عقلية تع "اغرملي" عقلية بلا مانقول dz

[امورة المنتدى]

السلام عليكم خاوتي لعزاز وشراكم لاباس ايا في ميضوعي هادا اول شي نشالله يفرحونا ليكيب ناسيونال ولاد لبلاد

احم خلاص ندخلوا فالموضوع

جبتهولكم على عقلية شايعةبزاف فالبلاد وعقلية فاسدة :surrender:

ايا هادو زوج جارات

قال يا جارتي لعزيزة سلفيلي 9سعة تع الطعام راهم جايين ضياف

ايا رجعتلها ال9سعة مكسرة

قالت ماعاباليش بيك كسرتيلي 9سعة اغرميهالي

********************************************************************

1/ نتوما في رايكم شكون عندها الحق ؟
2/وشرايكم في عقلية "اغرملي" ؟؟ مع او ضد

*نشالله عجبتكم*

 

[mina009]

ايه واش تحبي هذي عقلية الدزيريين و كاين اللي ميحبوش الغرامة مي هذوما قلال بزاف

 

[Bob Marley]

مشي ملاح انسان ايخسر واحد
بلاكش كان غير متعمد
لازم الانسان يتعلم بان هدي الدنية كما تودين تودان تقدر تصرالك انت تاني وتكون ضيقتلك ووو
انا ماشي بكلمة ربي يخلف صح تغدني هديك الحاج مي يا راحت راحت ربي يخلف
شكرا على الموضوع اختي​

 

[DARINE05]

الواحد لزم يكبر عقلو اختي امورة

 

[الجريئة]

كان لازم تكبر عقلها و الخسارة مايش مليحة

 

[المتفائلة_91]

انا ضد هاذي العقلية وتجيني تاع صغار يلعبو واحد كسر للوخر لعبتو قالو اخسرها !!!! بصح جامي شفت كبار يديروها هادي !!!!!!!!!!!!!!!!!!

 

[** غزال الصحراء **]

السلام عليكم , واش رايح نقولك يا أمورة هي الحكاية من اللول مبنية على الهف

كيفاش هاذو مش قادرين يشرو قصعة و يضيفو في الناس ؟ كون جا عرس و لا لماعين ما كفاوش و لا حكاية كيما هاكا معليش , مي هاكا اي ولا سماطة !

ديجا هي كي كسرتلها القصعة نورمالمو ترجعلها وحدة مريقلة هاذي حاجة بادهية بلا ما نلحقو لتاع أغرميهالي و قاع //

و الله صح عباد Bad

wiw .

 

[iméne09]

يا ختي ماعندهاش الحق راني كونتر تكسرت خليفتك على ربي واش رايحة تخلدلها ديك 9سعةعلاش تغرمهالك ياك ماكسرتهاش عيناني عقلية بيريمي تاع غرامة بكري يقولوماشي مليحة تخرج في لي يغرمها مانعرف ادا صح
يعطيك الصحة حنونة ع الطرح لهايل ​

 

[نسيم الربيع]

نورمالمو سلفتها تحافظ عليها ويلا منعرف كيفاه صرات وكسرتها تخسرلها وحدها بلا ماتقولها لخرى راهي امانه وديجا انا عقلية التسلاف هذي متعجبنيش وباه مولات القصعه تقولها اخسريهالي هي حقها بصح عقلية ذر كسرتهالها خلاص تفوت الحكايه ومتزيدش تسلفلها

 

[فراشة المنتدى]

باينة اختي الامورة بلي صراتلكم هادي وكاش جارة كسرتلكم gسعة

نقولك معليش

انا من راي هدي هدرت الصغار نتاع اخسريهالي
ولو كان صراتنا مع كاش جارة نقوللها معليش ونسمحلها مي
مرة اخرة منمدلهاش

سلامــــــــ
​

 

[امورة المنتدى]

باينة اختي الامورة بلي صراتلكم هادي وكاش جارة كسرتلكم gسعة

نقولك معليش

انا من راي هدي هدرت الصغار نتاع اخسريهالي
ولو كان صراتنا مع كاش جارة نقوللها معليش ونسمحلها مي
مرة اخرة منمدلهاش

سلامــــــــ
​

ههه علاه عابالك انا طفلة باه نقول هادي هههههههههه نورتي

نورمالمو سلفتها تحافظ عليها ويلا منعرف كيفاه صرات وكسرتها تخسرلها وحدها بلا ماتقولها لخرى راهي امانه وديجا انا عقلية التسلاف هذي متعجبنيش وباه مولات القصعه تقولها اخسريهالي هي حقها بصح عقلية ذر كسرتهالها خلاص تفوت الحكايه ومتزيدش تسلفلها

صح عندك حق لازم تخسرها بلا ماتقوللها ولازم لخرا تسكت ماتقولش اغرميلي واخسريلي
نورتي

يا ختي ماعندهاش الحق راني كونتر تكسرت خليفتك على ربي واش رايحة تخلدلها ديك 9سعةعلاش تغرمهالك ياك ماكسرتهاش عيناني عقلية بيريمي تاع غرامة بكري يقولوماشي مليحة تخرج في لي يغرمها مانعرف ادا صح
يعطيك الصحة حنونة ع الطرح لهايل ​

صح والله عندك الحق حنونة ايمان نورتي

السلام عليكم , واش رايح نقولك يا أمورة هي الحكاية من اللول مبنية على الهف

كيفاش هاذو مش قادرين يشرو قصعة و يضيفو في الناس ؟ كون جا عرس و لا لماعين ما كفاوش و لا حكاية كيما هاكا معليش , مي هاكا اي ولا سماطة !

ديجا هي كي كسرتلها القصعة نورمالمو ترجعلها وحدة مريقلة هاذي حاجة بادهية بلا ما نلحقو لتاع أغرميهالي و قاع //

و الله صح عباد Bad

wiw .

والله غير عندك الحق عباد باد /نوررررررررت ميضوعي :heh: صحيت

انا ضد هاذي العقلية وتجيني تاع صغار يلعبو واحد كسر للوخر لعبتو قالو اخسرها !!!! بصح جامي شفت كبار يديروها هادي !!!!!!!!!!!!!!!!!!

ههه فالدزاير كل حاجة تشوفيها هههه نورتي

كان لازم تكبر عقلها و الخسارة مايش مليحة

نورتي ميضوعي :yahoo:

الواحد لزم يكبر عقلو اختي امورة

ههههه ادا كان كاين عقل اساسا :yahoo:

مشي ملاح انسان ايخسر واحد
بلاكش كان غير متعمد
لازم الانسان يتعلم بان هدي الدنية كما تودين تودان تقدر تصرالك انت تاني وتكون ضيقتلك ووو
انا ماشي بكلمة ربي يخلف صح تغدني هديك الحاج مي يا راحت راحت ربي يخلف
شكرا على الموضوع اختي​

صحيت خويا بوب نووورت ميضوعي :yahoo:

ايه واش تحبي هذي عقلية الدزيريين و كاين اللي ميحبوش الغرامة مي هذوما قلال بزاف

صح كاين اللي ميحبوش الغرامة والعقلية دي بصح كاين اللي عقليتهم فاسدة نورتي حنونة

 

[nina bonoise]

حتى هي علاه رايحة تكسر فيها
راني دوك نرجع للموضوع هذا