تسب يماها لا حشمة لاوالو

امورة المنتدى

امورة المنتدى

:: أستاذة ::
أحباب اللمة
السلام عليكم خاوتي لعزاز جبتلكم ميضوع راه مازالو سخون :yahoo:

البارح رحت انا وختي اسومة mianmidem نشرو ايا حبسنا عند مول الخيمارات

باه تشري ختي كاش خيمار

ايا جات وحد المرا مع يماها ياو باينة السم يقطر من عينيها على لافاسون تع الهدرة تاعها :tears:

ايا حنا قاعدين نشوفوا الخيمار الشباب من بعد يماها عجبوها زوج خيمارات الواحد 350 دج

قاتلها هاكا بكل حرية "اشري وبركاي ماتكسريلي في راسي اووووف"

انا نخزر في اسماء واسماء خزرت فيا والحيرة كلاتنا قلوبنا

مسكينة يماها مادارت والو وهي تعيط وتصرخ عليها

ايا من بعد مول الحانوت قاللها عجبوها زوج خيمارات نورمال ب 700 دج برك خسارة في يماك

قاتلو 700 علاه راني نطيش في دراهمي

منبعد شراتهلا واحد بالتشناف وشرات لروحها زوج خيمارات :surrender:

ستخسرتهم في يماها ومش في روحها

والله غير خرجت انا وختي مشوكيين

واشرايكم فالبنات اللي هاكا ؟؟؟؟؟؟؟؟؟؟؟؟؟؟؟؟؟

*امورة + اسومة*
 
انا شفت واحد يضرب في يماه اتقولي عليه راه ف المصارعة الحرة.
شكرا.
 
وعليكم السلام
واشنو هادي هادي طفلة تعيف تاع الصح وجهها مقزدر يالطيف
امها مانعتش منها مالا مع الناس لوخرين واش تدير
هادي يقولولها صحانية الوجه

هيا امورة قلنالك مابقيتيش تشوفي مع لي فينومان هههه
تحياتي.
 
توقيع السلطانة
السلام عليكم
هذا ما تعلم المسلسلات كيما يقول الوالد الكريم ههههههههه
ربي يعيننا على بر والدينا و ربي يسامحنا لا غلطنا معاهم​
 
ياخا عليا عزت في يماها 70الف قليل ماصرفو عليها ماتقدرش مامبا ترجعلهم نص تعبهم من قلة التربية وتفرعين تاع لولاد وصلو حتى يرفعو صوتهم على والديهم لي سهرو عليهم ومعيشينهم تقلبت الحالة دوكة ولاو الوالدين هوما لي يسمعو لكلام ولادهم بويسك مكانش الاحترام والطاعة والحشمة راحت مع ناس زمان وتلقايهم ماشي دايرين قيمة لوالديهم ويهدرو بتشناف مي يقولك كما تدين تدان كما دارت في يماها يجي نهار لي يدروفيها ولادها تعرف قيمة الام وتندم ع ديك الهدرة سير ماعندهاش عقل وماتعرفش واش معنى عقوق الوالدين ربي يهديهم و يحفظلنا والدينا
يعطيكم الصحة زينات ع الصح الهايل ​
 
ربي يهديهم**طاعة الوالدين من طاعة الله**
 
غادي يجو الي يبهدلوهل في كبرها كما تدين تدان ​
 
ربي يحفظ و يستر

يعطيك الصحة امورة


​
 
اهلا امورة توحشتك نشالله راكي بخير علابالي لي راكي زعفانة علي آلله غالب اومبعدا نحكيلك فالسكايپ...
الله يسخطها......لوكان عندي الدراهم بزاف نشري لماما حجاب وخيمار وحذاء بالدوبل وماشي خسارة فيها المهم ترضى عليا وتعيشلي......مرسي ليكما...باي باي..​
 
يااااالجد ... هاذي طفلة ولا شادي
------
كون جيت في بلاصتها تصرفقني ماما بزوج كفوف و تبزق عليا (حشاكم) ههههه
-----
بالصح هي ثاني تعود مربيتها على الدلال دارتلها هك
​
 
قال yaris20099:
انا شفت واحد يضرب في يماه اتقولي عليه راه ف المصارعة الحرة.
شكرا.
إضغط للتوسيع...

ربي يهدي ان شاء الله

والله لعادوا يحشموا في ولديهم و في رواحهم ديرينها حاجا مليحة ولا معلباليش

شكرا لك ...
 
الله يهدي ما خلق
 
ربي يحفظنا من هذ الوجه الصحيح امين مرسي اختي اامورة
 
ربي يهدي ماخلق
مي انتو تتكلمو على الطفلة برك ربي يهديها
ممكن امها كانت تعمل نفس الشي مع يماها و هكدا سلكهالها ربي في بنتها
وعلى هذا المثال
 
وعليكم السلام اختي
واش تحبي نقولك لوكان جات تعرف قيمة الوالدين ماتعيط في وجه يماها وتبهدلها قدام الناس ربي يهديها ويهدينا كامل
 
الله يستر
هذوك مازال مايغرفو والو على الوالدين
و راهم كاينين وحدين و الله غير يضربو والديهم في وسط الطريق
كي شفتهم " يعجز اللسان عن النطق "
 
الله يستر ويحفظ
تستخسر في يماها خمار وهي فنات عمرها على جالهاااااااا عيب كبير والله
الله يهدي ما خلق
مشكورة امورة
​
 
الله يهديها هاد ما تشوف منها خير...........
 
توقيع نبض الحياة
v54.gif

كما تدين تدان
ظاهرة سلبية توالت في ايامنا الاخيرة ...
ربي يستر
جزيل الشكر
دمتي بود​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom