~ْ~لقاء بنــــــــــات الليسـ lycée ــي و السيــ CEM ـام ~ْ~

[berbere d'aures]

حنا و الله مع استاذة تاع العلوم مستخلفة تجي تبدا تحكيلنا واش دايرة فيها و تروح غير عند الذراري هاذوك لملاح و تبدا تلعب بشعرهم و تزيد فالنقاط تقولي حنا منعرف واش درنالها ونسات بلي خطيبها راهوا يستنى فيها

ههههههههههههههه
رانا كامل نعانيو من نفس المشكل:tears:
تاع الصح هبلواا لي جون في و لي ميتراس :scared:
ربي يهديهم مانعرف كيفاش ما يحسوش انهم كبار و انو دوك الولاد لي يقراو معانا في بلاصة اولادهم :glare:
ربي يهديهم و يصبرنا هادا ماكان :closedeyes:
مرسيتو اختي على المرور الرائع
نورتي:ax_flw:​

 

[berbere d'aures]

وحد النهار مادم تاع الانجليزية كنت قاعدة انا نورمال و نخزر فيها و نسيت بلي انا كون نشوف مع حاجة بزاف تصرالها كشما حاجة مالا انا نخزر و مادم مسكينة تكتب فاالتارخ مجات تكمل حتى لقيتها طايحة في لارض انا نضحك نضحك مقدرتش نوض نرفدها نسمع فيهم غير عيطو للعساس هو ليقدرلها و جابتها سماانة وهي مريضة تهنيت منها و قريب قتلتها هههههههههههههه

آآ عينيك مالا دونجي:surrender:
ربي يحفظهملك بالصح مادابيك ارحمي شوية العباد ههههههههههه:yahoo:
و تديري مزية المرة الجاية ابقاي تتفرجي في ليكيب تاع لاميرك باش يطيحو:sneaky2: كامل يدوخو lol :heh:
نوووووورتي موضوعي ماشري بطلتك الرائعة:ax_flw:
مميزة فعلا​

 

[berbere d'aures]

حنا عندنا شيخة تاع الفرنسي تهدر كيما هادوك الاشرار تاع ليميكي ههههههههههه​

وكل يوم بلبسة خطرة جاتنا بواحد السروال تاع زمان والصباط تقووول معندهاش قااع​

ولات تبان كيما هادوك اللي يحرثوو ههههههههههه وكاين بزااف حكايات​

هههههههههههههههههههههه :yahoo:
ههههههههههههه بالاك متأثرة بالستيل تاع عاصي وحبت تدرب الفلاحة :heh:
معليش الشكل لخارجي والفنا بالكوارث :closedeyes:
هات برك تكون تعرف تقري .. هادا واش نتمناو :music_whistling:
ربي يطيحكم في استاذة هايلة حنونة
مشكورة .. نورتي الموضوع :ax_flw:​

 

[berbere d'aures]

موضوع هايل ههههههههههه
يخاااااا كينتفكر طوايش
:yahoo::yahoo:

مرورك هو اللي هايل حنونة
ميرسي
نووورتي
:ax_flw:​

 

[berbere d'aures]

يعطيك الصحة موضوع شباب 1.2.3vive algerie وان شالله اليوم نديرو حالة نزهاو ونخرجو ندورو حتى لصباح قولو امين ليوم نشالله الابطال نتاوعنا يطيحو الانجليز وسلوفينيا هادوين مع الولايات المتحدة سجلت هدف انشالله نطلعو حنا وسلوفينيا ادعو نشالله يارب نربحو اليوم ايا باااااااي

الله يسلمك حنونة
ايه الحمد لله اليوم شرفونا
و رفعوا رؤوسنا
الله يحفظهم و يبارك فيهم
و يبارك فيكي انتي تاني لي جيتي و نورتي موضوعي بمورك الزين
مــيرسي:ax_flw:

​

 

[princess95]

مشكورة و بارك الله فيك

 

[محـ أمين مد]

راني باقي حائر واش راكم تروحو تديرو لليكول علاه ماتقعديش مع ميمتك تميناجي معاها مشي خير لك

وشكراااا على حسن الانتباه

​

 

[** غزال الصحراء **]

اه و الله عدنا Prof صاريلو كيما اللي حكيتي عليها ,, مي حنا دايرينلو gوسطوه , قاع راقدين في الخط يغلط و حنا نصفقو عادي //

نعيطولو ( بانشو ) ,, + هو ناس ملاح بـــزاف ..

و ثاني كان عدنا أستاذ تاع Informatique ( فل اللولة ) كنت دايمن نسلكها عندو , و قداه من عفسة أنا نوريهالو

أيا لقيتو دايرلي في الراقبة المستمرة ( 4.5 / 20 ) ,, يحب الجماعة تاع أستاذ , كيفاش نفتح ملف جديد ؟

و هو يقولهم ( الزر الأيمن للفأرة ) .. إلخ ,, و الله صاحبي مقفل الPc ما يعرفش يحلو عطاه 18/20

ربي يلطفنا و خلاص , و منه نستنتج أن الأساتذة يبغو اللي يديرلهم gوسطوهم , ما يستعرفوش بحقيقة أنو التلميذ ممكن تكون عندو معلومة معندهمش .

