نظريتي ادخل وناقش

[dana1993]

السلام عليكم
دون اطالة شوفو نظريتي في الحياة
البنت تقرا باه متتكلحش والطفل يقرا باه يخدم ويصرف على عائلتو
صح ولا معارضين
هادا هو الحق لالا؟
انا هكدا نشوف فيها
بزاف نسا قاريات وخداما ت شوفو ولادهم والله
متلتهى لا بالدار لا بالاولاد لا بالزوج تاعها
همها كامل دراهم
وهدا قادر يجيب ماشكل
معليش في الخدمة معاونة مي ضر تاني
هههه

مارانيش نقولكم يا لبنات يعني اقراي و ريحي تنشفي وتغسلي لالا
اقراي تثقفي ديري سلاح في يدك و كي تحكي الكوزينة تكوني شاف تاع الصح
فالعقل واليد ههه

واش رايكم؟​

 

[algerinna]

wéé c'est vraii ,3andek el7a9 !!xd
​

 

[نسمة حب]

هدرة شابة وايدا الوحدة قادرة توفق بين دارها وخدمتها حاجة شابة لانو زيادة الخير خييرين
واذا صعيبة بين الدار والخدمة تحكم دارها خيرلها

 

[الخيزران]

انا لا اقول دعو النساء سوافرا بين الرجال يجلن في الاسواق
كلا ولا ادعوكم ان تسرفوا في الحجب والتضييق والارهاق

 

[لاجيري مون امور]

سامحني خويا راك غالط
ماشي كامل النسا اللي تخدم مهمشه ولادها ودارها وزوجها
انا عندي ماما تخدم بصح قايمة بينا ومتهليا فينا والحمد لله ياربي

 

[احلى لمة]

سامحني خويا راك غالط
ماشي كامل النسا اللي تخدم مهمشه ولادها ودارها وزوجها
انا عندي ماما تخدم بصح قايمة بينا ومتهليا فينا والحمد لله ياربي

لا انا قاعد فى دار خوي متخدمش ومتكفل بنا الحمد الله

 

[dana1993]

wéé c'est vraii ,3andek el7a9 !!xd​

merci pour votre comentaire khtitou
​

هدرة شابة وايدا الوحدة قادرة توفق بين دارها وخدمتها حاجة شابة لانو زيادة الخير خييرين
واذا صعيبة بين الدار والخدمة تحكم دارها خيرلها

ايه صح زيادة الخير خيرين مرسي على التعليق​

انا لا اقول دعو النساء سوافرا بين الرجال يجلن في الاسواق
كلا ولا ادعوكم ان تسرفوا في الحجب والتضييق والارهاق

اييييه بيانسير و اش24 في الدار نو
لازم شوي تعراس شوي خرجات هادي بلا منهدروا عليها ههه
مرسي على التعليق​

 

[dana1993]

سامحني خويا راك غالط
ماشي كامل النسا اللي تخدم مهمشه ولادها ودارها وزوجها
انا عندي ماما تخدم بصح قايمة بينا ومتهليا فينا والحمد لله ياربي

هذا مجرد راي و امك ممكن تكون وحدة من الالف
نعرف بزاف عائلات ولادهم يقعدو برا حتى تجي ماماهم زيد كي تقعد غير شغل الدار
خاصة اذا كان الاب غائب
ربي يحفظلك ماماك مرسي
وهذا راه مجرد راي حسب واش شفتي فالمحيط لي راني عايشة فيه مرسي​

سامحني خويا راك غالط
ماشي كامل النسا اللي تخدم مهمشه ولادها ودارها وزوجها
انا عندي ماما تخدم بصح قايمة بينا ومتهليا فينا والحمد لله ياربي

لا انا قاعد فى دار خوي متخدمش ومتكفل بنا الحمد الله

و لله الحمد وكيما قلت للاخت سابقا
بارك الله فيك​

 

[nounanouna23]

rani m3ak 100%

 

[Moha le sage]

المواضيع بالعامية تطرح في قسم واش تهدر

القسم العام يعنى بالمواضيع المكتوبة بالفصحى

ينقل //



​

 

[dida007]

السلام عليكم
وعليكم السلام
دون اطالة شوفو نظريتي في الحياة
اهلا وسهلا راني نستنى
البنت تقرا باه متتكلحش والطفل يقرا باه يخدم ويصرف على عائلتو
هنا راني امعاك
صح ولا معارضين
عندك حق
هادا هو الحق لالا؟
الحق بعينو
انا هكدا نشوف فيها
مام انا
بزاف نسا قاريات وخداما ت شوفو ولادهم والله
متلتهى لا بالدار لا بالاولاد لا بالزوج تاعها
اهذ من واقعنا المعاش
همها كامل دراهم
وهدا قادر يجيب ماشكل
ويمكن الطلاق
معليش في الخدمة معاونة مي ضر تاني
هههه
ضر صافي

مارانيش نقولكم يا لبنات يعني اقراي و ريحي تنشفي وتغسلي لالا
النشافة والغسيل من واجباتها مش امزية منها
اقراي تثقفي ديري سلاح في يدك
انا اتبالي بلي الحد هو الباك
و كي تحكي الكوزينة تكوني شاف تاع الصح
فالعقل واليد ههه
هذي فكرة

واش رايكم؟
راي انجي نخطبك خطاك امثالك اقلال
وبارك الله فيك
​

 

[دمعة الروح]

المرا كي تخدم ماشي برك باش تجيب الدراهم
باش تحس بروحها للي راهي تنفع ماشي زيادة في هذي الدنيا
و ايذا كان عندها دارها لازم تدير الماكسيموم باش توفق بيناتهم​

 

[Rahal Oualid]

الله الله عــــليكـ ختـــي .. انـــآ اوافقكــــي الرأي

بعد الزوآج مهمـــآ كآنت مكآنتهآ تقعد وآجب عليهآ مسؤولية الدآر

شكرا على الطــــرح المميز يــــآ غــآليــــآ

فــــي آمــــآن الله

|♠|​

 

[اماني بشرى]

المراة اللي تخدم ماشي غير علاجال الدراهم , و اصلا اللي شطارت و لقات خادمة و قرات باينة يكون عندها في الراس و تعرف كيفاه تلقى و قت باش تتهلى بدارها ....و اصلا كي المراة تقعد في الدار شكون اللي يخدم ؟؟الراجل؟؟ اللي دك و اللاو البيام ياربي واذا جابوه يكون بالكوبياج <<حاشا اللي مايستهلش>> الخدمة بسيف باش يلقاو وحدة مسقمة غير اذا كان عندو معرفة ...الور لزوج يعاونو خير من يقعدو لزوج فالدار ..هاداك وش خصنا...

 

[himina]

ايه صح مسكينا لمرا مالقات دير العشا ولاتربي لولاد ولا توجد حوايج خدمتها ولهاذا لي راه حاب يدير دار على الصح يجيب مرا صح قاريا مي ماتخدمش كعاد عمبالوا بلي ولاتو حايضيعو صوا في التربية ولا القرايا ولهاذا احنا خاطينا الزواج والمسؤولية من غدوا بديت انسوق الطيارا ولاتي رايحيين يضيعوا امالا خليني سيليباتارررررررررررررر حكا
وانت دانا مفكرا ديري الدار من ضركا

 

[فراشة الايمان]

لازم تكون سائدة في كل الاماكن الكوزينة و لا العمل نتاعها

 

[الجزائري05]

لبلاد يعطيك الصح راكي طحتيلهم فالرسمي:u_pc::u_pc:
يعطيك الصحة على الموضوع ديما فور بسلامتك
​

 

[بنـ MaPa ـت]

هادا هو الكلام المليح الله الله يرحم داك الفم يطيك الصحة
مرسي..​

 

[الظل الطويل]

و الله واش نقلكـــ اختيــ كلامكــ صحيح و خارج من فم وحدة واعية
ياليت الوعي يعم على الجميع باه تتحسن وضعية مجتمعنا
و سبق وعارضت على لي يجو ضد هدا الشيء
ربي يباركلكــ اختيــ و ربيـــ يهنيكـــ
والله نفرح كي نصيب بنات واعيات ويخموا بهدي الطريقة
وبالاخص مواضيع مفيدة دل على نضج التفكير
موضوعكـــ في القمــــــــــــــة كي العادة

تحياتيــــــــــــ
​

 

[معاك يا الخضراء]

السلام عليكم

و عليكم و السلام و رحمة الله و بركاته


دون اطالة شوفو نظريتي في الحياة

افيدينا حبيبتي :closedeyes:

البنت تقرا باه متتكلحش والطفل يقرا باه يخدم ويصرف على عائلتو

لالا ما نيش معاك
تقرا باه تبني مستقبلها و تكون قادرة على روحها
يعني تقدر تستقل ماليا و تكون حياتها بعيدا على الرجل
الي استحكم على المراة الجزايرية غير فهاد النقطة تاع ** هو الي خدام **
اما الطفل هو حر في حياتو :closedeyes:

صح ولا معارضين

معارضة طبعا

هادا هو الحق لالا؟

لالا

انا هكدا نشوف فيها

هادا رايك

بزاف نسا قاريات وخداما ت شوفو ولادهم والله
متلتهى لا بالدار لا بالاولاد لا بالزوج تاعها

كاين و كاين
النسا تاع عايلتنا اغلبهم يخدمو و كامل ربي يبارك

همها كامل دراهم

مش دراهم مي هيا بناء شخصية اقوى

وهدا قادر يجيب ماشكل
و علاه ؟؟؟
معليش في الخدمة معاونة مي ضر تاني
هههه

ههههههه​

مارانيش نقولكم يا لبنات يعني اقراي و ريحي تنشفي وتغسلي لالا
اقراي تثقفي ديري سلاح في يدك و كي تحكي الكوزينة تكوني شاف تاع الصح
فالعقل واليد ههه

المشكل مش فالتنشاف و غسيل لماعن
نغسل و نشف و انا نضحك
و قرايتي و خدمتي ما نفرطش فيهم :closedeyes:


​

واش رايكم؟
مانيش موافقتك

تحياااتي اختي :closedeyes:​