يا بلادي

[شبح المتنبي]

يا بلادي حالتك حالة

​

يا جزاير رجعتي ليوم كيف المزبالة​

تبهدلتي وخسرتي وشيانلك الحال​

من العساس للرايس كامل حثالى​

وولاد الحلال منهم فيك قلال

​

لي محرم رزقه بسلفية من الوكالة​

راه مهني وعايش مراتاح البال​

ولي مسؤل على الأمن ولا بيرو فالعدالة​

اللقمة حتى للفم والقهاوي منهم شحال

​

والزوالي النو تصب وهو لابس نعالة​

لا فيستا لا جلابة غير تريكو وسروال​

بنيته ماشي هايم في دنيا بدالة​

مشكلته حاب يعيش حياته بالحلال

​

يا بلادي حالتك حالة

​

كامل الشباب عايشين فالبطالة​

شادين الحيطان فارغين شغال​

ولي يكمل قرايته يمدولك ورقة مذبالة​

يديرلها كادر ويعقلها للفال

​

الخدمة كاينة بصح ماشي من والى​

خويا وشريكي وتاني وليد الخال​

وإذا ما عندكش لكتاف قهوة تفري الحالة​

كل شيء ليوم ينشرى بالمال

​

يا بلادي حالتك حالة

​

زعما دارو بيرو للناس الجهالى​

ولي متخرج بالنقيل ولا كان حمّال​

عام وأنت تجري وكي تلحقك الدالة​

يخسر عليك غير كلمة:خويا مزال

​

لي جان برى ونتي تفضلي يالغزالة​

هذا دستورك يا بلادي على الرجال​

وكي قلت رجال راني نقصد رجالة​

ماشي دي فاملات ولا ولاد الجال

​

هذا جاري وهذا موصيا عليه الخالة​

ما تخافش ما ننساكش راك ديما فالبال​

وتاني الأنسة وصحبتها ذيك الهجالة​

يستاهلوا لخاطر شدي فُمَال

​

والشباب واحد واقف هنا ولاخر قبالة​

سكران يتكيف قارو زطلة وقاور هبال

​

يا بلادي حالتك حالة​

تقبلوا خربشتي المتواضعة
المخلص شبح المتنبي
​

 

[faridd]

أكادُ أجزم أنّ هذا الأسلوب
أعرف صاحبه ، ​

 

[THE GNAWIE]

كامل الشباب عايشين فالبطالة​

شادين الحيطان فارغين شغال​

ولي يكمل قرايته يمدولك ورقة مذبالة​

يديرلها كادر ويعقلها للفال
عجبني اسلوبك
المتميز​

 

[شبح المتنبي]

شكرا لك أخي the gnawie

على الرد العطر الذي أبهى صفحتي
​

 

[THE GNAWIE]

شكرا لك أخي the gnawie​

على الرد العطر الذي أبهى صفحتي​

انا فتاة:heh: اخي
شبح المتنبي​

 

[dana1993]

ممم نبان نقرا في كلمات من اغاني بعزيز ههههه

الخدمة كاينة بصح ماشي من والى​

خويا وشريكي وتاني وليد الخال​

وإذا ما عندكش لكتاف قهوة تفري الحالة​

كل شيء ليوم ينشرى بالمال​

الشي لي راك تقولي فيه كامل كان منو
هادوما ماشي خربشات وانما الصح تاع هاد لبلاد
و راه جاي الميعاد وين تتقلب و تولي ليامات التسعينات


مشكور

​

 

[شبح المتنبي]

أختي the gnawie

حقا تقبلي فائق الإعتذار
مني على ما إقترفت

ربما ما وقع مني كان مجرد سهو

فإعذريني أختي
​

 

[شبح المتنبي]

حقا كما قلتي أختاه
ربما ما قلته نحن فيه حقا

وأظن لك نفس رأي أستاذي
أن أكون بجوار بعزيز

وشكرا dana1993 لك على المرور الطيب

تحياتي المخلص شبح المتنبي...جمال
​