• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

البنات والخبيز والفتيل

امورة المنتدى

امورة المنتدى

:: أستاذة ::
أحباب اللمة
السلام عليكم خاوتي لعزاز وشراكم ؟ عندي بزاف ماكتبتش مواضيع بصح هاني جيت :yahoo:

جبتلكم ميضوع اليوم نتمنى تركزوا مليح فالدرس وتتفاعلوا يا تلاميذ :santa_1:

قليل بزاف فالدزاير وين تلقى بنت تعجن الخبز ولا تفتل الطعام

قال يابنتي ارواحي نعلمك تعجني وتفتلي غدوا شكون حايديك يا مكسرة اليدين

تقولها يا يما ماعندي ماندير بالعجين والفتيل

نخاف على ظفارتيا عندي بزاف وانا نطول فيهم

ايا مش مرة مش زوج والمرا يا طفلة نوضي الطفلة لالا لالا

قالك اشري جبز من عند الخباز وسلك ايا كول التمر ياعمر

ونتوما وشرايكم فالبنات اللي مايحبوش يعجنو؟

ونتا هل تقبل تدي وحدة ماتعجنش ؟

نتمنى عجبكم ميضوعي

**خيتكم امورة الشابة**
 
ههههههههههههههههههههههههه انا لولا في البنات الي من فتل ولا نعجن الخبز

بصح خطرة عجنت الخبز راني شادة غير في هذي ههههههههههههههههههههههههههههههههههههه
 
يا لبنات حنا في كوزينة اللمة ربنا وطبنا ونعلمو فيكم وانتم تقولو مانعرفوش لالا ما تحشموناش لازم كامل تروحو لدياركم كل صبع بصنعة
 
أنا صح منعرفش نفتل بصح العجين خبيرة فيه لاخاطر ماما تدي عطلة على العجين في الصيف و دارنا ما يحبوش الخبز و على هذا تعلمت العجين بصح الفتيل مازال في الطريق
 
في زوج نخدمهم نووووووورمااااااال واشمن بنة فالدار بلا خبيز
 
هههههههههه والله موضوع فالقمة راح نتكلم بكل صراحة انا لفتيل ما نفتلش بصح لخبيز نخبز وندير ماكلة خلاف راكي تعرفي على خاطر مخطوبة ورايحا لداري سينو ما ندير والو هههههههههه
لي حب للو يسهر اليل كلو ههههههههه
 
هههههههه
هادي لي كنت خايفة منها
والله ما نعرف نعجن

خطرة و زعما لعبتها قافزة كي خرجت ماما رحت درت الدقيع فالقصعة و بدات زعما خيتكم تعجن
العجين هداك ما جا يتنحلي من القصعة ومن يديا .... بالذراع
بالصح حلفت فيا ماما غير هاد الصيف نتعلم لعجين و الطياب

و اسمعــــــــــــو
ادعولي غدوة ربي يوفقني فالامتحان
هكا باه تذوقو من عندي وحـــــد الكسرة هااااايلة
images

​
 
هههههههههههههههههه علاش امورتي راكي تبهدلي فينا ويتجبدي في لخرايب انا لفتيل ماندورش بيه مي نعرف نعجن الخبز ادا تحبي نبعتلك خبيزة دوقيها مي كلشي راه ينتباع علاش نعيو رواحنا كترتها لي يخدمو مايعرفو يديرو والو يشريو كلشي واجد
مرسي حنونة ع الطرح الهايل :yahoo:​
 
السلام عليكم
هذه هي الشروط التي يجب ان تتوفر في زوجتي واميرة احلامي
ونزيد لازم تبركش وتفتل
ودير البركوكس والروينة والمعكرة
ولا غير تريح مع البيتزا
من تتوافر فيها الشروط الاتصال على الرقم المجهول
​
 
قال sarah emo:
هههههههه

هادي لي كنت خايفة منها
والله ما نعرف نعجن​

خطرة و زعما لعبتها قافزة كي خرجت ماما رحت درت الدقيع فالقصعة و بدات زعما خيتكم تعجن
العجين هداك ما جا يتنحلي من القصعة ومن يديا .... بالذراع
بالصح حلفت فيا ماما غير هاد الصيف نتعلم لعجين و الطياب​

و اسمعــــــــــــو
ادعولي غدوة ربي يوفقني فالامتحان
هكا باه تذوقو من عندي وحـــــد الكسرة هااااايلة
images
إضغط للتوسيع...
هههههههههههههههههه ياخا عليك مالا راني خير من مهبولتي بصح مزالك صغيرة اسمعي في الصيف انا نعلمك ماتخمميش وربي يوفقك حنونة روحي تحفظي خيرلك​
 
اذا كان ماتعرفش طيب المطلوع غير تقعد عند باباها خير واش من فايدة ههههههههههه الله غالب راني صريح
 
و عليكم السلام
اهلا امورتنــا
لفتيــل بصراحة خاطيني
بصح لعجين مليح نسلكها
ومازال نزيدو نتعلمو ان شاء الله
لازم البنت تتعلم باه تسلك روحها
يعطيــك الصحة مواضيعك هايلين


​
 
سلام امورة
يعني علاه تجبدي في المستور
انا نقوللكم الصح الفتيل خاطيني
العجين نعرف ندير الكسرة الخبز مزال ماسييتوش ومانيش حابة نسييه
مرسي ميضوع غير فور
تقبلي تحياتي
 
ههههه بانو خرايبكم يا بنات هههههه يا ايمان جبدتلك التيكيات وانا زعما كنت حانديك لخويا هاندي امينة لبرايجية كل صبع بصنعة ولا عابالك ندي ديك المكسرة تع سارة ايمو ربي يوفقك سرسورة انا تان عندي غدوا امتحان

واش برصا راك حاب تدي روبو هههههههههههه شروط ماتلقاهاش هههه هاعطينا الرقم المجهول هانجيبلك جارتنا ديك حليمة شابة برك تدير فولارة ههههههههههه
 

واش برصا راك حاب تدي روبو هههههههههههه شروط ماتلقاهاش هههه هاعطينا الرقم المجهول هانجيبلك جارتنا ديك حليمة شابة برك تدير فولارة ههههههههههه [/quote]

نعم هذه هي شروط شريكة احلامي
كل ماقلته
لازم العين ماتبانش وتعرف الطعام وسيرتو الفتيل والتبركيش
​
 
نعم هذه هي شروط شريكة احلامي
كل ماقلته
لازم العين ماتبانش وتعرف الطعام وسيرتو الفتيل والتبركيش
إضغط للتوسيع...

والله تاخد رايي روح لانغولا كي تبدا لاكوب دوموند جيب وحدة سمرا مسرارة ههههه وشنيا التبركيش هاتعرف انا خاطيني هادو الصوالح ههههههههههه
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom