النفاق في الردود

[صفحة بيضاء]

من ردودى تعرفى اننى لا اجامل قط لكن فى بعض احيان اجد نفسلى اتهجم عن موضوع وليس فى كاتبه .
وبعض احيان رد عبارة عن شكر او جزاك الله خيرا او .... بسبب يكون اول مشاركة للعضو يستحق التحفيز لكى يكون له الرغبة فى اندماج فى منتدى
خاصة فى الطبخ

عن الحجاب انا لاارتدى جلباب وابتعد كل البعد عن ما يقربنى من الشيعة لاننى سنية وانتهج نهج محمد رسول الله و بعده المذهب المالكى

احتراماتى

ردك هو ردي بصح في حاجة انا منشوفش شكون دخل جديد
نرد غي على الموضوع حتى الكاتب ميهمني شكون هو
عجبني ردك كتييييييييييييييييييير مشكورة يا احلا صبوحة​

 

[HWK4ALGERIA]

السلام عليكم

موضوعي عن الردود ..... عارفة انكم درتوا موضوع عن الردود ولكن ممكن موضوعي مختلف
متى نقوم بلرد على الموضوع ومتى نقوم بالتقييم على الموضوع
هل الموضوع اعجبني هل محتوى الموضوع يشبهني ام ان صاحب الموضوع صديقك فقط اردت ان تجامله بلرد
انا مللت طئيت وزهت وكرهت من بعض الردود
وصبري قليل .... ​

كاين مواضيع والله مين تشوف في قلبه تعرف بلي راه ضد الموضوع
غي ميبغيش يجرح صاحب الموضوع يقله برك الله فيك موضوعك رائع جزاك الله الجنة
والاستفزاز وين تروح تلقاه
حتى بديت نكره بعض الاعضاء
نعطيكم مثال بسيط جدا
كلنا نعرف ان معضم الجزئريات مش متنقبين
علاش مين تبغي تتزوج بنت تقول منديرش عجار
ومين تشوف واحد يهدر على العجار تقله عندك الحق
لازم المرأة تتنقب ...زعمة نتي بيتتنقبي فلمستقبل
او فقط انكي تجاميلين صاحب الموضوع
ياناس يا عالم خليك طبيعي كيما فلواقع كيما في الأنترنت علاش تنيفيق
راني رايحة نمرض بسبب بعض الناس
نصحوني واش ندير
عندي سؤال للجميع
هل تفضلين تغطية الوجه ؟؟؟
هل تقبلين اذا فرض عليكي
تحجب كل جسمك
قصدي الوجه والايدي
وتلبسين فقط الاسود لا غير؟؟؟​

لا لااختي انتي سميتي روحك صفحة بيضا لازم اتكوني صبورة ومتفهمة علاش اتسميه نفاق ومتسميهش مجاملة، وعلاه اتسمي عدم الرد على الاعضاء الجدد حgرة، مع العلم اختي ماكانش عضو زاد كبير كلهم كبرو هنا، وبالنجمة بالنجمة حتى ولاو بالفضي والذهبي، وانا عن نفسي كل مانكتب موضوع نلقى الردود من مختلف الاعضاء، وكي يستهويني كاش عنوان نرد اعليه وصدقيني نخزر للاسم تاع العضو كي نحب نعرف الجنس تاعو واشي هو باه انخاطبو بخويا والا اختي، وما عنديش فرق مابين عضو وعضو.
شكرا، اما في ما يخص اللباس فكل ما كان شرعي فهو أحسن، والسترة امليحا، اما اللون الاسود مع السخانة تاع الشمس واش انقولك.
شكرا مرة أخرى.

