يوميات أعضاء اللمة مع اختبارات نهاية السنة الدراسية

[الجزائري05]

السلام عليكم و رحمة الله و بركاته​

​

بما أننا في فترة الاختبارات جاتني فكرة و هي ان كل واحد فينا يحكيلنا على اليوميات نتاعو في هاذ الفترة يعني المواقف اللي يصراولو قبل واثناء و بعد الامتحان و هكذا نعرفو العقليات اللي راهي ماشية في بلادنا و على الاقل نستفيد بعض الشيئ من تجارب بعضنا
ربي يوفق الجميع في اختباراتهم​

​

​

​

​

​

​

​

الموضوع برعاية أسمراني:santa_1:
​

​

​

 

[فراشة الايمان]

رغم انها فاتت الاختبارات اما نحكيلكم موقف صرا معايا في الاختبار
دخلنا قاعة الامتحان و دخل الاستاذ العساس و جاني للطاولة ديالي قلي وش اثمك قتلو آه
قلي وش اثمك انا فهمت انو يحكي على الاثم قتلو ما عملت والو عمبالي على الاثم = السيئات
تخلعت عمبالي شافني نكوبي لصحابي في الاجابة
خرجت من الاختبار قالولي راهو الاستاذ هاداك لثلوثي (يتكلم بالثاء) و بقيت نضحك على روحي و هو قصد وش اسمك
ههههههههههههههههههههههههههه و الله غير تبهديلة

 

[im£ne]

كملناهم و الحمد لله
النهار اللول بهدلونا
دخلنا على 8 كي العادة روحنا للكلاسة لي فوتنا فيها الفصل الزاوج
جاو قاولولنا هذي ماهيش كلاستكم روحوا للي فوتوا فيها الفصل الاول

قلنا ماعليناش
كي رحنا زادوا قالولنا شاجابكم هنا نورمالمون تفوتوا في القاعة -...-
و الله فاتت ربع ساعة و حنا نتنقلو
انا كي نجبد صوالحي
يجي كوشمار يخرجنا

و حنا وين علابالنا وين نفوتو.؟؟؟؟..ماكانوش قايلينلنا !!!!

ايا و الحمد لله فاتت على خير

 

[شجـ الروح ـون]

خصهم غير لقرايه والمراجعه كامل يديرو الكوبياج ويديماريو

ههههههه
عندك الحق هداك واش ينفع:music_whistling:

 

[شجـ الروح ـون]

ههههههه علابالي بيك نتي من جماعت من نقل انتقل ومن اعتمد علا نفسه بقي في قسمه
مي قالولي نتي تستعملي الكيت مان :heh:

هههههههههه
هداك سر المهنة
كيفاه تحبني نقولك واش ندير:music_whistling:

 

[ĜąМę ǒVĕŗ]

مليت القراية و اليسي و المحنة تاع الاساتذة الي يطلعو القلب

باغيين دروك نتفكرو و نحكي ....مرانيش مامنة خرجت منو هدا مانقول هههه​

 

[ايمان 02]

اه كي نتفكر لقراية نبغي نبكي عندي امتحانات وراني هنا ما عنديش الرغبة باش نقرا

 

[Sârsoùra L'mkàlChà]

بلاصتي محجوزة بعد اختبار غدوة
آآيا اطلقوني راني رايحة نحفظ

بالصح توقيعك graave و فووور يالدزيري
ههههه
​

 

[DARINE05]

اهلا زوزو هذي غيبة واش راك :yahoo::yahoo:
انا كملت الامتحانات عندي مدة:surrender::surrender: انا والله الحاجة لي متبغيش تدخل للراس يكون معمر نديرلها الزوممممممممو:heh::heh: تهنيت من الامتحانات ربي يكون في عيون الناس لي مزلت
مرسي على الموضوع:u_pc:

 

[DARINE05]

وشي هذا التوقيع اسي زوزو
هايل

 

[السلطانة]

