خلاص كرهت منهم

[Mafia-beo16]

السلام وعليكم
خلاص عييت كرهت حياتي مع هدو الشيوخة
راني حايرة وقتاش تخلاص القرايا ونتهنى منهم
ليوم جوزت نهاري مال في مال
اول حاجة مشبعتش نعاس قلت معليش موالفا
حبطت لمسيد تلاقيت مع وحدة تقرا معايا قالتلي ليوم فرض تاع الفرونسي والمات قلت معليش
جوزتهم وهردتها زدت دخلت على 1تاع لعشية نلقا مكتوب في التابلو اختبار في مادة الموسيقى ضربت لعقلي ملقيتوش كان اوموا يقولونا صبح قاعدين نغليو وحدنا طلعنا عطاونا السوجي ماتفهمو فيه والو دروس مدرناهمش بدينا نعيطو وشيخا تاع التاريخ تقلقت بدات تغلي هي تاني خرجت جات لا سورفايو جينيغال وهنا الوخدة جات تعسنا البق مايزغدش بدات تفتي هي تاني
الورق كامل بيوضا حتى واحد ماكتب حاجة
علابالكم راهم يلعبو بينا كيما يحبو الوقت الي يحبو يديرو فيه الفروض والاختبارات يديرو واش يحبو ماعلابالهمش بينا
ويزيدو يقولولك ساعة اضافية يعني تخرج على 5و30
وين رايحين بهاد العقلية قولونا وين
كيما يقولو واش يدير الميت في يد غسالو
هكداك حنا ماعندنا مانديرو
ايا راني طولت عليكم بزاف راهي واصلتلي للفوق

 

[rــآآآج ــــ الاميـرهـ ــo]

ربي يفرج ان شاء الله والله كل كيفكيف الشيوخة صنعة وحدة كيما عندكم كيما في ل بلاصة هاذي الجزائر حبيتي ولا كرهتي

 

[عفاف الجزائرية]

اختي لعزيزة فات الكثير ومابقى غير القليل وسعي خاطرك ونهار تتهناي تولي تقولي ماكانش منها كملت
كل شي يفوت الواحد لازمو يصبر برك
ربي يكون معاك
​

 

[Mafia-beo16]

ربي يفرج ان شاء الله والله كل كيفكيف الشيوخة صنعة وحدة كيما عندكم كيما في ل بلاصة هاذي الجزائر حبيتي ولا كرهتي

كيما قلت يفرج ربي ان شاء الله
بلاد ميكي وي
ولاو يحكروك عيناني الله يهديهم
مرسي سمراء الجنوب نورتي الصفحة
تقبلي تحياتي
بسمة​

 

[Mafia-beo16]

اختي لعزيزة فات الكثير ومابقى غير القليل وسعي خاطرك ونهار تتهناي تولي تقولي ماكانش منها كملت

كل شي يفوت الواحد لازمو يصبر برك
ربي يكون معاك​

راني صابرة وصابر ينال
مانجي نكمل حتى وين تلقاوني في البليدة حاكمة بلاصة لتم (يعني في جوانفير )
بيسك اساتدة دياولنا مايتعاشروش ومايطلقوكش حتى وين تخرجي من عقلك
الله يهديهم ويكون في عونا
مرسي عفوفة نورتي الصفحة
تقبلي تحياتي
بسمة​

 

[زينوبة زيزو]

الدراسة في الجزائر غي نتاع التشومير

 

[حسام د]

كلو بتصلح السنه الدراااسيه قربت تخلص ولامتحانات على الابواب
الكل يشد الهمه ونشاله بتوفيق للجميع

 

[programmeur]

عادي اختي هدا شيئ طبيعي
غادي تكبري وتنسيها و تولي هاديك الايام اجمل الذكريات
يحسراه على ايام زمان

 

[الملاك المميز]

كامل رانا كارهين معليش ماباقيش بزاف ونكملو
​

 

[algerienne2]

رانا كامل نعنيو بصح نورمال السمانة الجاية نتهناو

 

[عابدين الهامل]

السلام عليكم
واش ماراهيش عاجباتك القرايا بطلي و تهناي
قعدي في الدار و قارعي للخطابة
انا حبست القرايا تهنيت من وجوهم راني نقرا بالمراسلة

​

 

[حياة سعيدة]

و الله ي ختيتو
مابقات قرايا في هاد البلاد

غير التبهدايل وخلاص

ربي يديهم هادوك الشيوخة هلكة ان شاء الله

 

[Mafia-beo16]

الدراسة في الجزائر غي نتاع التشومير

والله غير المهبول الي يقرا في الجزائر الله غالب هدي هي الجزائر
شكرا زينوبة زيزو

كلو بتصلح السنه الدراااسيه قربت تخلص ولامتحانات على الابواب
الكل يشد الهمه ونشاله بتوفيق للجميع

ان شاء الله
شكرا لك نورت الصفحة

 

[Mafia-beo16]

السلام عليكم

واش ماراهيش عاجباتك القرايا بطلي و تهناي
قعدي في الدار و قارعي للخطابة
انا حبست القرايا تهنيت من وجوهم راني نقرا بالمراسلة​

انت وانا ماشي كيفكيف
انا كي نقعد في الدار البيدون والنشاف يستنى فيا
اواه ماتساعدنيش هدي
شكرا لك اخي نورت الصفحة

و الله ي ختيتو
مابقات قرايا في هاد البلاد

غير التبهدايل وخلاص

ربي يديهم هادوك الشيوخة هلكة ان شاء الله

ان شاء الله
الله يهديهم ولا يديهم هردونا كامل الله يهرد ياماتهم
مرسي ختي نورتي الصفحة

 

[Mafia-beo16]

عادي اختي هدا شيئ طبيعي
غادي تكبري وتنسيها و تولي هاديك الايام اجمل الذكريات
يحسراه على ايام زمان

اواه مشكيتش
هديك الايام اسوء الدكريات ماشي اجمل
هدا هو التعليم والشيوخة في بلادنا الله يهديهم
شكرا لك اخي

 

[Mafia-beo16]

كامل رانا كارهين معليش ماباقيش بزاف ونكملو ​

الله يكون في عونا هدا مكان
شكرا لك اختي

 

[Mafia-beo16]

رانا كامل نعنيو بصح نورمال السمانة الجاية نتهناو

انا مزال ماشي سمانة الجاية:tears: دوك يقولونا نديرولكم المراجعة علا جال البيام
شكرا لك اختي

 

[Mafia-beo16]

شكرا لكم تقبلو تحياتي الخالصة

 

[algerienne2]

والله رانا كامل كارهييييييييين

 

[نسمة حب]

ربي يكون في عونك ختي