النفاق في الردود

[صفحة بيضاء]

السلام عليكم
موضوعي عن الردود ..... عارفة انكم درتوا موضوع عن الردود ولكن ممكن موضوعي مختلف
متى نقوم بلرد على الموضوع ومتى نقوم بالتقييم على الموضوع
هل الموضوع اعجبني هل محتوى الموضوع يشبهني ام ان صاحب الموضوع صديقك فقط اردت ان تجامله بلرد
انا مللت طئيت وزهت وكرهت من بعض الردود
وصبري قليل ....

كاين مواضيع والله مين تشوف في قلبه تعرف بلي راه ضد الموضوع
غي ميبغيش يجرح صاحب الموضوع يقله برك الله فيك موضوعك رائع جزاك الله الجنة
والاستفزاز وين تروح تلقاه
حتى بديت نكره بعض الاعضاء
نعطيكم مثال بسيط جدا
كلنا نعرف ان معضم الجزئريات مش متنقبين
علاش مين تبغي تتزوج بنت تقول منديرش عجار
ومين تشوف واحد يهدر على العجار تقله عندك الحق
لازم المرأة تتنقب ...زعمة نتي بيتتنقبي فلمستقبل
او فقط انكي تجاميلين صاحب الموضوع
ياناس يا عالم خليك طبيعي كيما فلواقع كيما في الأنترنت علاش تنيفيق
راني رايحة نمرض بسبب بعض الناس
نصحوني واش ندير
عندي سؤال للجميع
هل تفضلين تغطية الوجه ؟؟؟
هل تقبلين اذا فرض عليكي
تحجب كل جسمك
قصدي الوجه والايدي
وتلبسين فقط الاسود لا غير؟؟؟
​

 

[azzedine02]

عندك الصح يا اختي مشكورة على الموضوع

 

[BeSt GlAdiAtOr]

سلام عطر أختي نعم أشاطرك في نصف موضوعك على رأيك نعم تجد أعضاء يردون على وزن إسم العضو
يعني يلقا فلان ....يكون معروف في المنتدى فتتوالى التشكرات والمباركات
لكن....عضو جديد ....لا كلام​

 

[يوسف لخضاري]

موضوع .................. لاباس

 

[fatehr]

هيا وين راكم
ارواحو جاوبووووووووووو
​

 

[DARINE05]

وي ختي الناس تحقر مي والله اعضاء منتدى اللمة اكل ملاح بلاك مزالك جديدة هنا دوك بشوي تولفي اختي
انا نجوبك بكل صراحة منديرش جلباب
لان الله مطلبش منا تغطية اليدين والوجه انا ندير حجاب شرعي عادي نورمال
مشكورة على الموضوع

 

[hasna.m]

ممكن عندك حق وباش مانكونش منافقة معاك

كاين بل معظم اللى يردو يحبوا يشكرو صاحب الموضوع
كنوع من اللباقة ولكن اعتقد ...وانا شخصيا لا احبذ فكرة انى
اكتب شيئا او اوافقه بالكلام فقط°°°°
كما ذكرتى = النقاب =

لم اصادف موضوعا له لكنت رددت بواقعيتى ...

عن الحجاب أفضل حجابا ساترا وانيقا لا يهم اللون .
​

 

[عاشقة الرعب]

شوفي حنونة انا راني جديد ومزال مشفتش اوك حنونة وعندك الحق علاه التنفيق هكذا اعطي رايك وخلاص
هل تفضلين تغطية الوجه ؟؟؟ صراحة صراحة لا احب تغطية وجهي
هل تقبلين اذا فرض عليكي
تحجب كل جسمك
قصدي الوجه والايدي
وتلبسين فقط الاسود لا غير؟؟؟ اسمحلي منقدرش نلبسو صار خمار مدرتوش نلبس حجاب اسود لالا منيش مقتنعا بيه

 

[Bob Marley]

ايغطيو السمش بلغربال آآآآآآي
مرسي اختي عندك حق كاين ناس يلعبوه
مي متعمريش بيهم راسك​

 

[Mina-RealMAdrid_25]

واش بيك برك حنونة يخي ça va ولا معقدة من العجار ماديرهش هادا ماكان نورمال اما عن التنيفيق والله وين تروحي ختو تلقايهم هكا كوافة برك و يلعبو درافة زعما

