والله ما نديرلو عنوان هههه

[sandybelle]

ههههههههههه لالا ماخليتكش تايهة :scared:

ياخي قلتلك كاين منتدى البراعم تماكن بلاصتك يا سنديبال ههههه:music_whistling:
ملاحظة صحي مكان الاقامة لا نهبط نجيفك :sneaky2:
سلفيني عقلك يالالة :music_whistling:​

يانوال ماحبش يفتحلي الرسالة ؟؟؟
اهبطي هبطي قوليلي أش بيك

 

[Bob Marley]

ماعليش اخويا غير حكيلنا كيفاش كن يوم لول أسكوعديتو نورمال ولا كنت بحال ختك الخلعة والشوك دايرين فيا حالة ​

:angel:

[/CENTER]

ههههههههه والله اختي واش انقولك انا نهر الاول انسيت حتى السيام لي انعكب فيه
معرفتوش وكي لقيتو تعركت مع المراقب باسكو رحت بشورط كانت السخان قالي ارجع البس سروال وارواح:scared:معليهش فريته معاه
ومن بعد زدت مالقيتش لكلاس باه القيته تعدبت ونهر هداك بدينا بلفيزيا ااااااااي
مافهمت والو غير انقلب في راسي ولاعلى نلقى واحد ايفرج علي باجوبا
من لخر والله لا عبابلي بيه البيام الضحك وتمسخير وتركبات والله يا كي علكو للاليست
ههههههههههههههه​

 

[نبض الحياة]

السلام عليكم بنت عمي عمارة على سلامتك
واش نقولك انا في هذاك النهار تبلوكيت وتشوكيت
مزيا كاينة الكابريز
وزت دخت والله حقيقة مؤلمة البنات اللي كنت نعرفهم جاوووووو في وحد اللبسة الله يبارك
تشمئز منها القلوب
بارك الله فيك
والنجاح للجميع
​

ههههههههههههههه
اذا كانت الكابريز تنفع غير قولي العام الجاي نشري منها :music_whistling:
-------------------
غير اسكتي برك حنونة ما تفكرينيش :scared: الكوشمار اللي راه جاي

 

[7anan]

انا في هاد الاسبوع اللي فات جوزت الباك الاسبوع اللي فبله فات عليا كحل يالتخمام وزيد الحفظة ماعندي ما نقول
ايه جا هداك النهار هاديك الليلة مرقدتش فيه خلاص علا هداك نضت انا الاولى ومن بعد هجمت عليا عايلتي وكانوا محظرينلي قائمة تاع النصائح و الارشادات
ماما ***بنتي لازملك تفطري درك مليح ****بنتي اقري السؤال مليح قبل ماتجاوبي *****ماتنخلعيش نورمال اختبار عادي
بابا ***ركزي ملييح ****ماراكيش خايفة بنتي ***
وزيد على هداك بابا اول مرة يوصلني باللوطو نتاعوا لليسي ***في حياتي ماصرات **
خوتي الصغار اللي النهار كامل وانا كالقط والفار معاهم **حظرولي قشي اللي غالد نلبسوا باسكوا انا نسيت روحي خلاص
وخوتي لكبار عيطوللي في التيلفون قبل بالنهار هما تاني موجديين النصائح نتاعهم
والليزاد خلعني جداتي اللي مين جيت خارجو ولات تقيس في الحليب والسكر من موراي ومن قدامي تحسب عروسة وراهم داينها

ايه رحت مع بابا ومين جيت عند الباب لاقيت صحبتي فاطمة هدرت معاها وصبتها اكتر مني
مين دخلت لاقيت روحي في القسم 7 وع انا مانعرفش الليسي اما درت ربع ساعة وانا نحوس حتى سبتها والحمد الله لاقيت زوج من الولاد اللي كانو يقراو معايا طلعولي المورال بضحك والزعاقة
حتى حطو لي سوجي ونسيت روحي وبديت نحل
انظن بلي طولت حكيت قصة حياتي ههههههههههه
مرسي ختي على الموضوع فكرتيني بهاداك النهار
​

 

[aMiNa-K]