وعليكم السلام
واش هاد الموضوع يهبل ههه
استنى نحكيلك:
حاكمتني الخلعة من النقد
حفضت المنهج النفساني كي الما
وقريت المنهج الانطباعي والتاريخي قراية
ومانحكيلكش على الغربال
ههه غدوة نبكر على ال05 نزيد نعمر راسي

 

[GI Joe]

on a pas encore commencer

mais pour le avant la prof de dessin veut nous garder et nous mantrer tt les reponses pour avoir un iphone lol

 

[Elif DZ]

ليهم سمانتين يا خويا
مانحبش نتفكرهمـ على خاطر يزيدو غير يفكروني بوحد المواجع

مشكوور
​

 

[ساجيدة]

السلام عليكم
والله انا لوكان نحكيلكم واش صرالي تموتو بي الضحك
انا اسيدي كان عندي باك بلو الاسبوع لي فات ومانشقاش نحكيلكم راكم عارفين جماعة الباك كي دايرين مع التعب
اللمهم فوت الامتحانات غايا جاوبت على الاسئلة نورمال حتي النهار الاخير
كان عندنا الفيزياء 4سواسع ونص ايا فوته غايا وكملت السوايع قاع
وعييت السوجي تقول جورنال
ايا وجلت لعشية كانت عندنا الفلسفة وانا وياها مانتلقاوش
ايا دخلت وانا عيانة قسمونا السوجيات مافهمت فيها والو
واش درت حطيت السوجي على وجهي ورقدت والله غير رقدت من نيتي
حتى فاتت الساعة الاولة وجات نوضتني االستاد ايا من نضت عاد احترت الموضوع وكتبت والله مانعرف واش كتبت قاع ايا وخرجت روحت كملت رقادي في الدار بصحوالله غير كنت عيانة
وربي يوفقكم ان شاء الله مي ماديروش كيفي

 

[الجزائري05]

بارك الله فيكم على ردودكم و تفاعلكم الكبير مع الموضوع
نتعشى و نرجع نحكيلكم على نهار اليوم فالاختبارات
​

 

[samifa31]

خصهم غير لقرايه والمراجعه كامل يديرو الكوبياج ويديماريو

ههههههههه لا خويا بلال ماشي gاع هاكا
رانا مع لحفيظا ولقرايا + اللمة هههه

 

[momoude]

يعطيك الصحة على الموضو ع
هايل والله يا لقراية راهي لماليها انا قرايتي حبستا زمان كانت كاينة لقراية هههههههه شكرا االدزيري

 

[iméne09]

راني اليوم بديتهم خلي نكملهم ونجي نحكيلك واش يصرالي احكملي بلاسة استراتيجية :yahoo:
يعطيك الصحة يا دزيري ​

 

[الجزائري05]

اليوم كان اول يوم في اختبارات نهاية العام زعما نفوت ادب حديث على16.00 حتى 17.30 مي رحت بكري باه نراجع فالجامعة قبل الامتحان و اثناء المراجعة وانا وصاحبي زعما مركزين فالرواية الفنية و اذا بالطاولة تروح و تجي انا مافهمت والو و البنات ناضو يعيطو نثم فهمت بلي هزة ارتدادية ايا كووووول حاجة طلعتلي المورال زلزلة قبل الامتحان حاجة فور:yahoo::yahoo:المهم هبطنا من البلوك نلقاو فالناس يحكيو واحد قالك كنت راقد فالاقامة مي حسيتها صراتلي فالمنام lol
واحد قال حسيت روحي راني ندور ولا الدنيا اللي دور
وضرك نرجعو للموضوع
لحقت 16.00 دخلنا للونفي فوتنا في 3 افواج يعني 130 تراس و تراسة مدونا الاسئلة و الحمد لله جاتنا مقالة على البحث نتاعي :yahoo::yahoo::yahoo: كتبت اللي فهمتو و جيتى خارج
الموعد نهار الاربعاء ان شاء الله

مع تحيات أسمراني للنقل الجامعي:santa_1::santa_1:
​

 

[joubrane]

الحمد لله دينا الفاكونص
السيمانة اللي فاتت
​