 

[صفحة بيضاء]

ايغطيو السمش بلغربال آآآآآآي

مرسي اختي عندك حق كاين ناس يلعبوه

مي متعمريش بيهم راسك​

رح اخذ بنصيحتك ومنعمرش راسي
من يوم ورايح كي نكون ضد موضوع منديرش رد احسن لي
...اللي عم يزعجني كي ندير رد على موضوع الاعضاء
يجو يردو ورائي ويلعبوها يفهموا وهما برك الملاح وانا الغلطانة
درك ندخلها سياسة جديدة لي يرد عليا غادي يندم​

 

[صفحة بيضاء]

واش بيك برك حنونة يخي ça va ولا معقدة من العجار ماديرهش هادا ماكان نورمال اما عن التنيفيق والله وين تروحي ختو تلقايهم هكا كوافة برك و يلعبو درافة زعما

انا منبغيش العجار واه
وكاين بزاف ميبغوهش
بصح يلعبوها متدينين ويقولوا لا لازم ديريه
كي تجي وحدة ترد عليا وتلعبها تفهم انا نترنفز
هدا غي ميثال اللي صرا معيا مشي غي قصة العجار
كاين بزاف صوالح​

 

[صفحة بيضاء]

وي ختي الناس تحقر مي والله اعضاء منتدى اللمة اكل ملاح بلاك مزالك جديدة هنا دوك بشوي تولفي اختي
انا نجوبك بكل صراحة منديرش جلباب
لان الله مطلبش منا تغطية اليدين والوجه انا ندير حجاب شرعي عادي نورمال
مشكورة على الموضوع

ايه الله مطلبش نغطوا الوجه واليدين
روحي منتدى الشريعة الاسلامية وقولي هاك
واش يديروا فيك يقولولك الله يهديك ويقولولك توبي
واش رأيك ​

 

[4Akram]

~ .. الســــلام عليـــــــــــكم ..

.. مســـاكي فل و ياسمين يا أحلى من الياسمين ^^ ..
.. كيفكـ خيتو ؟ .. يا رب تكــون بخيــر ..

.. أختي الغاليــة على قلبي .. أنـا واحد من النــاس ..
.. إذا جذبني الموضوع راح أدخل و أرد عليــه .. أي كــان صاحبــه ..
.. و لا يهمني مـا تكون رتبتــه عضو مشرف أو إداري حتى << يا عيني على الإدارة كي الهلال مـا تبــان ههههـ ..
.. المهــم .. الحمد لله و أرد كأني أتكلم مـع شخص عادي .. بالترجمـة الكتــابيــة طبعــا ^^ ..
.. و موضوعكـ تووحفــة و جوونان و هــذي ليست مجــاملة و الله .. لأنكـ شــاركتيـنا برأيكـ و عبــرتي عن إحســاسكـ ..
.. لهــذا حبيــت نقولكـ إنــه موضوعكـ يجذب لأنــه من قلمكـ الخــاص يالغاليــة ^^ ..

.. ربي يخلي لنــا إبداع أيـاديكـ خيتو ..

:]

~ .. دمتي في أمـــان الله ..
​

 

[Rahal Oualid]

نقلــك الصــح ختــي .. كــاين سيستــام هنــا هو

لازم تدلــي باه نردلــك و جمــاع حــاب تبـــين روا حهــا

يحب موضوعـــو يكون هــو 5 نجــوم و يتقدمولو النــاس بطلبــات الصداقة

ههههههه يخـــي حـــالة

//

اما علــى الجلبــاب كيــف قــالك الشرع ديري و يهمك من حــد

هـــو الشرع بقــــول إيـــه ‼
​

 

[صفحة بيضاء]

نقلــك الصــح ختــي .. كــاين سيستــام هنــا هو ​

لازم تدلــي باه نردلــك و جمــاع حــاب تبـــين روا حهــا ​

يحب موضوعـــو يكون هــو 5 نجــوم و يتقدمولو النــاس بطلبــات الصداقة ​

ههههههه يخـــي حـــالة ​

//​

اما علــى الجلبــاب كيــف قــالك الشرع ديري و يهمك من حــد​

هـــو الشرع بقــــول إيـــه ‼​

كاين بنت دارت موضوع كشف الارجل حرام
رديت عليها قتلها الارجل ليس عورة
طارت فيا وقالت ليا انا كفرت
تحمد ربي راهي بعيد كونت راح نقتلها
لاني انا صبري قليل ونعرف غي نضرب​

 

[صفحة بيضاء]

~ .. الســــلام عليـــــــــــكم ..​

.. مســـاكي فل و ياسمين يا أحلى من الياسمين

^^ ..