 

[** غزال الصحراء **]

راني باقي حائر واش راكم تروحو تديرو لليكول علاه ماتقعديش مع ميمتك تميناجي معاها مشي خير لك

وشكراااا على حسن الانتباه

​

:surrender::surrender:

 

[somiasahraoia]

حنا جابو لنا استاذ اجتماعيات صغير بالعمر بصح سمين ايا يل سيدي معقد بزاف الا هضرت راكي تهضري عليه والا هضرت معاه يقول لك انا ماشي صاحبك ما تهضروش معايا وما يقبلناش نقربو حداه على بال البتات خداعين وما فيهمش لامان يسمى فوتنا عام غير ضحك

 

[MĺŹǾ žĕĥÔŖ]

hhhhhhhhhhhhhhhhhhh amala lokan nahkilak 3la twayach dyalna wach tkoli tachab3i dahk

aya mmb3d nrj3

slm​

 

[assoma]

ههههههههه
انا خاطيني الطوايش
بصح ايلا درتهم يضربوني برابور
​

 

[JSK 14 CH]

احنايا استاذ الفيزياء يجي يدخل قلنا راني خارج ساعة كاملة يروح يقصر وحتى تصوني باه يجي واحنا نقلبوا القسم واحد لاتي في البورطابل وجماعة تلعب الجوج والسباط واحد يخربش في السبورة كل واحد كيفاه طوايشيين زعم كبار هههههه بصح اجمل مرحلة هي الثانوية روعة ديري رايك ههههههه

 

[nour mary]

هههههههههه
حنا الاستاد نتاع الفيزيا خرجناه من عقلو هو يدخل حنا نبداو نعيطو مسكين مايلقاش شكون يسكت
درلنا دوفوار كامل تريشينا يقولنا راني نشوف فيكم مي واحد ماهو لاتي بيه
تسمعي غير هات التمرين لول عرفتو ولا لالا
مي هردنا ف النقاط
كامل الاساتدة هبلناهم

 

[angel_fly]

العام اللي فات كنا نقراو عند تاع الرياضيات وحد الطاير يا لطيف كي يخزر فيك تنقصي 10 كيلو و زيد نقراو 2 سوايع امالا هزي انا correcteur هاداك اللي يفاصيو بيه الغلطات فيه سائل ابيض ياك عرفتو ؟؟ ايه درت فيه ثقبة بالمدور و مبعد طبقتو و كنت نشوف مع صاحبتي اللي قدامي هههههههه رجع وجهها كلو نقط بيضاء قتلتني من الضحك و كامل القسم ساكت غير انا ما قدرتش نحمل روحي من الضحك و خفت لا يشوفني الاستاد هاداك يبهدلني و هي دات ساعة و هي تحك في وجهها يبس فيه و بقات هي كي الكلون هههههههههه
كي نتفكر الحكايات نقولكم

 

[يسرى 2008]

اممممم اي جات يسرى مولات الطوايش
بو انا في الجامع سكون حرفي يعني الكل يقولو اي جونتي وخاطيها
ومع المعلمين معنديش طوايش مي نضحك على الطوايس تيعهم برك
مالا مرة واحنا قاعدين زوز دكورة راحو طيشو الكرتابلات تيعهم على الطاقة وطاحت على المدير هههههه وهو ماشي في اللاكور عملهم كفوف يقتلو
ومرة معلمة تاع علوم عملت تجربة تاع البترول وعيطت لطفل باش يحط نار هو حطها وبدا يعيط ويقولو تفللللقت
الغاشي الكل خرج هههه اييييه وش نقلك غير الضحك مرة انا يقولولي اييييي مارشو ومرا ايا بطاطا خليها برك

 

[Soumia_Sétifienne]

هههههههههههههههههههههههههههههههه غير ماكلاه تفكروني في الاساتذة وكامل psq كون نبده نهدر منسكتش lol

 

[Soumia_Sétifienne]

هههههههههههههههههههههههه مليح كي نكونو نتمسخرو وكامل بصح كي يلحق الباك يايمااااااااااااااااااااااااااااااااااااااااااا
انا وحدة من الناس علابالي نموت

 

[fittaa]

هههههههههه شحال نفرح كنشوف lé sjt على الساتدة هههههه

bn انا شومبيون فالطوايش هههههه مرة le prof de his-geo ماكانش الحصة لي تحكيلناش فيها شحال تخاف من les bombes تقولنا meme نشوف ف التيليفيزيون و نتخلع ههههه ايه وحد المرة قرينا معاها على 8 جبنا réveil و حطيناه تحت le bureau باش يصوني على 8:10 ايه هي كانت كيما كتبت la date f tableau و راحت تقعد صونا هاداك الرافاي هههههههههههههههه حنا مازال ما نويناش نضحكو و هي كانت déja فla cour تبكي و تعيط للغاشي ههههههههههههه

و كاين le prof de math هي tjjjjr فالحصة تاحا تكتب la date و تروح تقعد فالكرسي 2 دقايق و مبعداتجي تعدي على les cahier و والو ما يعجبها لوكان تدير واش تدير ما يعجبهاش le cahier لازمها تصيب حاجة باش تعيط علينا حنا كيما نشوفوها وقفت من الكرسي تتقلبنا gاع ايه حوسنا كاش نهار نربطوها mais ماصلحتناش روحنا شرينا دوا تاع الفيران حطيناهولها فالكرسي جات توقف صابت روحها لاصقة ههههههه ماتت بالتبهديلة دارت روحها نورمال كانها هي لي ماحبتش توقف و قعدت قاعدة حتى جا المراقب يهز الغيابات قالها ايا استادة ارواحي تسنييلي هنا هههههه نسات على رحها بلي لاصقة جات توقف تقلبت فالارض ههههههههههه و ارواح انت و حبس الضحك ههههههههه

 

[KAKASASA]

بصراحة لم أفهم اي شيء .. !!​

،، موضوع غريب و عنوان خارج عن المحتوى ،،​