الله اذا كتب ربي نتلاقاو

يعطيك الصحة

 

[im£ne]

ربي يحفظك اموح و الله خريطة و قاع !
سبقلي و رحت لتيارت زوج خطرات

بصح رحت في الشتاء..يعني ماشي كي الربيع
ما خرجت ما والو قعدت غير في الدار ..البرد يقتل

الصح الصح و الله تعرف تصور
راني ديت منهم عندي في الميكرو !

 

[بثينه]

مرحباا بيك في تيارت

الحمد لله لي عجباتكــ ولايتناا 14

ولعقووبه لكاامل الجزائر ان شااء الله

الف شكر على الصور الرووعهــ

والحمد لله على سلآمتكــ

 

[radihani80]

الجزتئر باهية

 

[radihani80]

أقصد الجزائر كاملة راهي جنة

 

[نسمة حب]

شكرا على الصور الرائعة