يغيضك الحال كي يقوللولك راكي تشبهي لخوك؟

[HWK4ALGERIA]

السلام عليكم واش راكم، لاباس، الحمد لله يارب العالمين.
سؤال سهل والمغزى واضح،،،
انتي ياختي لوكان يشبهوك بواحد من خاوتك والا باباك ويقولو " الزهرة تشبه لخوها بلخير " والا يقولو " الزهرة تشبه لعمها الجمعي " واش رايك تتغاضي، والا نورمال؟ اتخيلي مثلا يقولو خشمك كيما خشم خوك وعينيك عينين باباك والضحكة تاعك كيما الضحكة تاع خالك.:music_whistling:
وانت خويا سووور فيك ملامح من اختك، والا يماك، وممكن عمتك، أيا اتخيل، يقولو " معمر عندو خزرة كيما الخزرة تاع أختو مريم " :heh:،،،،، وغالبا ماتصرا هاذ التشبيهات في أوساط نساء العائلة،،، والا عند بنات الحومة،،،، انا الصراحة كي يقولولي راك تشبه لاختك والا لامك نفرح بأمي مي شوية بالنسبة لاختي،،، وانتوما كيفاش.؟؟؟؟؟

 

[** غزال الصحراء **]

يعتمد .. شكرا علي //

 

[{مُدَلَّلَتُهُ}]

ma 3labalich la rak tahdar 3la lbnate wala 3la el wlad el mouhim ana ki ychebhouni bwa7dine nebghihoum nefra7 mais ki ychebhouni b wa7dine ma nebghihoumch nez3af w yghidni el 7al

 

[02asma02]

والله شيء عادي بالنسبة ليا
ماعندي علاه نحشم
شكرا على الموضوع
​

 

[HWK4ALGERIA]

يعتمد .. شكرا علي //

الشكر ليك، على المجهودات الجبارة.:wink:

 

[عاشقة رجاص]

السلآم عليكم ورحمة الله وبركآته:
بالنسبة ليا عادي بالعكس يعجبني الحال كي يقولولي تشبهي لخوك ولا لباباك ولا لأحد من العائلة
ماعندي حتى مشكل أبدا
بالعكس سيرتو كي يقولولي نتيا تشبهي لخوك نموت بالفرحة باسكو خويا
الله يباارك بوgوص ويهبل :heh: مي نموت كثر نهار يقولولي نتيا خير ههههههه
شكرا خويا yaris20099
بارك الله فيك
​

 

[HWK4ALGERIA]

ma 3labalich la rak tahdar 3la lbnate wala 3la el wlad el mouhim ana ki ychebhouni bwa7dine nebghihoum nefra7 mais ki ychebhouni b wa7dine ma nebghihoumch nez3af w yghidni el 7al

Rani nahder par tous enti par example ki yechabhouk b khok
merci

 

[HWK4ALGERIA]

والله شيء عادي بالنسبة ليا

ماعندي علاه نحشم
شكرا على الموضوع​

انا انظن بللي بمجرد ما يشبهو صيفة فيك بواحد من خاوتك اتروحي ديراكت لمراية واتشوفي وجه الشبه، ،،،
شكرا.:heh:

 

[HWK4ALGERIA]

السلآم عليكم ورحمة الله وبركآته:

بالنسبة ليا عادي بالعكس يعجبني الحال كي يقولولي تشبهي لخوك ولا لباباك ولا لأحد من العائلة
ماعندي حتى مشكل أبدا
بالعكس سيرتو كي يقولولي نتيا تشبهي لخوك نموت بالفرحة باسكو خويا
الله يباارك بوgوص ويهبل :heh: مي نموت كثر نهار يقولولي نتيا خير ههههههه
شكرا خويا yaris20099
بارك الله فيك​

ولوكان لا قدر الله يقولو خوها بوgووص اعليها تفرحي لخوك والا تحزني على روحك سيرتو راكي اتقولي بللي خوك "ربي يخليهولك " بوgوص ويهبل؟
شكرا.

 

[عاشقة رجاص]

ولوكان لا قدر الله يقولو خوها بوgووص اعليها تفرحي لخوك والا تحزني على روحك سيرتو راكي اتقولي بللي خوك "ربي يخليهولك " بوgوص ويهبل؟
شكرا.

لا والله مانحزن ماوالو
الجمال هذا شيء نسبي
يعني أنا ممكن نشوف شخص يظهرلي جميل ممكن وحد أخر يشوف نفس الشخص يظهرلو عادي أو حتى قبيح
المهم واش كاين فالعقل والقلب هذا ماكان
شكرا مجددا خويا موضوعك جميل وجميل عندنا كامل مش غير عندي:wink:​

 

[fufa22]

راصا وحدي انا
ما خولت ما عممت
مانعرف امن خرجت
العايلة كامل قصار غير انا الطويل فيهم
lol
ملا ما كانش لي يقولي تشبه لخوك ولا لعمك ولا لواحد اخر
****
ثانكيو ع الميضوع
​

 

[JOUD]

نورمال عندي انا بزاف فلافمي تاعي يقولولي نشبه لعمي مي بلعكس تعجبني روحي

 

[dana1993]

ايه نورمال نشبهلو ويشبهلي هههه علاه ماهش خويا دم واحد هههه
مرسي على الميضوع هه​

 

[منايا الجنة]

عادي خويا مافيها والو كي يقولولي هكداك
شكرا على الموضوع

 

[عاشقة الرعب]

نورمال هذا شئ عادي منزعفش علااه نزعف بالعكس يشرفني نكون نشبه لوحد منهم
وديجا انا نشبه لبابا بببوgص ربي يحفضو ويحفضكم
شكرا على مووووووووووووضوع روعة خو ولله​

 

[زمردة الايمان]

أنا نفرح كي يشبهوني لخويا
و نفرح كثر كي يقولولي أنت خير منو
مي ما يعجبنيش الحال كي يقولولي هو خير منك :tears: :busted_red:​

 

[MAROUA93]

ههههههههه شكرا على الطرح اولا ,,

تانيا انا نظن عادي جدا ...... مافيها حتى مشكل

بصح بالنسبة للولد نظن مش عادي تجيه ههههههههه

 

[parkour14]

..." معمر عندو خزرة كيما الخزرة تاع أختو مريم " :heh:،،،،، ...

هههههههههههههه هذي الجملة عجبتني بزاااااااف هههههههههههه

نورمال يشبهك وحد بشخص يقربلك بصح شوف الشخص الي شبهك بيه و نية تاع العبد الى شبهك

خطراش كي شبهك واحد بشخص متحبوش اااااه تعود فيها علاه شبهتني بيه و علاه و علاه ....... اذا معطليش اجابة مليحا و مرضية ندخل فيه براسي نخرج منوا برجلي

و نقولك الحق نورمال يشبهوني بصح منحبش يشبهوني

 

[هبة الرحمان1517]

انا بالنسبة ليا شيء عادي جدا وعلاه واش فيها ياخي شبهوني ليه برك



شكرا على الموضوع
​

 

[Sârsoùra L'mkàlChà]

انا ما نشبهش طــــــــــــــــول
يعني انا سمرة و هو ابيض
انا مسرارة و حلوة (ههههههه) و هو شوي

بالصح كي يقولولي تشبهي لماماك نورمال
نفرح باسكو ماما زينونة و مسرارة
​