لالا وليدي نخطبلك لالاهاااا غير اصبر ...

[الجندية]

السلام ع ـليكم

لاباس ؟؟ الحمد لله

اليوم حبيت نطرح موضوع راه داير حاله في dz بزاااف يااخوو

واللي عنونته بـ لالا وليدي نخطبلك لالاهاااا غير اصبر ...

واش ؟ باينه وصلت الفكره

المهم يا جماعة الخيـر

كي يشوف واحد وحده برا بالصدفه وتعجبو يسقسي عليها ويعرف شكون والديها ويعرفها مليح كيفاش دايره من نظرة الناس ليها
يروح لدارهم ويفتح الموضوع لـ يماه
يماا ! حاب نزوج
وشكون اللي زهرهااا فاارح ياوليدي ؟
فلانه بنت فلان
ياك تعرفيها ؟
ايييييه واش عجبك فيها واش ماسمعتش عليها ...... والخ
نجيبلك لالااها وتاج راسها بالزياده غير اصبر عليا ياوليدي
يصبر؟ واش يصبر ؟
يصبر ؟
ههه مليحه هاادي
هادا سبب من آلف سبب للعنوسه وتاااني من اللي نشوفوه برا
البنات ومع لي جان في الطريق لاحشمه لا حيا
دي فوا تكون قصتهم هكدا يحبو يزوجو ويماة الولد ماتقبلش على الطفله
ضرك واش الحل تقولو فيها ؟
عندي الصح ولا راني غالطه ؟ مدابيا نعرف آرائكم في الموضوع
في بالي راه معم وراه شاعل اشباب بزاف
ايااا مانكثرش عليكم ... في الآمان
و تحياتي ليكم الكل
​

 

[DARINE05]

ههههههههههههههه
والله كاينة منها انا نشوف بلي الطفل يجيب وحدو خير
ليحبها يديها باه يتحمل مسوليتو وحدو
مرسي فاتي

 

[تسنيم الهناء]

صح خيتو كاينة هاذ لافار ساعات الليمات يدخلو و ما يقبلوش بلي بغاها وليدهم غير باش دير هي رايها و تجيب بنت اختها و لا شي وحدة كانت حاطة عليها العين, و هذا موش معناه بلي يماه ما بغاتلوش الخير لالا حاشا علابالنا بلي الامهات كامل يحبو الخير لولادهم بصح هي تولي تشوف بمنظورها و متناسية التفاهم لي هو اساس العشرة

شكرا خيتو
​

 

[احمد الصحراوي]

وعليكم السلام
شوفي ياالاخت الام تحب لوليدها غير الخير وتحب تجوزو باحسن بنت
ويزيد ثاني تدخل فيها عقليتنا حنا الجزايرين بصف عامة نتع تخاف لا يعايروها
ويمنشروها اكي تعرفي لا يقلو عليها جبتي طفلة مهيش زينة ومتعرفش طيب وامها واعرة
هههههههه هدي امور كل تخلي الام ماتقبلش الطفلة
اما عن العنوسة واش نقلك تدخل فيها امور ياسر.........اكثرها ضررهيا الاخلاق

بارك الله فيك موضوع رائع نحن بحاجة لمثل هدي المواضيع شكرا

 

[NAIMAT ZIEN]

طاعة الوالدين

شكرا اختي على الطرح الهادف
امابعد:دعوة الخير تجي من الوالدين والحاجة اللي مايرضاوش عليها تطير بركتها , هذه حاجة صرات مع شحال من واحد , وانا شخصيا سامعةبقصص ارتباط مارضاوش عليها الوالدين والله ماطولت ...........:busted_red: , في بعض الاحيان الوالدين وخاصة الام "طبعاهي اللي بغات تعاشرها لان تقعد معاها اكثر حتى من زوجها طبعا لما يكون في العمل او في مهام اخرى ",الام احيانا تحس بللي تلك الفتاة ماتصلح لولدها بلاك اصلها مايشرفش والا تكون سامعة عليها شيء ,بلاك بغات ليه بنت اختها والا خوها:tears: ,......... والا تحس بلي ماتريحش ولدها, وهي من حقها تخاف على وليدها وختى حد ماليه الحق فيه اكثر منها , ولكن بعض الامهات يبالغو في خوفهم على اولادهم ووممكن توصل حتى تبقيه جنبها (لاتطيق فراقه ) والله كاين هكا وهذه بالذات في لغة علم النفس : تكون مهووسة بولدها جدا وتحاول تتملكه , وتسمى : "الام مصاصة الدماء" وشعارها انا نربيه وتجي وحدة تديه واجد ...!).هذالنوع من الامهات ممكن تاذي ولدها بالر فض المتكرر وتحطم فؤادو اذا كان فعلا البنت الي يبغيها ماناقصها والوووو..وممكن ينحرف ...وممكن يعزف عن الزواج نهائيا ويتخد منحى ثاني لحياتو .......وبالتالي مايولي لاليها ولا للبنت الي بغاها .........للاسف :heh:...وشكرا

