السلام عليكم ورحمة الله وبركاته:
مساء الخير عليكم
والله موضوع هايل وإن شاء الله التوفيق لكل الممتحنين والممتحنات في جميع الأطوار يارب
يارب تنجحوا وتفرحوا وتفرحوا والديكم إن شاء الله
أنا جات في بالي حادثة طريفة صراتلي في اختبار الفيزياء
كي فات من الوقت ساعة ونص بانتلي كي شغل شفت شعرة فوق الورقة تاعي
وليت نحي فيها بيدي ماحبتش ضربتها هكا بقوة تقسمت الورقة على زوج وظهرت ماشي شعرة خط بقلم الرصاص ههههههههههه
المهم الأستاذ اللي كان يعس فينا هوما زوج مرا وراجل مي الراجل قالهم شكون عندو سكوتش واحد ماعندو فلكلاصة وأنا ماسمعتوش راح مسكين يحوس على السكوتش دار الليسي كامل
ومبعد كي قربت تصوني عاود ولا مسكين وقالي يابنتي والله مالقيت السكوتش قلتلو راهي عندي ياأستاذ وعلاه تحتاجها؟
قالي لالا مش ليا ليك نتيا باش تلصقي الورقة تاعك باسكو راح الحال باش تعاوديها كامل
قلتلو انا لااااااا راهي مش تاع الإجابة راهي تاع البريون(المحاولة أو الوسخ ) :scared:
ههههههههههههههه مسكين كون تشوفو وجهو صفر وحمر قالي هذا من الصباح وانا نحوس على سكوتش على جال بريون ههههههه
لالا حاشا ياخويا بلال أنا وحدة من الناس والله العظيم عمري مادرت كوبياج ولاتريشيت وإن شاء الله عمري ماندير
مابني على باطل فهو باطل:wink:
