سؤال بسيط للمغتربين عن الوطن

A

algerian rose

:: عضو منتسِب ::
السلام عليكم
كيف حالكم يا أعضاء المنتدى ؟ ارجو أن تكونوا بألف صحة و عافية !
لدي سؤال بسيط ألا و هو كيف هو شعوركم و انتم تعيشون في الغربة هل تحسون بفرح و سرور أم أنكم تحسون بالوحدة و البعد عن الوطن ؟
أرجو أن أجد تفاعل و الردود الطيبة :smile::yaw:
 
ياختي السوال عليك رانا بخير والحمد لله والفت المعيشة في الغربة والبلاد نتوحشها كي تكون كاش مناسبة عزيزة تحياتي لكي
 
وعليكم سلام
اهلا بك اختي
اجابة عن سؤالك انا عن نفسي مشاعر متداخلة ممكن فيها لحضات فرح وسرور لكن عندما اتذكر الوطن الغالي واصدقاء الصغر احس ببركان يلتهمني من الشوق والحنين الى بلدي في مثلا حفلات او اعياد مثل راس السنة او اي مناسبة احس بشعور رهيب لكن الفت على هاته الحال
مع تحيات اخوك من الغربة
تقبلي فائق احترامي
 
و الله الغربة واعرة انا عايشة في الغربة 11 سنين و لضركا مازال ما والفتش مع انو الامكانيلت موجودة و لدي صديقات لكن بلادك تبقى بلادك و شكرا على الاخوة اللي ردو و عطوني آرآءهم و انتظر المزيد من الردود
 
بكل صراحة نحن نعيش في الغربة في هستيريا في اغلب الاوقات لان الاستقرار المعنوي هو اهم شي ولا نتحدت عن الاستقرار المادي فحدث ولا حرج الله يستر برك
 
شكرا على الرد و انتظر من البقية
 
شكرا لك اختي على هذا السؤال انا مفقيمة في الغربة(الاردن )والله غير صعبا بزاف بزاف

انا قعت 5سنين في الاردن بسبب الاقامة لكن انا دخلت على الاردن في سنة2000ورجعت في سنة2005 والله والله لما نزلت الطائرة ركعت وبس الارض والمفاجأة الكبرى اني لما دخلت للمطار جزت قدام ماما ما عرفتهاش وهي ما عرفتنيش غير بابا وعمي الي عرفوني والله ما بنصح واحد يغرب بنتو او ابنو في كل الاحوال غربه مره
خاصتا في الاعياد نجوز يومي غير في البكاء وانا عندي دوك 10سنين بصح انشاء الله راني حا نحبط نعيش في الجزائر وزوجي فلسطني يا اختي والله راه مستعجل اكتر مني باش يستقر في الجزائر
مشكور اختي على الاهتمام بنا تقبلي مروري
 
صح رانا عايشين الحمد الله مي كي تتفكري بلادك والله تظيق بيك النفس
​
 
السلام عليكم
انا فلسطيني اعيش في الجزائر ، احس في الغربه خاصة لما اذهب لعمل اوراق الاقامه في شرطة الاجانب ، كلمة شرطة الاجانب تؤلمني وتشعرني باني في غربه رغم الحديث عن اني في بدلدي الثاني وانا نحنا الجزائريين نشتهيكم يا الفلسطينيين ،
وايضا ، اشعر بالغربه وابكي في ايام رمضان الفضيل حيث اتلوع لرمضان فلسطين ، ولكن الله غالب ليس لدينا رزق ومطلوب ان نسعى وراء لقمة العيش
تقبلو ا تحياتي
 
ولله الغربة صعيبة اختي انا لما رحت لتونس ماقدرتش علي الغربة بقيت يومين ورجعت نجري ..........................الله يعطيك بصبر ......................
 
