الاقامات الجامعية ..............

[حلم امة]

صح عندك الحق أختي مي مشي قاع لبنات كيف كيف رانا شايفين لعجبالله يستر برك و يهدينا و يهدي الجميع مشكوووووووورة على هذا الموضوع.

 

[المتفائلة_91]

واش ألبوليسية ؟ :music_whistling:​

:surrender: ايه صح حتى البوليسية ...

مي المشكلة ماشي في الأقامة المشكلة في العباد اللي ساكنين فيها.. تقدر تقول ناقصات ادب وحياء وغبيات بمعنى اخر.. يشوف غير في هاذيك اللحظة اللي قدامهم فقط
يا ربي استرنا واستر العاقبة ... امين

 

[Bob Marley]

اختي انقولك خاج بلاكش ماتعرفيهاش
90% من البنات لي في الملاهي اليلية ولي دسكوتاك و لي بوات دونوي
كل من الاقامات الجمعية
صحبه ايخلس العساس تخرجلو ويداااااااااااااه ررررررررررررررررررروح وكي ترجع
تجبلو في يده حاج يشربه
​

 

[nina bonoise]

أيا نزيدكم حكاية أخرى نتاع بنت كانت في عاشور هي من الطارف راحت مع واحد تبات معاه خونا اداها لواحد العمارة فارغة ما زال متسكنتش و صاحبو حارس في هاديك العمارة قالو خلي الطفلة هنا نروح نجيب لفراش و نجي و راح المهم الطفلة طلعها صاحبها للطابق الرابع يجي صاحبو العساس حاب يدور بيها يغتصبها أيا ضهرت بنت فاميلة و محبتش يجبد خونا موس و يهددها تهرب الحرة للبالكو و تهددو تطيش روحها -الله يبارك ترضى الموت و لا الشرف يروح- يجي يجري و يضربها بالمطوى كيما يقولو خاوتنا اليهود و تطيش روحها و الدايم ربي سبحانو الطفلة ماتت و الرجالة في الحبس و باباها مداير جنازة و قاللهم بنتي ضربتها طوموبيل في عنابة صاحبي جارهم خبرني و مازال الخير لقدام ربي يغفرلها مسكينة انا نعتبرها ضحية و نحمل باباها المسؤولية كاملة
سلام

مسمعتش بيها
كي نروح للجامعة نردلكم الخبر

 

[البسكرية1990]

انا وحدة من بنات الاقامه صح كاين لعجب بصح ما لازمش نعممو خطراه كاين بنات في الاقامة يتريـgلو خيرمن كانو في ديار والديهم ...وانا وحدة درت الحجاب في الاقامة بعد ما تأثرت بصحبات كانو ملاح ....نقولو ربي يلوحنا في صحبة مليحة وخلاص ....

 

[°ضياء القمر°]

الجماعة اللي تسمي اقامات جامعية اواه مايبانوش كامل قدام الاقامة الجامعية تاع بن عكنون ههههه
الجامعات في الخارج يتنافسو بيناتهم بالمستوى العلمي و تاوعنا يتنافسو في الخماج


علابالنا بلي مااشي كامل البنات كيف كيف بصح شو ية تخسرها على الجماعة و المجتمع تاعنا ميرحمش

 

[الخيزران]

لي ما في كرشو التبن ما يخافش من النار ’ممكن يكون معانا مقيمين لكن لا يعنيهم الفساد في شيء
وبعاد كل البعد عن الشبهات
في اقامات باتنة كي يطيح الليل تسمعو غير الزغاريد

 

[سمو الأميرهـ]

الله يهدي ماخلق

 

[dana1993]

السلام عليكم
رانا في زمان ربي يستر
عندي خويا في ايكول والله نظام محكم سوا في الماكلة ولا اي حاجة *في البليدة*
و عندي ختي فالحاج لخضر الله الله كانت تبات يامات ليكنترول برك وتروح مشوكيا هه قداش نمرة ويصرا و يصرا و يصرا و الفاهم يفهم
ربي يستر برك ويبعدنا على لبلا
مشكورة على الطرح

 

[nassim007]

