قصيدة بعنوان الbac

[ولد الــdz]

ال BAC يا ربيgرب خبرني يا المجرب

نتgدم ولا نهرب جاوبني على ذا السؤال​

​

gاع الناس راها خايفة وانا نفسي راها تالفة

وباه نديه راني عارفة بلي صعيب بزاف الحال​

​

باه نحرص ونقرا ما قدرت تعبت شحال وحاولت

ولمرادي هاذا ما لحقgت وما ظنيتش بلي انال​

​

منه ماني مرتاحة وفيه مانيش سماحة

وانا بهاذ الجياحة راه هابط لي المورال​

​

خبروني مالكم ياناس نتمنى ولا نقطع لياس

هاذ العام ماني لاباس وماهو هاني لي بال​

​

الدنيا حسبتها ساهلة ساعا وليت فيها حاصلة

وفي رايي كنت شاكلة درت على القيل والقال​

​

في جوان نطيح في البير وذاك الوقت واش عندي ندير

غي نطلب من ربي القدير يعطيني الصبر ونعقال​

​

كي تبان النتيجة وين نروح وجهي اصفر وقلبي مجروح

من la liste سمايا ممسوح راه في قائمة الجهال​

​

ياخوتي وين راه الحل قولولي لهاذ المشكل

باه نبدا الوقت كمل وباه ماننجحش هبال​

​

يا المولى بجاهك نترجاك وريني طريق السلاك

خير ما نولي فالهلاك نمرض وتركبني لعلال​

ان شاء الله يكون عجبكم
​