...علاه ديروا هكذا هل المواضيع القيمة=دردشة ؟ بالطبع لا

[dana1993]

السلام عليكم
واش حالكم ان شاء الله بخير
ندخل ديراكت للموضوع
و الله راني نشوف اغلب المواضيع هنا خاصة في واش راك تهدر ترجع دردشة:sneaky2:
خاصة المواضيع القيمة ذات معنى و الله خسارة عليكم ترجعوهم هكاك:mellow:
الهدف منو هو الافادة والاستفادة تبادل الآراء و الافكار بصورة لبقة راني نشوف في اغلب المواضيق قصرات وشياخة :busted_red:
علابالي ماشي من دخلي مي كومام المنتدا منتدانا وحنا ماليه اذا ملتيناش به حنا شكون راح يلتى بيه
صح كاين الاشراف مي حنا لازم منحطوش كل العبء على الاشراف تقول انا نكتب اذا معجبش للاشراف ممبعد ينحيه
خلونا نمشو بالمنتدى القدام وبركاونا من الخدايم هاذو ياك مانيش غالط راني نقول غير الصح
بارك الله فيكم و ربي يعين الاشراف
شكرا​

 

[هــــيلدا]

صحيتي طاطا،، نتي يعولو عليك//

 

[بنـ MaPa ـت]

اطاطا؟؟....حقا كيفاش يسموك اييه تفكرت..
يا طاطا دانيا واش ديري الله غالب صاحا نتي حابة يدردشو لهنا وللا نو؟
صحيتي..​

 

[dana1993]

صحيتي طاطا،، نتي يعولو عليك//

بارك الله فيك طاطا خضرا مرسي على تقبل الميضوع

اطاطا؟؟....حقا كيفاش يسموك اييه تفكرت..
يا طاطا دانيا واش ديري الله غالب صاحا نتي حابة يدردشو لهنا وللا نو؟
صحيتي..​

هه ماكيش فاهمة الموضوع؟ نو المنتدى واش راك تهدر ماهوشي تاع دردشة يعني نو و الدردشة تقدرولها بالرسائل الخاصة لالا؟
بارك الله فيك

 

[Sârsoùra L'mkàlChà]

ايه صح رجعت المواضيع اغلبها دردشة
بالصح والله ما لقينا وين نقصرو
لوكان راهم حاطيلنا ركن نقصرو فيه تما رانا هنا ما ندردشوش
صح ولالا ؟؟؟؟
قبل كانو دايرينها ما كناش ندردشو
هوما نحوها و حنا رجعنا لعوايدنا​

 

[~ مستشـآرهـ طـرزآنـ ~]

راني موافقة معاك ف الراي حنونة
مي حسي بينا شوي..والله توحشنا القصرات و الخيمات تاع بكري
يا لطيف توجور سيريو سيريو...إلا يحبو المواضيع تبقى نورمال..ماعليهم غير يرجعولنا المواضيع تاع الدردشة....هذا ماكان
وشكراااااا ليك دندونتي​

 

[Bob Marley]

ردوه منتدى دزني نعفس عليك​

 

[فؤاد الورقلي]

سلام
عندك الحق
وهذا يدل ان الاعضاء ملقاوش وين يفرغوا حكايتهم
واش راح ديري

شكرا
سلام​

 

[dana1993]

ايه صح رجعت المواضيع اغلبها دردشة
بالصح والله ما لقينا وين نقصرو
لوكان راهم حاطيلنا ركن نقصرو فيه تما رانا هنا ما ندردشوش
صح ولالا ؟؟؟؟
قبل كانو دايرينها ما كناش ندردشو
هوما نحوها و حنا رجعنا لعوايدنا​

وي ختي صح مي خممي في هاذوك اليامات آسكو كي كانو الخيمات كنتو تطلو على باقي المنتدى؟ غير قلة قليلة
كامل و الاغلب لي يسجل الدخول ميشوف هكا ولا هكا ديراكت للخيمة قصرات وخلاص
وجابلي ربي مايوليش منتدى هكاك يولي شات وخلاص هاذا رايي
شكرا على التواصل

راني موافقة معاك ف الراي حنونة
مي حسي بينا شوي..والله توحشنا القصرات و الخيمات تاع بكري
يا لطيف توجور سيريو سيريو...إلا يحبو المواضيع تبقى نورمال..ماعليهم غير يرجعولنا المواضيع تاع الدردشة....هذا ماكان
وشكراااااا ليك دندونتي​

مشكورة اختي يعطيك الصحة مي كيما قلت للاخت سابقا

ردوه منتدى دزني نعفس عليك​

هاذيك هي الجملة لي تلم كلش يعطيك الصحة

 

[dana1993]

العفو ختي لكن نشوف انو لكل يدردش والكل يشتكي من الدردشة فأين هو المنطق ؟؟؟؟؟؟؟؟؟؟؟؟؟؟؟؟؟؟​

الهدرة عليا والمعنى على جاري
المنطق ........ قليل لي يفهمو مشكورة على التواصل

سلام
عندك الحق
وهذا يدل ان الاعضاء ملقاوش وين يفرغوا حكايتهم
واش راح ديري

شكرا
سلام​

ايه صح كاين الرسائل الخاصة او روحو للطاقم الاداري طالبو بالخيمات واظن انه الحل الامثل
باركك الله على التواصل

 

[iméne09]

يا ختي الله غالب مكانش وين نقصرو كرهنا كون كاين وين نتلمو ماتنقلبش مواضيع للقصرة هي عندك الحق فيها كترتها الموااضيع لهايلة ولي تستاهل يروحو يغلقوها تغيظ صحيتي يا خيت​

 

[sahiko hamza]