 

[DZ-Speech]

موضوع فوور بزاف
شكرا

 

[abdou23]

السلام عليكم

أختي انا عن نفسي ما نشوفش بلي كاين مشكل كي الأم تحوس تجيب لولدها عروس اللي تبنيلو الدار بصح المشكل تاع العنوسة هي العقلية الجديدة للبنات و الشروط الخرافية اللي تخلي أي شاب يشوف الزواج وحش ما يقدرش يقربلو و أكبر وحوش الزواج كيما تعرفي هو المقياس البارح كنت مع زوج صحابي -للعلم أحنا بايرين في ثلاثة- نحسبو في مقياس 75 غ و الغرام تع الذهب ب3600 دينار يعني المقياس وحدو 26 مليون أختي بلا ما نحسبو العقلية تع البروفيتاج في فترة الخطوبة و فلانة دارت و فلانة جابولها و بلا ما نحسبو بلي كي تروح الأم تشوف البنت اللي راح تخطبها لازم تديلها خاتم و كي تعطي الكلمة خاتم و كي تخطب خاتم و كي تعقد خاتم و مع الفاتحة خاتم و كل مناسبة خاتم أنا في تفكيري وعلاه ما نشوفش بنت تخرج معايا و لبنات راهي تطايش حتى تتبدل العقلية تع المقياس و لخواتم مع احترامي لكل بنات منتدانا مع أنها هدرتي جايبها من الواقع اللي الكل نعرفوه و ما ناش حابين نعترفو بيه
سلام

 

[aMiNa-K]

اوااااااااه درك تقلبت الاية
اغلبية الامهات بطلو من العقلية هدي .. اغلب الشباب اللي تزوجو بالعقلية هدي كي يصراو مشاكل بينهم و بين زوجاتهم يحطو اللول على امهات .. و يولي يقول ليماهم شوفي الاختيار ديالك وين وصلني و انتي و السبة و و و و

درك الام ولات تقول لوليدها حوس على وحدة وحدك .. غير باش تتهنى من تكسار الراس بعد زواج ابنها​

 

[aMiNa-K]

.............​

 

[ĜąМę ǒVĕŗ]

انا بروحي مانقبلش بهداك الراجل ليدايمن راقد في حجر مو

حاسب روحو مزالو غريان و مايتحمل حتى مسؤولية ​

 

[معاك يا الخضراء]

هههههه والله فكرتيني في واحد لحكاية ما قدرتش نرد عليك ضرك:music_whistling::music_whistling:
اني نوليلك ان شالله
صحيتي حبوبة​

 

[HAMOUDI2000]

شكرا على الموضوع وانا رايي الام اذا كانت تحب الخير لوليدها تخليه يشوف لروحو وتقول الحمد لله اللي لقا اللي تعجبو وتسهلو امورو مش توقفلو وتقول نجيبلك لالتها هههههههههه انا نقول كل وقت ووقتو ياك هو اللي رايح يعيش معاها صح تقبلي مروري هذا رايي اوك

 

[فراشة الايمان]

أنا نقول عندها الحق (الأم) في أن تختار لوليدها رفيقة عمره و في الاخير كيف ما صبرت عليه في صغره يصبر عليها في كبرها صح ولا راني غالطة ؟؟؟؟

 

[الجندية]

بارك الله فيكم
مشكورين ع الردود
تحياتي
​

 

[الجندية]

ههههههههههههههه
والله كاينة منها انا نشوف بلي الطفل يجيب وحدو خير
ليحبها يديها باه يتحمل مسوليتو وحدو
مرسي فاتي

شكراااااااااااااااااااااااااا
​

 

[الجندية]

ههههههههههههههه
والله كاينة منها انا نشوف بلي الطفل يجيب وحدو خير
ليحبها يديها باه يتحمل مسوليتو وحدو
مرسي فاتي

شكرااااااااااااااااااااااااااااااااااااااا
​