هكذا سمعت الهدره ؟؟؟

[السوفي]

السلام عليكم ورحمة الله وبركاته

كنت جالس في الحافلة وكان قدامي شيخين طاعنين في السن ودار بينهما حوار وهذا مقتطف منه طبعا بتصرف مني من غير اذنهما هههههههههههه؟؟
محمد :اف منهم كثروا وعمروا لنا الاسواق والكيران وين تروح لقاهم
صالح : زريعت بليس كان تزويق وشطيح ورديح لا دين لا مله اف منهم
محمد : وينهم الرجاله انتع الصح الي يخزر في المراة تهبط راسها وينهم ؟؟
صالح : راحوا مع فرانسا وبقوا اشباههم ياخي زمان انتاع الصح ؟
محمد : واش بيك الرجاله انتاع هذا العصر الي يلبس السيري ويمكيج في روحه ويبقى بالساعة يخرط في الشوشه والله طفله خير منه اف اف
صالح : اخطان من هذه السير يرحم بابك راهم بنوة مش رجاله
وراح محمد يفكر في صالح في الايام اللي فاتت ايام الرجوله والبطوله
فهل حقا كلامهم صحيح ؟؟
يعني عصرنا يخلوا من الرجاله ؟؟
اسف على الازعاج وهذا كلام الجيل الذي حرر ارضنا
السلام عليكم​

 

[** غزال الصحراء **]

تم إعتماد الموضوع //

حديثهما يحمل الكثير من المعاني , و يا حسرتاه !

 

[ملكة زماني]

ممكن يكون كلامهم صح
الان في وقتنا الحالي كيف المراة كيف الراجل
واحد ماهوااا قايم بدورواا نورمال
لهدا اختلط الحابل بالنابل

 

[missa_1]

العشرة فتاشة هوما عاشرين وشايفين ولكن الله اعلم نضن بلي كاين

 

[ديالى]

ليس الكل اخي
وهناك مثل يقول الرجال من ظربتهم امهاتهم
وليس من دلعتهم ​

 

[العاطفي]

مش الناس قاع كيف كيف
​

 

[salma2010]

هو ممكن نقولو قلت مى مانقولوش كل الناس كيف كيف

 

[بنـ MaPa ـت]

ايييييييييييييه وعرفت اسماواتهم تاني تجسس من الدرجة الاولى هههه.....صح والله تلقى طفل داير شوشة وطفلة مپلاططية شعرها عليه الله يستر مالا في 2012 الناس تولي طير فالسما....صحيييييت..​

 

[لحظة غضب]

كلام صحيح مي ماشي كامل
و الجيل انتاع درك شكون هوما ياك هم أحفاد الشهداء
مي على حساب التصرفات لي يديروها ميخلوش روحهم رجال يخلو روحهم ذكور فقط
و الكلام مينطبقش على الكل خاطر كاين و كاين
ربي يثبت علينا العقل و الدين
شكرا على الموضوع
تقبل مروري​

 

[nina17]

السلام عليكم و رحمة الله تعالى و بركاته​

أخي السوفي أنت مبدع كالعادة بمواضيعك المهمة و المفيدة​

رأيي هو أن تطرح على نفسك سؤال : " هل أنا قادر على أن أكون رجل و أستطيع أن أنفع أمتي و أتحمل مسؤوليات ؟" إذا كان جوابك نعم إذن لا يزال هناك رجال بأتم معنى الكلمة و لا أتصور أن يكون جوابك لا لأن موضوعك هذا يوحي لنا بأنك قمة في الرجولة
و السلام عليكم​

 

[sahiko hamza]

حتى كي فقو فاقو بالعgن .... ( بمعنى تمهبيل = مجنون )


هذي تاعنا يا ولد لبلاد ...
وراك فاهمني
​

 

[ήaήa~:)]

c sure ياخو كلامهم صحيح 100%​

 

[dana1993]