 

[صفحة بيضاء]

لا لااختي انتي سميتي روحك صفحة بيضا لازم اتكوني صبورة ومتفهمة علاش اتسميه نفاق ومتسميهش مجاملة، وعلاه اتسمي عدم الرد على الاعضاء الجدد حgرة، مع العلم اختي ماكانش عضو زاد كبير كلهم كبرو هنا، وبالنجمة بالنجمة حتى ولاو بالفضي والذهبي، وانا عن نفسي كل مانكتب موضوع نلقى الردود من مختلف الاعضاء، وكي يستهويني كاش عنوان نرد اعليه وصدقيني نخزر للاسم تاع العضو كي نحب نعرف الجنس تاعو واشي هو باه انخاطبو بخويا والا اختي، وما عنديش فرق مابين عضو وعضو.
شكرا، اما في ما يخص اللباس فكل ما كان شرعي فهو أحسن، والسترة امليحا، اما اللون الاسود مع السخانة تاع الشمس واش انقولك.
شكرا مرة أخرى.

انا واش قلت ... ان نرد على محتوى الموضوع ونشكر صاحب الموضوع
بصح اعضاء الجدد يلا كتبو موضوع رائع ندخل نقراه وندير رد وخلصت الحكاية كي هو كي القديم
عندي كيف كيف ... وشكون قال السترة ماشي مليحة ... اكيد مليحة انا ممكن اتقبل اللباس الاسود
بصح منقدرش نتنقب قصدي اغطي وجهي الله غالب منقدرش
مشكور على المرور​

 

[mizora]

مستحيل ندير جلباب ولا نقاب

 

[قالمية ونصف]

هل تفضلين تغطية الوجه ؟؟؟
هل تقبلين اذا فرض عليكي
تحجب كل جسمك
قصدي الوجه والايدي
وتلبسين فقط الاسود لا غير؟؟؟
1 لا
2لا
3 ماوش لازم نكون متجلببة حتى نكون مستور ة الحمد لله مشني متجلبة مي كل تعجبهم لبستي مستورة ومليحة
4 اواه نلبس اللون لي نحب...... وعلاه غير لكحل زعما كون دروه بيض خير

 

[iméne09]

علاش هدا تستيت مكان لاه يتصنعو علينا مام انا حنونتي راني شفت هدي ردود كيشغل غير هوما لي يفهمو في الدين بلاك تلقايهم عكس واش راهم يهدرو لهنا هنا بزاف لي راهم يمتلو بصح مليحة السترة هكدا تستر محاسنها مي عن نفسي مانحبش ني نقاب ني جلباب لوحدة يلزم دير حجاب شرعي هكدا بزاف سترت روحها انا عن الردود انا نرد على لي جا في طريقي على حساب مضمون الموضوع ادا كان يستاهل نردو وادا تافه ماندورش بيه معنديش فرق بين نوفو واونسيان
يعطيك الصحة حنونة ع الطرح مي ماكان لاه تكسري راسك معاهم بارسكو عيشي على طبيعتك وردي على لي تنفحلك وكل واحد ورايو مايجوش يفرضو عليك رايهم ​

 

[صفحة بيضاء]

علاش هدا تستيت مكان لاه يتصنعو علينا مام انا حنونتي راني شفت هدي ردود كيشغل غير هوما لي يفهمو في الدين بلاك تلقايهم عكس واش راهم يهدرو لهنا هنا بزاف لي راهم يمتلو بصح مليحة السترة هكدا تستر محاسنها مي عن نفسي مانحبش ني نقاب ني جلباب لوحدة يلزم دير حجاب شرعي هكدا بزاف سترت روحها انا عن الردود انا نرد على لي جا في طريقي على حساب مضمون الموضوع ادا كان يستاهل نردو وادا تافه ماندورش بيه معنديش فرق بين نوفو واونسيان


يعطيك الصحة حنونة ع الطرح مي ماكان لاه تكسري راسك معاهم بارسكو عيشي على طبيعتك وردي على لي تنفحلك وكل واحد ورايو مايجوش يفرضو عليك رايهم ​

واه ايمان معك حق في كل اللي قلتيه
اسعدني جدا مرورك تحياتي لكي من القلب​

 

[صفحة بيضاء]

هل تفضلين تغطية الوجه ؟؟؟
هل تقبلين اذا فرض عليكي
تحجب كل جسمك
قصدي الوجه والايدي
وتلبسين فقط الاسود لا غير؟؟؟
1 لا
2لا
3 ماوش لازم نكون متجلببة حتى نكون مستور ة الحمد لله مشني متجلبة مي كل تعجبهم لبستي مستورة ومليحة
4 اواه نلبس اللون لي نحب...... وعلاه غير لكحل زعما كون دروه بيض خير

