££ رحت للجامعة وندمت...هههه زعما عقلية أوvار££

[BeSt GlAdiAtOr]

السلام عليكم ورحمة الله تعالى وبركاته
عدنا والعود أحمدو
وبعد غياب جمعنا اللقاء بأحبتي أعضاء اللمة الجزائرية
منزل واش راك تهدر


المهم الأربعاء الماضية خطر في بالي أنا وصحابي نذهبوا للجامعة ونشوفو المناج
ولتفقد أحد الدورات التكوينية لأحد المظمات الطلابية *الإتحاد العام الطلابي الحر*



وفي بالكم بقالي عام وإذا وفق ربي نروح لتما




أيا bون ركبنا في لي بيس تا الطلبة *قالك الركبة باطل**
ويا ليتني ما ركبتش
يا لطيف يا لطيف واحد الدحس تقول عليه راح يوزعو السكنة
معليش ركبنا وحملنا ورحنا
وكي وصلنا .....:music_whistling::music_whistling:

مع العلم أنو ذهبنا لجامعة منتوري في قسنطينة وبالظبط في لافاك




أيا واش صرا؟:fish::fish:
معضم البنات لي راحو معانا في البيس
:heh:



تبدلت العقلية
والتسا والتسا مدايرة حالة
وهديك المشية الله الله
وهدوك الكيتمان لي سون بورطابل
والظرافة


كل شي تبدل 360درجة
المهم قلنا ربما رهم عقلية أوفار ولازم في الجامعة الواحد يكون آنتيك وظريف وتبياش وحقان




وما إن صلنا إلى مركز الجامعة
حبسنا


تشوكينا



تعوقنا



وظحكنا





وقالي صاحبي : يا وائل بالاك رانا في نيويورك ولا معهد بوسطن ولا نيو جارسي


كل شي متمسخ

هدو عباد ولا بطل هدو مسلمين؟...


إذن الحمد لله أني نعيش في بلاصة محافظة وإن قلة..
هدا واحد ثاقب وذنو ومداير زوج منيقشات..
وهدى مربي شعرو و حامل الغيتارة ..
وهدي الميني والشعر كيفاه وسون حجاب *كون ما جيتش راني في دزاير تقول راني معا بريتني سبيرز


وهدا النص خيمار ولا خمار كليماتيزي
المهم واش نقول واش نخلي


تعجبت من هد المظهر مع العلم أني مالف نشوف حوايج خرى
مي كل الناس لتما متمسخة



بلا ما نذكر الميزيرة تا الريسطو والإختلاطات وقصات مهند ونور والتمعشيق لي راه مداير حالة








المهم خاوتي حبيت نشوف رأيكم وفلسفتكم وردكم حول موضوعي لي رهو مدوخني....:santa_1:











أخوكم في الله وائل السطايفي
سابقاً

​

 

[هــــيلدا]

لي عودة للموضوع وائل//

 

[BARCA232]

السلام عليكم اخي الفاضل
واش نقولك رحلتك تحكي واش هو الواقع
البنت بح راحت مسكينة
الله يجيب الخير
لازم العودة لازم العودة الى كتاب الله وسنة رسوله
والجامعة أن أصبحت أسميها الحرام الجماعي
وحاشى لبنات الأصول
​

 

[BeSt GlAdiAtOr]

السلام عليكم اخي الفاضل

واش نقولك رحلتك تحكي واش هو الواقع
البنت بح راحت مسكينة
الله يجيب الخير
لازم العودة لازم العودة الى كتاب الله وسنة رسوله
والجامعة أن أصبحت أسميها الحرام الجماعي
وحاشى لبنات الأصول​

صح خويا **أن وائل السطايفي سابقاً*
أضبحت الحرام وليس الحرم الجامعي
هد هي حالة الجامعات في لجزائر ووقعها
تسلم على مرورك العطر بارصا
​

 

[BeSt GlAdiAtOr]

لي عودة للموضوع وائل//

إن شاء الله ختي هيلدا



ومبروك عليك الإشراف​

 

[sami19280]

الله غالب وائل الوضع صعب نتحكمو فييييييه

المهم الانسان يحاذر وسايي.​

 

[BeSt GlAdiAtOr]

الله غالب وائل الوضع صعب نتحكمو فييييييه​

المهم الانسان يحاذر وسايي.​

مساء الخير خويا سامي
نعم معلى الإنسان لا يسايس وبالشوية مع هد الناس​

 

[sami19280]

المهم نقولك حتى انا ذهبت وعقبت 3ايام في الجامعة تحت رعاية الاتحاد العام الطلابي الحر في جامعة سطيف الشابة

البااااااااز

كانت رائعة تعرفنا على ناس وقامو بينا مليح .