السلام عليكم

اييييييييييييه يا اختي فكرتيني فوحد النهارات هايلين :yahoo:
النهار اللول تاع الباك كانت عندنا عربية .. و انا مانفهم فيها ترن
ليلة الباك رحت عند اختي مديتلها الكايي و قلتلها فهميني ماراني فاهمة والو :mellow: .. ناضت تعرش ماخلاتليش مالقاتش واش تفهمني و واش تخلي و راحت تجري لتقطيع الابيات الشعرية :glare:
المهم الليل كامل و احنا نقطعو في الابيات الشعرية.. حفظتي كامل البحور .. الطويل .. الخفيف ..السريع _o:
فعولن فعولن .. فعولن فعولون
فعولن مفاعيلون .. فعولون مفاعيلون
حركة= / .. سكون=0
هههههههههههههه

نضنا مع الصباح و المسكينة من قلبها تحفظ فيا .. و انا مافهمة فيها والو وقاعدة نقول غير ايه ايه :music_whistling:
لحقت لل8.30 مازالني في الدار .. رحت عند بابا قلتلو واش وقيل ماشي معول تديني و لا كيفاش
قالي الليسي اللي تعقبي فيه ماشي بعيد 5دقايق نوصلو
و ايييييييييييييييييه كي خرجنا .. لقينا الطريق مغلوووووووووقة :scared:
الشيخ خاف تاع الصح و تفرفش قالي مانلحقوش ياو
و انا ماشي مقلقة قاعتيك .. قلتلو ماتقلقش روحك عندي عربية برك روح بعقلك :music_whistling:
مسكين قاعد يصوني و يجري و يعيط من الكارو .. بعدو بعدو ياو الباك في اللعب ههههههههه
لحقني قريب ال 9.30 قعدت مامبا ساعة و خرجت .. جاوبت بلاما نقرا القصيدة :tears: و قطعت زوج الابيات اللولين و خرجت البحر و كتبت تعريف الشاعر و الاسلوب ديالو و خرجت:closedeyes:
خرجت لقيت بابا مازالو يستنى .. قالي وااااااش هادا دخلتي انتي اللخرة تخرجي انتي اللولة
ديت فيها تبهديلة كحلة و في الدار كامل قطعو لياس عمباتلهم مانجيبش الباك

نهار اللول كان عندنا عربية و اونقلي علابيها ماتقلقتش .. بصح الدوزيام جور لحق الصح .. رياضيات حكمتني وحد الخلعة :tears:
​

 

[حورية 42]

انا يا اختي مننساش يمات الباك لي جوزتهم سوغتو النهار الاول على خاطرش انا نوجد في روحي باش انروح نجوز واذا يوصلنا خبر موت عمتي رحمها الله وهكذا روحت انجوز بعد ما كامل العائلة طلب مني وما خلونيش نحضر الجنازة
وراحت اختكم اتجوز زعما الباك وراسها في جنازة عمتها وكل لي كان يلقاني في الطريق يحول ايطلعلي المورال بصح كي اعطوني الاسئلة حسيت بلي لازم انجب الباك

 

[مفخرة الجزائر]

حتى الbemمازلت ما عقبتوش العام هادا ان شاء الله

 

[Kojomis Zmones]

ايامات السيزيام ورااحت كل نلحق للباك ونجيب ان شاء الله نجي نحكيلك هنا

 

[الخيزران]

اليوم الاول للباك في دارنا كامل كان بمثابة عيد
ليل كامل مارقدتش طار علي النعاس والصباح باباالله يرحمو مونكا الخدمة باش يحسسني بوجوده
كنت اتسول الدعاء من جدتي ووالدتي ,والحمد لله ,كانت ايام جميلة مرت بسلام العقوبة للجميع ان شاء الله
نتمنى جميع الطلاب ينجحو ,اكثروا من الدعاء فان الله قريب مجيب

 

[INATA LOTUS]

يحسن العوووووووووووووووون اختي مشكوووووووورة

ماوال انا شوية

 

[سلافة.]

العام الجاي نحكيلك حكايتي ادعيلي برك ربي يوفقني ..

 

[salma2010]

والله فكرتينا ختى انا الباك اليوم الاول كنت شويا مقلقة متوترة سيرتو كى سمعت صوت لومبيلونس وفى اليوم الاخير نهار الفلسفة وحدة داخت وجات لومبيلونس تاخدها الحمد لله ماكنتش عندنا كان فى القاعة التى بجانبنا








الحمد لله فاتت ايام الباك وان شاء الله ندوه هاد العام قولو معايا يا اجماعة اااااااااااااااااااااامين ادعولنا بلييييييييييز بربي ان شاء الله ندوه

 

[sandybelle]

يا لمهبولة اهبطي خلينا نخرجو كيف كيف