جيتي للأصل وحبيتي تنحيه
انا ملي نشفى على اللمة يعني من 2008 وهيا هك

ماتتنحاش
راها عادي ههههههه
​

 

[عفاف الجزائرية]

حنونتي دانا هاذا يدل على ان الاعضاء كانو كوالفين بالخيمات وين يتلاقاو ويتجملو ويحكيو مع بعض على حياتهم اليومية واوش صرا
وبعد ما نحاوهم اصبحو وين يلقاو تجمع وين ينقلب الى دردشة
وانا معاكم
المهم ان شالله تتسقم الاحوال في اقرب الاجال
​

 

[dana1993]

يا ختي الله غالب مكانش وين نقصرو كرهنا كون كاين وين نتلمو ماتنقلبش مواضيع للقصرة هي عندك الحق فيها كترتها الموااضيع لهايلة ولي تستاهل يروحو يغلقوها تغيظ صحيتي يا خيت​

صح عندك الحق مي والله يغيضو المواضيع الباهية كي يتغلقو على جالت لاباس بخير لي تتعاود ميل فوا
بارك الله فيكي مشكورة

جيتي للأصل وحبيتي تنحيه
انا ملي نشفى على اللمة يعني من 2008 وهيا هك

ماتتنحاش
راها عادي ههههههه
​

صح انا نهار لي دخلت للمة في 2007 بعضوية راحتلي ماكانتش هكا كان نظام محكم و ماكانش الخيمات الدردشة كانت في منتدى الالعاب والمرح لي نحاوه

نتا لبارح درت موضوع على العادي وجيت تقولي عادي؟:surrender:
بارك الله فيك مشكور

حنونتي دانا هاذا يدل على ان الاعضاء كانو كوالفين بالخيمات وين يتلاقاو ويتجملو ويحكيو مع بعض على حياتهم اليومية واوش صرا
وبعد ما نحاوهم اصبحو وين يلقاو تجمع وين ينقلب الى دردشة
وانا معاكم
المهم ان شالله تتسقم الاحوال في اقرب الاجال
​

صح ختي وهنا نتمنا تتدخل الادارة يا ترجع الخيمات يا يرجعو منتدى الالعاب والمرح لي كانو يدردشو فيه
مشكورة اختي الغالية بوركتي

 

[dana1993]

مافهمتش قصدك ؟؟؟؟
لكن انا كي نحكي نحكي على روحي وعلى واش راني نشوفو فقط الشعب لخر خاطيني وخاطيه....
يعني انا ندردش بزاف في المواضيع ونقولها بكل صراحة ....الله غالب ختي مانقدرش نافق روحي:wink:​

بارك الله فيك مام انا ديفوا ندخل لموضوع و الله منحمل منشاركش لكلام وتاني خسارة موضوع باهي يتغلق لالا؟
مشكورة اختي الغالية :music_whistling:

 

[DARINE05]

ايييييييييييييييه يا دندونة
انتي مدردشة كبيرة
خاطرة موضوع تقفل على جالك
مي معليش بنت ولايتي وين باغت تحكي تحكي الموضوع موضوعك

 

[Jagwar]

معاك يا دانا درى حالة
عندك الحق يا الدندونة اختى
و الله انا تانى كرهونى فى المواضيع تاعى
أنا ندير موضوع و هوما يدخلو يدردشو فيه من بعد المشرف يغلقو و هذا من حقو
نتمنى تلقاي الآذان الصاغية و انا نضم صوتى لصوتك
يا جماعة
هذا منتدى
واش راك تهدر ماشى واش راك تدردش
تحياتى أختى الضغيرونة








​

 

[dana1993]

ايييييييييييييييه يا دندونة
انتي مدردشة كبيرة
خاطرة موضوع تقفل على جالك
مي معليش بنت ولايتي وين باغت تحكي تحكي الموضوع موضوعك

انا؟ ههه يا ختي صح ندردش مي ماشي لدرجة انو وين نقلب نلقا ردي معنديش برك الزهر كي دردشت غلقوه
صحا لبلاد يعطيك الصحة مشكورة

رايك الله يبارك عليه
بصح الله غالب راكي تعيطي فالظلمة كيما يقولو
ديجا ظرك هنا تبدا الدردشة
****************************
معليش الواحد يدخل يحط رد و معاه كلمة ولا زوج ينحي بيها على خاطرو و انما مش نديروها قهوة موح
اللي يجي يجيب كرسي و يبدا يصيد
وديما ديما رايكم هو البراكة​

الله يبارك فيك خويا ايه تاع لاحياة لمن تنادي
بارك الله فيك على الرد القيم
مشكور بوركت

 

[dana1993]

معاك يا دانا درى حالة
عندك الحق يا الدندونة اختى
و الله انا تانى كرهونى فى المواضيع تاعى
أنا ندير موضوع و هوما يدخلو يدردشو فيه من بعد المشرف يغلقو و هذا من حقو
نتمنى تلقاي الآذان الصاغية و انا نضم صوتى لصوتك
يا جماعة
هذا منتدى
واش راك تهدر ماشى واش راك تدردش
تحياتى أختى الضغيرونة








​

بارك الله فيك خويا لكبير يعطيك الصحة مشكورا على ضم صوتك للاصوات المعارضة
و كيما قلت ان شاء الله نلقى الآذان الصاغية
بالتوفيق

 

[الجزائري05]

انا نقولك علاه ترجع و تكصر الدردشة في مثل هاد المواضيع لان مافيهش مواضيع للدردشة زيدي مكانش مواضيع هادفة الا القليل منها و أخيرا الvide هاو اللي يخلينا نديرو هكا
شوفي كي يرجعو الخيمات نتاع الدردشة تزول هذه الظاهرة
​