وكيما قلت كاين بعض التصرفات الشاذة مي وش تحب كاين وكاين

بصحتك مرة اخرى خوياااااااا​

 

[مروة MARWA]

هههههههههههه التسا التسا
والله راك ديما فور يا وئل
موضوع قمة
واش تحب هادو هوما الجامعات اصلا الجامعة تلم برك من هب ودب
وزيد رانا في لالجيري ماتنساش بلي كلش نوووورمال
---
بارك الله فيك على الموضوع يا خويا
​

 

[DARINE05]

هاذي الظاهرة pارتو

وماشي الناس تما اوكل كيفكيف كاين وكاين

 

[BeSt GlAdiAtOr]

المهم نقولك حتى انا ذهبت وعقبت 3ايام في الجامعة تحت رعاية الاتحاد العام الطلابي الحر في جامعة سطيف الشابة​

البااااااااز​

كانت رائعة تعرفنا على ناس وقامو بينا مليح .​

وكيما قلت كاين بعض التصرفات الشاذة مي وش تحب كاين وكاين​

بصحتك مرة اخرى خوياااااااا​

ولله يا خويا سامي برك لله في جماعة الugel هي الجمعة لي محافظة لتما في الجامعة
ناسها طيبون





مي كيما قالت ختنا مروة رانا في لالجيري وكل شي حلال وجايز
تسلم على مروك
الرابط لمشترك​

 

[أفراح الجزائر]

السلام عليكم ورحمة الله
أولا على سلامتك أخي
ثانيا ......
حبسنا


تشوكينا



تعوقنا



وظحكنا
أربع سنوات فوتهم في الجامعة هكدا ....المهم خرجنا منها سلامات ​

​

 

[iméne09]

تبدلت العقلية
والتسا والتسا مدايرة حالة
ههههههههههههههه :yahoo:خلي طفلة راهي دات لاليبارتي
وهديك المشية الله الله
الله يبارك تمشي وتتزعبل وكي يتبلاوها تقول وعلاش
كل شي تبدل 360درجة
راهي في جامعة تحلاب يتقاطر لتماك
المهم قلنا ربما رهم عقلية أوفار ولازم في الجامعة الواحد يكون آنتيك وظريف وتبياش وحقان
ههههههههههههههههه مي تبياش عندو حد مي راهي جامعة قراف من تبياش للاخلاق حاشا البعض

وقالي صاحبي : يا وائل بالاك رانا في نيويورك ولا معهد بوسطن ولا نيو جارسي

ههههههههههههههه ماتتشوكاوش راكم غير في قسنطينة وناس الجامعة قاستهم الحضارة :yahoo:

هدو عباد ولا بطل هدو مسلمين؟...

دوك شكون راه يخمم في الاسلام تشوفي عفايس غير لي قراف تقول انقرضو عاقلين وبقات حشمة مابقى دين
إذن الحمد لله أني نعيش في بلاصة محافظة وإن قلة..
هدا واحد ثاقب وذنو ومداير زوج منيقشات..
ههههههههههههههههه يلزم يكون ستيل مع pارسينغ راه تاقب في كل بلاسة حتى في حاجبووكون تهدر معاه باش تنصحو تلصق
وهدى مربي شعرو و حامل الغيتارة ..
هههههههههههههه ولات لامود يلزم يطول شعرو ويصبغو ناس كامل تبع في لامود ونسات دينها ياخي عباد ياخي وهدا كامل البعد عن الوازع الديني
وهدي الميني والشعر كيفاه وسون حجاب *كون ما جيتش راني في دزاير تقول راني معا بريتني سبيرز
هههههههههههههه علاش ماتصورتش معاها :yahoo:سون حجاب راهي بارتو مي نقولك تلقا لبنات لي مايسكنوش لتماك هوما لي خسروها بارسكو بعاد على دارهم وزيد الاقامات مكانش عسة مالا راهم خاليينها وتلبس ميني بارسكو مكانش شكون لي يحاسبها راهي ليبر من قلة التربية

وهدا النص خيمار ولا خمار كليماتيزي

سخانة بزاف شعرها يستهوى شوية :santa_1:هنا علاش ماتنحيهش وتتهنى خير من لعوج لي راهم يديرو فيه :heh:



بلا ما نذكر الميزيرة تا الريسطو والإختلاطات وقصات مهند ونور والتمعشيق لي راه مداير حال
حدث بلا حرج دزاير على هديك تسقمت تلقى كي لولاد كي لبنات خاليينها على رواحهم وكامل يخممو غير في العشق ناقصين حنان مي لوقتاش نروحو بهدي العقلية وراهم غير يتوقتو ربي يهديهم ناس مراهيش تروح تقرا راهي تتعلم تمعشيق ووينحرفو على دينهم واخلاقهم :busted_red:
يعطيك الصحة وائل ع طرح لفوووووووووووووووور ​

 

[عاشقة الرعب]

ههههههههههههههههههههه اي ولله راك جبتها خو ناس كيروح الجامعة سيرتو البنات يلقاو لالبارتي حشا كاين ينات الفامليا موضعك فووووووووووووووووووووور كمل هكذا
تقبل تحياتي

 

[Dr.CrAzY]

وعليكم السلام
راك قلتها هدو عباد ولا بطل هدو مسلمين؟...
والسؤال يبقى مطروح...........

​

 

[souhila_95]

موضوعك رائع في القمة ما تسغربش رك في دزاير 2010 كلش عادي واش نقولو ربي يهدي هاذو العباد وخلاص

 

[Mafia.dz]

يعطيك الصحة و بارك الله فيك

​

 

[AnGeL*dZ]

السلام عليكم ورحمة الله وبركاته
خويا في جامعتنا وفي الليسي وفي اي مكان خاص بالتعليم
تشوف لعجب
فلا تتعجب
يعني راك رحت برك لفاك وتعجبتي ايمالا كون تروح بلايص اخرى كيفاه يصرالك
يعني اصبحت الجامعة مكان لرؤية جميع الاعمال اللاخلاقية


​

 

[rima29]

ما شفتوووووووووش تاع تبسة ياك ما خلتش ​

 

[radia yoyo]

الله يهدي ......................
​