السلام عليكم
مم شوف صح وقتنا هاذي قليل وين تلقى راجل واقف على روحو كي يخبط رجلو الناس كامل تشوف ليه وتحيلو
مي كومام شوي صح الجيل تاع ذرك يحب الحطة والتبياش فيهم لي يتشيكو فالمعقول وفيهم لي الله غالب ماكانش فالمخ السروال طايح التريكو منعر كفاه داير شعرو باطا جال فيه وهو ماش حاب يوقف رقبتو بالسناسل معمرة يديه بلخواتم و المسايس ومن فوق لمناقش فالوذنين وهاذو لا امل فيهم لا حياة لمن تنادي
الصح الصح قولولي ذرك شوكن الطفل لي يتكستم ههه ماكانش نهار عرسو بالسيف ليلبسو كامل نحبو العصري مي في حدود معقولة
و زمانا مبخلوش من الرجال فيه احفاد مصطفة بن بولعيد الامير عبد القادر وكل رجال الثورة
صح راني قلت ونعاود ناس تحب التبياش مي تلقاها واقفة على روحها وقادرة تبني بلاد اي نعولو عليها فالمستقبل

 

[هــــيلدا]

بين البارح واليوم،، جبااااال وجبال،،

لا،، الرجولة مزالت كاينة،، وحاشا ان تغيب،

بصح قلييييييييلة، ووين راح تلقاها،،

الراجل للي ميحكمش في اختو ولا في مرتو ويخليهم خارجين من باب بيتو بهذاك الشكلــ،، هنا نقولو سقطت الرجولة ومترجعش،،

ربي يصلح ويستر الاحوال//
​

 

[معاك يا الخضراء]

:yahoo::yahoo: نحاو عليا مع صباح ربي :yahoo::yahoo:
انتيييييك الشياب هادو :yahoo::yahoo:
وي يا عمو انا بور موا ما بقاوش رجالة
و الشباب تاع هاد الوقت .. ربي يستر من جدهم !!​

 

[Sârsoùra L'mkàlChà]

ايـــــــه
و راهم يقولو عليه تطووور
ههههههههههه
​

 

[Midia]

قولها وعاودها
عندهم الحق
الرجال الي يشوفوا مرة تنضرب ومايحاموش عليها
ماشي رجال
والي يضربوا زوجاتهم ماشي رجال
وهي رايحة​

 

[hamzaazmah]

لا تصدق كل ماتسمع كيم في وقتنا كاين الرجال وكاين انصاف الرجال كيم في وقتهم هوما ثاني​

 

[سلافة.]

لالا ماشي كامل كيفكيف مازالت رحمة ربي ومازالو الرجال بصح ماشي كي بكري

مشكور على طرح الموضوع


ننتظر جديدك

 

[السوفي]

السلام عليكم ورحمة الله وبركاته
والحق يقال قبل ان اتحدث وارد على بعض الردود ليس لصحة ما فيه او خطاء ولكن فيها من المعاني الكبار لهذا ارجوا من كل من شاركني هذا الموضوع ان يفهم كلامي على الاقل يحاول ان يفهمني لاني اشعر اني اثرة موضوعا كان الكل ينتظره وهو الرجولة ومعانيها وكيف ضاعة من بيننا
لهذا علينا ان نطرح على انفسنا هذا السؤال هل كل رجل يدرك معنى الرجولة الحقيقية هل يدرك انها كلمة شرف و موقف عز وأن تذكر الله دائماً في أعمالك وأفعالك
لهذا يحزنني ان اعترف ان معني الرجولة قد مات في امتنا ليس في الجزائر فقط النساء تاسدنا على الرجال وصرنا في كل مكان في اي زمان صدقوني قررت السفر يوم فخرجة من البيت على الساعة 2 بعد منتصف الليل في عز الشتاء كنت اسير وادعوا الله ان يسلمني من مخاطر شر ما خلق ولكن كان مفاجاءة لي ان وجدت فتاة متبرجة اشد مما تتصورون تضحك مع زميلتها وهم يمشيان لا يخافان ولا هما قليقان وكانت محطة المسافرين خارج اسوار مدينتنا فهل استاسدنا الى هذا الحد ثم لا اخفي عليكم انها صارت تعمل اعمال لا تليق بها اطلاقا حارسة وفرود وسائقة شاحنة تعيش تشوف اخر الزمان
صدقوني سوف ياتي علينا زمان عمل فيه الرجل مدبر منزل وحاضن اطفال ههههههههههههههههه
المهم المجتمع لم يعد يتحمل شطحاتكن يا خواتي
السلام عليكم