ما عرف نقوللكم باركولي و لا عزيوني ؟

[souss]

السلام عليكم
الحمد لله نجحت و تخرجت من الجامعة:yahoo: بصح ماعلاباليش لكان نقوللكم باركولي ولا عزيوني :tears: خاطر راكم شايفين كامل باللي القاريين بزاف و قاعدين و خاصة لولاد و ما نكذبش عليكم من قداه سنة و أنا نقرا مبعد نقعد في الدار صعيبة شوية
المهم ادعيولي و للي كيفي ينوب علينا ربي بكاش خدمة ان شاء الله ​

 

[حفيد هواري بومدين]

وافقنا على الموضوع

---
الرزق ماوش من عندهم الرزق منعند ربي

 

[السلطانة]

وعليكم السلام
هادي هي بلادنا
تندمي على النهار لقريتي فيه في الجامعة
الحمد لله انك تخرجتي على خير وعافية
ماتيئسيش الخدمة ترجع لمكتوب ربي
ربي يوفقك انشالله

 

[im£ne]

مبروووووووووك عليك حبيبة
ربي يسهلك

 

[imene23]

مبروك عليك كوني متفائلة وانشاء الله تلقاي الخدمة

 

[اسمه_ان]

ألف ألف مبيرووووك عليك الأخت

ربي يوفقك ان شاء الله في الخدمة

كاين ربي متفقديش الامل


وان شاء الله تعبك ميروووحش باطل
​

 

[nassim007]

مبروووووووووووووووك عليك

 

[دعاء19]

انا نقولك مبروك عليك تخرج خاصك تفرحي وتكوني فخورة براسك
اما الخدمة ربي اسهل عليك ان شاء الله وديري بالمثل لي كيقول (سبب يعبدي وكمال على الله)

 

[سماح الجزائريه]

1000 مبروك على النجاح تعرفي ايقول* اسعى يا عبدى وانا معاك *انت الى عليك عملتيه قريتي وانجحتى والله ايباركلك بصح ما تقعديش مربعه ايدك او قاعدة في الدار لا لازم تفركتى على خدمه لهنا ولهيه وان شاء الله تلقي الخدمه ونصفك الاخر ثانى وتقبلى مرورى عزيزتى​

 

[ماكانش]

عظم الله اجرنا واجركم
تخرجت من الجامعة عندي عام والخدمة ربي جيب
والحمد لله على كل حال​

 

[abdelmalek88]

سور نباركو ليك ومايهمكش اختي ان شاء الله مايكون غير الخيرواللي تتمنايه راح تلقايه زيني نيتك برك ...تفاءلوا خير تجدوه ​

 

[ĜąМę ǒVĕŗ]

ان لله و ان اليه راجعون الموت وحدة ختي ​

 

[فؤاد الورقلي]

سلام
اكيد مبروك عليك
وكل شي بيد الله
ربي يوفقك ان شاء الله
سلام​

 

[menoubia]

مبروووووك عليك خيتووعقبال لينا
والخدمة كل واحد وزهر نتاعو متشوفيش لناس
المهم مكمل قرايتك هدا واش يتمنى الواحد احسن يلي بلا شهادة
​

 

[meryouma1992]

كــــــــــل واحــــــــــــد و زهره في هاد الدنيا بلباركة عليك و عقوبة للخدمة نشاله بصح عرضينا على كــــــاس قهوة

 

[مارجوري]

الف الف مبروك​

 

[ملاك الليل]

سلام عليكم
الف مبروك اختي وان شاء الله ربي يرزقك بكلشي راكي متمنياتو
تحياتي​

 

[بنـ MaPa ـت]

سلااااااام..
الف مبروووووك ختي والعاقبة نشالله للمهنة لي حابتها...مشكورة..​

 

[DARINE05]

mabrouk 3alik wa lbaki koulche bal maktoub

 

[إشراقة حب]

ألف مبروك اختي
ماتقلقيش كلش بيد ربي
واللي مكتوب فالجبين ماينحوه اليدين
أدعيلي انا اللي بقاو لي عامين باه نكمل
​