لا لبيض حرام و لكحل حلال
دخلي منتدى الشريعة الاسلامية قعدي فيها
يومين ومتخرجيش .... نأكدلك تخرجي ماشي نورمال​

 

[صفحة بيضاء]

مستحيل ندير جلباب ولا نقاب

راكي في وقت الفراغ وراكي حرة
مذا لو اجبرتي ان ترتدينه​

 

[صفحة بيضاء]

والله ماعندي واش نقولك مانقدرش نحكم على أي عضو أنو ينافق باسكوا مانعرفش كيفاش عايشين حياتهم

ولي يكذب مراحش يضرني ياخي يكذب على روحو ماشي عليا
هذا رأيي بنسببة لنفاق في الردود أرجو أن تتقبليه
أما بالنسبة للعجار هدي تبقى عند ازوج هو الامر الناهي عليها
وفي الدين والله أعلم يقولك العجاراو الستار
ديرو المرأة الحسناء لأن حتى وجهها يعد فتنة(يعني تفتن) هدي اذا كانت شابة بزاف بزاف
وكاين لي يقلك العجار فتنة لأنو راح يبقاو يبانو فقط عينيها وراكي عارفة عينين العربيات مشاء الله

والله أعلم ....يبقى السؤال مطروح ​

عندك الصح يكذب على روحوا بصح
مشي يجي يرد عليك بلكذب غي
باه يوري لناس هو الافضل على حسابك
قصدي يقتبس ردك ويقلك راكي غالطة​

 

[DARINE05]

ايه الله مطلبش نغطوا الوجه واليدين
روحي منتدى الشريعة الاسلامية وقولي هاك
واش يديروا فيك يقولولك الله يهديك ويقولولك توبي
واش رأيك ​

واش بيك الالة تكلي في روحك خير انشاء الله علاه تبلك عير تي اللي تعرفي تهدري

 

[صفحة بيضاء]

تصدقي هذا النوع لي راكي تقولي عليه مانعاندوش خليه يقتابس وخليه يغلطني

ننسحب من الموضوع ونخليه يطبخ :wink:

الله غالب كاين عباد لازم طنشيهم :closedeyes:​

رنا نتعلموا ختي ومشكورة على الكلام
ونصيحتك نخدم بيها وعد مني
​

 

[@R@ZIK]

كل أعضاء اللمة سواسية
لكن في بعض الأحيان الردود تكون مجاملة
مثلا أنا أدخل موضوع لا ادري من صاحبه يمكن عجبني الموضوع او العنوان
وكل واحد حر في رايو
وانت ما تعمريش راسك
كل شي يفوت رانا هنا كامل بنتعلموا

تقبلي مروري​

 

[صفحة بيضاء]

كل أعضاء اللمة سواسية

لكن في بعض الأحيان الردود تكون مجاملة
مثلا أنا أدخل موضوع لا ادري من صاحبه يمكن عجبني الموضوع او العنوان
وكل واحد حر في رايو
وانت ما تعمريش راسك
كل شي يفوت رانا هنا كامل بنتعلموا​

تقبلي مروري​

مشكورة رزيقة ربي يرزقك بلخير
تعرفي سايي راني نتعلم نصبر
ودرك لي ميعجبني رده منردش عليه
ولي يقتبس ردي تاني منردش عليه
لانو السكوت عن الاحمق جوابه
​

 

[نسيم الربيع]

كلنا نعرف ان معضم الجزئريات مش متنقبين
علاش مين تبغي تتزوج بنت تقول منديرش عجار
ومين تشوف واحد يهدر على العجار تقله عندك الحق
لازم المرأة تتنقب ... هذا مثال على النفاق وانا راني كتبت موضوع من قبل بصح كاين خرين فهموني غالط او ربما انا ماعرفتش كيفاه نوصل الفكره بصح راكي وضحتيها مليح عندك الحق ختي المنافقين كثرو شكرا على الموضوع وتقبلي مروري.