موضوع يستاهل النقاش

 

[berbere d'aures]

~ْ السلام عليكم ْ~
ايه اختي اميرة:heh:
البنات ربي يهديهم ويصلحهم الناس يتقدموا و هوما يرجعوا للوراء:closedeyes: ( مش الكل طبعا:surrender: )
بالصح مع تطلع للجامعة تلقاي الطفلة تبدلت و ولات زي خلاف:scared:
يا اختي هذا الشيء راجع للتربية و الدين الاخلاق و بزاف معايير:glare:
المفروض اهلها حطو يها كونفيونص هي تكون في محل الثقة بالصح ....... ربي يهدي وخلاص:tears:
ميرسي اختي على الموضوع الهادف:ax_flw:
و ربي يغفر للكل و يهدينا جميعا

​

 

[الخيزران]

وحاجة مهمة نزيد نقولها هذي كامل الغلطة نتاع الادارة العفنة لي ما تخدمش خدمتها وما تسهرش على هذه الاقامات
المال السايب يعلم السرقة والادارة السايبة تعلم الانحراف والفساد’’’’’’’’لو كان القائمين علة الاقامات يخافو ربي في بنات واولاد الناس ويحرصو على الانضباط والردع ما تتحولش الاقامة الى اماكن مشبوهة يهربو منها ويقطعو مسافات ومايباتوش فيها

 

[البسكرية1990]

وحاجة مهمة نزيد نقولها هذي كامل الغلطة نتاع الادارة العفنة لي ما تخدمش خدمتها وما تسهرش على هذه الاقامات
المال السايب يعلم السرقة والادارة السايبة تعلم الانحراف والفساد’’’’’’’’لو كان القائمين علة الاقامات يخافو ربي في بنات واولاد الناس ويحرصو على الانضباط والردع ما تتحولش الاقامة الى اماكن مشبوهة يهربو منها ويقطعو مسافات ومايباتوش فيها

لا.......لا يا اختي المتربية تعود ما تحوس لا على ادارة ما والو ... أغلب لبنات الي ينحرفو هم لبنات الي مزيرين عليهم والديهم في ديارهم كي تلقى الحرية في الجامعة وهي ما تعرفش معنى الحرية تضيع طبعا

 

[الخيزران]

لا.......لا يا اختي المتربية تعود ما تحوس لا على ادارة ما والو ... أغلب لبنات الي ينحرفو هم لبنات الي مزيرين عليهم والديهم في ديارهم كي تلقى الحرية في الجامعة وهي ما تعرفش معنى الحرية تضيع طبعا

ماعندناش بزاف سمعنا بكارثة صرات في احدى الاقامات الجامعية عندما عاد الشباب من رحلة الى البحر بعد منتصف الليل
كيفاش القائمين سمحو بهذا المهزلة
راني عارفة لي حر حر لكن الادارة في البلاد متعفنة نقولها ونعاودها

 

[البسكرية1990]

ماعندناش بزاف سمعنا بكارثة صرات في احدى الاقامات الجامعية عندما عاد الشباب من رحلة الى البحر بعد منتصف الليل
كيفاش القائمين سمحو بهذا المهزلة
راني عارفة لي حر حر لكن الادارة في البلاد متعفنة نقولها ونعاودها

نحترم رأيك.... بصح... نورمالمو راهم في الجامعة يعني عادو كبار كل واحد يعرف صلاحو ... الادارة تعيا تحكم فيهم بصح تحكمهم في الليل ولا في نهار ما تقدرش تحكمهم خطراه خلاص طاح الفاس في الراس ...
وخلونا نحكو على الاقامات تاع لولاد وش راه يصرا فيها .....الشيشه والشراب وكل انواع المحرامات تلقايهم لثم :busted_red: صباح لولاد يجو عينهم حمر ويكوحو وحالتهم تخوف

 

[HAMZ A]

انا جامعي ونسكن في الاقامة

وعلايالي واش راه صاري في الاقامة نتاع لبنات
في الحقيقة راني نفلك يا ختي البنات المتربيات راهم قلال جدا في هذا
الزمان
وربي يستر برك

شكرا على الموضوع