الفقر و البورطابل تاع مليون ونص

[NICHA03]

السلام عليكم اهل اللمة انشاء الله تكونوا لاباس

الموضوع تاع باين من العنوان

ولات هذه الظاهرة منتشرة بزاف هما معندهم

عاش ليلة وتلقى عندهم بورطابل تاع ميون

ونص


تلاقى عباد فقراء و البورطابل ليكسبوه معند حتى واحد وحدة الطفلة تقرى معايا مع لول كانت تبانلي


بلي فقيرة و معندهاش وحد النهار جيت نشوفها لقيت عندها وحد البورطاببل تاع مليون ونص ربي


يزيدها مرانيش نحسد فيها المشكلة باباها يخدم ماصوا يوم يخدم و يم لا لا واش اداها تشري


بورطابل تاع مليون ..... بصح ياك بورطابل بورطابل في كامل لبلايص يقول الوا ولا واش رايكم انتما مع و لا ضد هاذ الفكرة تاع فساد الدراهم :tears::tears::tears::tears::tears:

انشاء الله منكونش طولت عليكم





متنساوش الردود

 

[JSK 14 CH]

مادام هياّ حابة تشريه الله يسهّل عليها والناس كامل ولاو عايشين ماتلقايش الزوالي ضرك
الزوالي اللاخراني يكسب بورطابل وخلي الغني هادا بلا هدرة شكرا على الموضوع المميز

 

[benniche farid]

كوله أو يعوم بحرو


وأنا معاك


أنت ماهي ختك ماهي فميلتك



والناس الصحيح قع متديهش


​

 

[بوعكـاز]

الله غالب هاذي عقليه الزوخ والفوخ.. كما يقول احدهم :
يالي مليح من برا واش حالك من الداخل
ربي يهدي ما خلق​

 

[abdo404]

يااختي هذه الظاهرة ميش غير على البورتابل برك راها راحت وصلت حتى الى السيارة الفخمة
الزواولة لعبوها كاين ناس تمد يديها باش تخلص فاتورة الكهرباء من قلة الشيء ومع ذلك عندهم تلفزيون بلازما تاع 22 مليون زايد كليماتيزور زايد ماشينلافي وكلش كاين وهما بطالة في بطالة عايشين زكارة وباش ينتقمو من النقص تاعهم يعوضوه بالاشياء النقيضة و المتناقضة والي تخلي الراس يحبس انا نقلك الزواول داروا حتى الانترنت بلا ماماهم فاهمين فيها حبة
والنصيحة الي نقدمها لك اختي بعدي هذا الافكار من راسك ومن كل هذا الناس الحابسة في روسها والا تدفعي الثمن غالي راسك يفريني بعيد الشر وتحياتي الاخوية وشكرا جزيلا
سال مجرب ولا تسال طبيب وسال الثعلب ولا تسال الذيب:busted_red:

 

[@R@ZIK]

هذي الظاهرة ولات منتشرة بزاف كيما قلتي الطفلة ماعندهاش بصح تكسب بورتابل تاع مليون ونص
ولات مودة العصر تشوف صحبتها عندا بورتابل شباب دير واش دير باه تشري واحد العقلية تبدلت
المهم انت ما تكسريش راسك بهذو الشوفات لي عقله كبير كبير
شكرا على الطرح​

 

[عديا الروح]

يا المزوق من برا واش حالك من داخل
هذا كامل موبايلاتي ماتعاينونيش

ماعنداكم واحد فيهم ما يليق انا عندي هذا الموبيل برك وشاهولي بابا ربي يخليه

 

[محـ أمين مد]

كاين اللي فقير بصح يحب يعيش الاخت الكريمة بصح الله غالب...وهو قالوا فقير...صايي قاع الابواب تبلعو في وجهه....
كاين اللي فقير بصح يحب يلبس...كاين اللي فقير بصح يحب يكسب لي بورتابل..كاين الفقير بصح يحب ...ويحب.....
و الفقر ماهوش دافع باش ما يخليهش يدير دو الصوالح لان الفقر ماهوش غير ف الخبزة برك
ومن الناحية نتاعي نستعرف بناس كيما هكدا
لان كاين ناس عندو الدراهم بصح عايش عيشة تاع واحد ما نيش عارف راكي عارفة.....
و ارجو ان تكوني فهمتني الاخت الكريمة

وشكرااااا

​

 

[DARINE05]

تحيييير منين يجيبوهم انا الحمدلله كي كسبت نوكيا

 

[messikimo]

kamel yhabo multimédia​

 

[NICHA03]

مرسي على ردودكم كامل

 

[فراشة الايمان]

عيش la vie
خلاوهم يعيشو كيف لعباد عندنا مثل يقلك :
امشي قدام عدوك جعان و ما تمشيش عريان
ان شاء الله تكون وصلت الفكرة

 

[naGam]

كاين مثال يقولك عريان ال.......وفي يدوا الخاتم
​

 

[nour93]

ربي يزيدهم برك

 

[NICHA03]

ربي يزيدهم برك

ربي يزيدهم و يزيدنا معاهم

 

[شلفاوي]

عقلية dz ههههههههه

 

[lalochka]

و انت وين علابالك هي شرتو بالك حنونها هداهولها لبنات راهم يطيرو 2 كلمات تترفه من عند راجل فيق العمرك الناش راهي الطير و تهبش

 

[بنت الـــ سـوف ـــواد]

هاذس عثلية دزاير اختي ماتقلقيش راسك
كاين واحد المثل يقولك يا المزوق من برا واش حالك من داخل

انا نعرف وحد العبادمش لقيين حتى لقمة باش ياكلوها
وهم عدهم كل شي والله العظيم حتى من الانترنات عدهم
والله تحيرو في هذم العباد
واش باش نقولو غير ربي يزيدهم واخلاص



​

 

[بلحسين1]

وعلاش الفقير حرمتو عليه كل شيء خلوه يحس بلي انسان مع هذا الاغنياء الوحوش اللي ماخلاو للقليل والو وراهم ياكلو في رزقو , راهم عاجبينك دراهم البلاد اللي راهم يتنعمو فيهم وهوما في الاصل دراهمنا . خليها تحس بلي انسانة ولو مرة . وهذا ماهوش تبذير

 

[eto o]

يا المزوق من برا واش حالك من داخل
هذا كامل موبايلاتي ماتعاينونيش

ماعنداكم واحد فيهم ما يليق انا عندي هذا الموبيل برك وشاهولي بابا ربي يخليه

هات تبيعهم جملت بمياالف هههههههههههههه