انتباه رجاء1: الكورتاج

[تسنيم الهناء]

انتباه رجاء

عبارة عن فلاش, ومضة نهدرو فيها على ظاهرة من ظواهر لي نعيشوهم في حياتنا اليومية

الحلقة 1:

الكورتاج

لحق الصيف يتسمى لحقو العراس نحضروا للحباب, الزهو,....

ربي يهنينا و يهني جيرانا

و لعل اهم فقرة في العرس الكل وقت الكورتاج و تلقا صاحب العرس عندو يومين موصي على20 كحد ادنى من التواكس, التوموبيلات, الكرارس و لا السيارات كيما تحبو تقولو قولو

و ينطلق الكورتاج و تنطلق معاه الزردة الي حال الباب و الي طالع على الطاقة و الي يسوق بيد و الثانية فيها البارود والي همو يدوبلي و الي يطلق الvolant و يصفق و الي و الي و الي
و هانا نشوفو dernièrement مكانش عرس فات سلامات من الحوادث


آ خويا جيت تزها و تزيد عبد في الدار ولا جيت تقتل روحك و الناس في جرتك ؟

ربي يهدينا
​

 

[الجزائري05]

عندك الحق يا أختي خصوصا هاذ الظاهرة السيئة وين ولينا نسمعو ان العرس يتحول الى مأتم غير من هاذ الطوايش
ربي يهدي ماخلق
شكرا لك على الميضوع
​

 

[السلطانة]

ياه فكرتيني بطوايش الكورتاج
واش نكره نروح فيه
وماتنسايش الطوايش لكبيرة تاع لبنات والدراري
يلقاوها فرصة .....

 

[HWK4ALGERIA]

مشكلة كبيرة كاين أعراس اتقلبو جنازات.
شكرا على الموضوع.

 

[Sârsoùra L'mkàlChà]

وماتنسايش الطوايش لكبيرة تاع لبنات والدراري
يلقاوها فرصة .....

آآآآآآآآآآآآآآآه
في هاذي يا عيشة عندك الحق مية بالمية
:yahoo::yahoo::yahoo:
​

 

[احمد الصحراوي]

غير سمانة لي فاتت كنت حاضر في عرس وحد الاكسدو صرات قدامي كليو كلاسيك هدا من المعرضين
واحد عندو كليو دبزة مسكين خاطي العرس خلاص جا فايت طريق وهداك مول لكلاسيك مركب معاه لبنات
واك تعرف لبنات في كرتاج ولا مايشوفش حرg لطريق لي خاطياتو سوق في 90 في لابلاد ويتلاق مع مول الدبزة
راحو سيارات في زوج ربي حفضو هو والبنات

 

[fatehr]

ربي يحفضهم ويفرحهم
وربي يهنيك انتي كي فكرتيهم بحوايج كيما هذو
​

 

[momoude]

مساء الخير عليكم
والله موضوع هايل
صح كاين منها انا معنديش بزاف ملي حضرت لعرس
وقريب ملرحنا فيها الحمدالله ستر ربي
لكان نقلك واش درة كيكان مول السيارة يزيد في السرعة حبستو قتلو استنا نكملها مشي ههههههههههه
والله درتها رحت مشية حار في مول الطاكسي قال واش بيها هاد المهبولة منها بصحة هبطة هههههههههههه

 

[DARINE05]

مرسي والله صح عاد العبد يخاف يروح في كورتاج

 

[zineb92]

لااله الا الله محمد رسول الله ...

 

[soussou_yebda]

عندك الصح الحلقة الاهم هي الكورتاج

وي نخاف على روحي بصح كورتاج بلا هبال وسرهة وطلق الفولون ودوبلاج ماشي كورتاج ههههههه

 

[soussou_yebda]

عندك الصح الحلقة الاهم هي الكورتاج

وي نخاف على روحي بصح كورتاج بلا هبال وسرعة وطلق الفولون ودوبلاج ماشي كورتاج ههههههه

 

[soussou_yebda]

عندك الصح الحلقة الاهم هي الكورتاج

وي نخاف على روحي بصح كورتاج بلا هبال وسرعة وطلق الفولون ودوبلاج ماشي كورتاج ههههههه

 

[نور الصباح الجزائرية]

عندك الحق خوى و الله ولا مرض

 

[عفاف الجزائرية]

انا في الاعراس نتاع العائلة اذا كانو دارنا حابين يروحو نجيب انا طاكسي ونسوق بيهم انا وراكم عارفين المراة كيفاه تسوق غير بالشوية
اما الاعراس نتاع الاحباب برك ما نروحوش في لي كورتاج
ربي يسترنا برك
​

 

[fufa22]

انا قبل كنت نموت على الكورتاج ؟؟ في رايك علاش ؟؟
******
****
كنت صغير وماعنديش برمي
عمري 16 . 17
ومان نقدرش نسوق الطموبيل
ايا في الكورتاج ياخي ما يحبسوك لا بوليس لا والو
وانا ثم نلقى راحتي
هذا على واش كنت نحب الكورتاج
lol
​

 

[~ مستشـآرهـ طـرزآنـ ~]

ايييييييييييه فكرتيني فلي كورتاج اللي كنت نحضرلهم...ماكاش كورتاج فات بلا ماندير رايي..وسيرتو كي يركبو لي جان مع بعض و الكبار نشوفولهم كاش بيس يلمهم قاع مع بعضاهم ههههههههههههه​

 

[تلمسانية جزائرية]

شكرااااااااااااااااااااااااااااااااا من نجي من العرس نحكيلك واش صرا
ههههههههههههههههههههههههه

 

[missa_1]

هي الكورتاج لازم تجي فيه الشقلالات باش يجي شباب
مي الحالة الي وصلنالها حتى الموت ربي يستر

 

[تسنيم الهناء]

عندك الحق يا أختي خصوصا هاذ الظاهرة السيئة وين ولينا نسمعو ان العرس يتحول الى مأتم غير من هاذ الطوايش
ربي يهدي ماخلق
شكرا لك على الميضوع
​

الشكر ليك اوخيي ربي يهدينا

​

واش راح نقلك عندنا عرس الخميس لجاي وراني نخمم في هاذي لمشاكل ربي يسترنا برك

شكرا لك ختي موضوع مليح

سوق غير بالعقل و ما دوبليش نوصيك
يعيشك
​