.. كيفكـ خيتو ؟ .. يا رب تكــون بخيــر ..

.. أختي الغاليــة على قلبي .. أنـا واحد من النــاس ..
.. إذا جذبني الموضوع راح أدخل و أرد عليــه .. أي كــان صاحبــه ..
.. و لا يهمني مـا تكون رتبتــه عضو مشرف أو إداري حتى << يا عيني على الإدارة كي الهلال مـا تبــان ههههـ ..
.. المهــم .. الحمد لله و أرد كأني أتكلم مـع شخص عادي .. بالترجمـة الكتــابيــة طبعــا ^^ ..
.. و موضوعكـ تووحفــة و جوونان و هــذي ليست مجــاملة و الله .. لأنكـ شــاركتيـنا برأيكـ و عبــرتي عن إحســاسكـ ..
.. لهــذا حبيــت نقولكـ إنــه موضوعكـ يجذب لأنــه من قلمكـ الخــاص يالغاليــة ^^ ..

.. ربي يخلي لنــا إبداع أيـاديكـ خيتو ..

:]

~ .. دمتي في أمـــان الله ..
​

حتى انا نرد على كل المواضيع
اللي تعجبني
ومنقراش حتى اسم العضو حتى مرات
نغلط نحسبها بنت وهو شب
معنديش هدي نعرفها ولا هدي منعرفهاش
ومرسي على المرور ​

 

[4Akram]

حتى انا نرد على كل المواضيع
اللي تعجبني
ومنقراش حتى اسم العضو حتى مرات
نغلط نحسبها بنت وهو شب

.. ههههههههـ نفس الشي معـاي .. و خاصـة إذا كـان حاط صورة بنت ^^ ..
.. هـذا لأنـه الأهميــة هي في موضوعــه .. و بعـد هـذا نبدأ نهتــم لصــاحب الموضوع ..
.. و أقــرر أتــابع مواضيــعه ..

معنديش هدي نعرفها ولا هدي منعرفهاش

.. أنا من النـاس الي جيت أتعــرف على الي أقدر أفيده و يفيدني ^^ ..

ومرسي على المرور

.. لا تشكريني خيتو .. لأنكـ صاحبـة الإبــداع و لست أنـا ^^.
.. أنـا مجــرد معجـب حب يشــاركـ في الإبداع ..

.. مستنى جـديدكـ بفــارغ الصبــر يالغاليــة ..

~ .. دمتي في حفظ الرحمـن ..


​

 

[Rahal Oualid]

كاين بنت دارت موضوع كشف الارجل حرام
رديت عليها قتلها الارجل ليس عورة
طارت فيا وقالت ليا انا كفرت
تحمد ربي راهي بعيد كونت راح نقتلها
لاني انا صبري قليل ونعرف غي نضرب​

يــا ختــي متعمريــش راسك بيهم

و انــت كبيرة و مسلمـة و تفرقي مــا بين الحلال و الحرام

و لــو كــان عندك أي تســائل ( ‼ ) هنــاك مواقــع موثوقة

و أنــاس خبراء و مختصين في عــلم الشريعــة

سلام و يـــ التوفيق
​

 

[saboha]

من ردودى تعرفى اننى لا اجامل قط لكن فى بعض احيان اجد نفسلى اتهجم عن موضوع وليس فى كاتبه .
وبعض احيان رد عبارة عن شكر او جزاك الله خيرا او .... بسبب يكون اول مشاركة للعضو يستحق التحفيز لكى يكون له الرغبة فى اندماج فى منتدى
خاصة فى الطبخ

عن الحجاب انا لاارتدى جلباب وابتعد كل البعد عن ما يقربنى من الشيعة لاننى سنية وانتهج نهج محمد رسول الله و بعده المذهب المالكى

احتراماتى