يا خاوتى راكم خوفتنى انا رايحة نعيس فى اسبانيا مى كى سمعت كل واحد يتحصر على بلادوا خوفتونى كيفاش ندير
 
اقعدي في الدزاير خير ليك اختي غربة غربة انشاء وين تكون
انا جاوبت قبل هذي المرة بصح
والله ما نزيد عليك مكانش كيف الدزاير
رغم عندي 11 سنة مقيمة في الاردن بصح ماقدرتش نولف وما قدرتش نتأقلم لاني نمووووووووووووووووووت
ونموووووووووووووووووووووووووووووت على بلادي وراح تتفكري كلامي كي تتغربي وتتزوجي
وتقولي بالي قالت واحدة هنا بلي صعيبة من كل النواحي
وربي يسرلك امورك وامورك غيرك ولا انسى كل مغترب خارج الجزائر الله يعطيهم الصبر برك
وسلااااااااااااااااااااااااااااااام
 
ana khti andi 4 snine waleft chwi mais netwahache dzayer trop nahbet 2 foi par ans
 
ادا كنتي النوع اتاشي بزاف لفاميلتك وتهابي ومش قادرة على الغربة ننصحك تقعدي في بلادك خير بش ما تندميش

انا العام الاول في الامارات ما حملتش كلش مبدل عليا والو ما يعجبني مع انو الامارات تعجب بصح والفت شوية برك مع العام الثاني ومادبيا نروحو نعيشو انا وراجلي في الجزائر في جيجل

فالغربة مش ساهلة يا حبيبتي
 

السلام عليكم ورحمة الله تعالى وبركاته
الجواب على السؤال صعب لانه فيه عدة اسباب تجدها في المغترب والتي احالت بينه وبين تركه لبلده
فيه الذي ترك للقمة العيش وفيه الذي ترك لكي ينمي او يطور مهاراته وفيه وفيه.....
حيث تكون الردود غير متشابهة انا اعرف ناس لم ولن ينزلو الجزائر مند اكثر من 20سنة وهذا راجع لاسباب ....
اما بالعموم الجزائر غالية علينا واهلنا واصحابنا ولكن الحمد لله انا شخصيا لما اتوحش انزل
والله ولي التوفيق​
 
يا اختي الغربة من اسمها معروفة ومهما عشت عيشة مليحة في الخارج راح تحتاجي بلادك وتشتاقي لها اكثر
انا راني في 3 سنين في فرنسا ومازالت ما والفتش ومشتااااااااااااااااااااقة لبلادي واهلي بزااااااااااااااف
كرهت وندمت على النهار اللي رحت فيه لفرنسا
بلادنا خير
577262.gif
 
يا جماعة ....انا لو اروح مش راح اندم ابدا مع اني الحمد الله عايش لاباس ف الجزائر بصح نعيش في الخليج أو ف اوروبا احسن ......وعلاش القور كي يجو يخدموا هنا ما يحسو بوالوا غير حنا عندنا ...هاته المصطلحات
 
Algorba mliha min alnahiya almadiya basah alma3nawiya s3iba bezaf ana 3andi 8snin hna fi marseille
 
قال KHOLOUD:
يا اختي الغربة من اسمها معروفة ومهما عشت عيشة مليحة في الخارج راح تحتاجي بلادك وتشتاقي لها اكثر
انا راني في 3 سنين في فرنسا ومازالت ما والفتش ومشتااااااااااااااااااااقة لبلادي واهلي بزااااااااااااااف
كرهت وندمت على النهار اللي رحت فيه لفرنسا
بلادنا خير
577262.gif
إضغط للتوسيع...
ihhhh wellah rana kamel m3a elghorba echina
loukan balad 3arabi wellah man7as
bessa7 balad gharbi mafih la din la mela wellah souffrance :shay:
 
شعوري بصراحة مسرورة لاني مع اهلي مش وحيد وراني كي شغل سفيرة لبلادي لاني في بلد عربي
 
العودة
Top Bottom