انتباه رجاء1: الكورتاج

[تسنيم الهناء]

ياه فكرتيني بطوايش الكورتاج
واش نكره نروح فيه
وماتنسايش الطوايش لكبيرة تاع لبنات والدراري
يلقاوها فرصة .....

الطوايش انتاع البنات و اللولاد رجعت حتى شيء قدام المجازر انتاع الحوادث
​

مشكلة كبيرة كاين أعراس اتقلبو جنازات.
شكرا على الموضوع.

ديما نقراو عليهم في الجرائد
الله يلطف بينا
​

 

[تسنيم الهناء]

آآآآآآآآآآآآآآآه
في هاذي يا عيشة عندك الحق مية بالمية
:yahoo::yahoo::yahoo:
​

و يبقى يتبع في لبابيشة بعينيه و يخمم منين يفكر النومرو انتاع الموبيل
:fish:
و تقع الكارثة
:busted_red:
​

غير سمانة لي فاتت كنت حاضر في عرس وحد الاكسدو صرات قدامي كليو كلاسيك هدا من المعرضين
واحد عندو كليو دبزة مسكين خاطي العرس خلاص جا فايت طريق وهداك مول لكلاسيك مركب معاه لبنات
واك تعرف لبنات في كرتاج ولا مايشوفش حرg لطريق لي خاطياتو سوق في 90 في لابلاد ويتلاق مع مول الدبزة
راحو سيارات في زوج ربي حفضو هو والبنات

هاو مثال حي شافو خونا محمد
و تلقاها كي يديرها لرقبة يولي يهدر الحمد لله سلامة الراس برك
​

 

[تسنيم الهناء]

ربي يحفضهم ويفرحهم
وربي يهنيك انتي كي فكرتيهم بحوايج كيما هذو
​

الله يهنيك على المرور الكريم
​

مساء الخير عليكم
والله موضوع هايل
صح كاين منها انا معنديش بزاف ملي حضرت لعرس
وقريب ملرحنا فيها الحمدالله ستر ربي
لكان نقلك واش درة كيكان مول السيارة يزيد في السرعة حبستو قتلو استنا نكملها مشي ههههههههههه
والله درتها رحت مشية حار في مول الطاكسي قال واش بيها هاد المهبولة منها بصحة هبطة هههههههههههه

العمر غالي الحبيبة عندك الحق العرس يفرحوا فيه الناس موش يخسروا عمورهم
يعيشك
​

 

[تسنيم الهناء]

مرسي والله صح عاد العبد يخاف يروح في كورتاج

لا روحي بدلي جو بصح خيري العاقل فيهم
:heh:
ربي يحفظك
​

 

[تسنيم الهناء]

لااله الا الله محمد رسول الله ...

شكرا للمرور الطيب
​

عندك الصح الحلقة الاهم هي الكورتاج

وي نخاف على روحي بصح كورتاج بلا هبال وسرهة وطلق الفولون ودوبلاج ماشي كورتاج ههههههه

صار ا سوسو الهبال مليح
الحياة هدية من المولى لازم نحافظو عليها
شكرا
​

 

[تسنيم الهناء]

عندك الحق خوى و الله ولا مرض

مرض برك و سكتي؟ و اني ختك ماشي خوك
شكرا
​

انا في الاعراس نتاع العائلة اذا كانو دارنا حابين يروحو نجيب انا طاكسي ونسوق بيهم انا وراكم عارفين المراة كيفاه تسوق غير بالشوية
اما الاعراس نتاع الاحباب برك ما نروحوش في لي كورتاج
ربي يسترنا برك
​

هاكي لقيتيلها الحل انت
:wink:
و الله كارثة واش نشوفو واش نسمعوا ناس صغار جايين لدنيتهم يعشيو في خبر كان
​

 

[تسنيم الهناء]

وي هادي عندك فيها الحق
السرعة الزايدة و كل واحد حاب يبين روحو للـ.............
+
وحدا منحيا الخمار ومخرجة راسها تزغرت وتـــ.......
و وحدا واقفة فوق الباب:blink:
و واحد خادم مورسوات تاع ورق وكاتب فيهم رقمو ويفرق فيهم:music_whistling:
نكمل ولا نحبس ..........
​

و تلقاه او يسوق و عينيه في بلاصة و مخو يخمم في حوايج و وذنيه عند لي راكبين معاه كشما يسمع نومرو :wink:
و روح اعمري روح
​

انا قبل كنت نموت على الكورتاج ؟؟ في رايك علاش ؟؟
******
****
كنت صغير وماعنديش برمي
عمري 16 . 17
ومان نقدرش نسوق الطموبيل
ايا في الكورتاج ياخي ما يحبسوك لا بوليس لا والو
وانا ثم نلقى راحتي
هذا على واش كنت نحب الكورتاج
lol
​

المزية كبرت :yahoo:

و راك معانا في اللمة
العمر غالي و كاين لي تعوقو و يعقبو حياتهم كامل في غلبة نتيجة تهور انتاع نص ساعة
​

 

[تسنيم الهناء]

ايييييييييييه فكرتيني فلي كورتاج اللي كنت نحضرلهم...ماكاش كورتاج فات بلا ماندير رايي..وسيرتو كي يركبو لي جان مع بعض و الكبار نشوفولهم كاش بيس يلمهم قاع مع بعضاهم ههههههههههههه​

داكور الزهو, يحبسو في بلاصة فارغة على الطريق و يشطحو ليجان و يديرو امبيونس بصح في الطريق و الله خطر كبير
​

شكرااااااااااااااااااااااااااااااااا من نجي من العرس نحكيلك واش صرا
ههههههههههههههههههههههههه

انتهلاي في روحك و كي تجي فوتي هنا قريلنا
ههههههههههههههههههههه


​

 

[nina@dz]

كاينة منها.............شحال من عرس اتقلب مأتم.........ربي يهدي الناس

 

[تسنيم الهناء]

هي الكورتاج لازم تجي فيه الشقلالات باش يجي شباب
مي الحالة الي وصلنالها حتى الموت ربي يستر

مليح الشقلالات الخفاف كيما احنا جهتنا كي يطيشو المحرمة لي فيها القشقشة(كاوكاو و لوز و جوز و حلوة و دراجي) و يحاولو شكون يلم القسم الاكبر يزوج بعد لعريس
​

 

[شجـ الروح ـون]

rabi yehdi ma khlek hadha wech nkoulo
merci 3lik hanouna.

 

[تسنيم الهناء]

كاينة منها.............شحال من عرس اتقلب مأتم.........ربي يهدي الناس

صح جات الناس تزها و اصبحو في المستشفيات
ربي يهدينا
​

rabi yehdi ma khlek hadha wech nkoulo
merci 3lik hanouna.

الشكر ليك لاثراء الموضوع
ان شاء الله يزيد عندنا الوعي و نرجعو نحطو كل حاجة في مكانها و بالقدر انتاعها
​