الgزانه قالتلنا بللي رايحين نربحو

[HWK4ALGERIA]

السلام وعليكم
جاني واحد وقت الماتش وقاللي قالتلنا ال gزانة بللي الدزاير رايحا تربح لنgليز 1-0 :busted_red:
حرت انا مازال كاين ناس يخممو يروحو لبلايس كيما هاذو.
كلنا نحب الفريق الوطني ونتمناولو الفوز، مي متلحقش بينا لدرجة الزعزعة ف ديننا وف الثقافة تاعنا.
كذب المنجمون ولو صدقو.
إن شاء الله ربي يوفق المنتخب الجزائري، على الأقل ينقصولنا شوية لمهابل.
شكرا.:santa_1:

 

[°ضياء القمر°]

هههههههه
ايه مترو علينا القزانات هاد الوقت و كل قزانة واش تقول

و ماتنساش السحارين سورتو هاداك السحار اللي قال بلي الدزاير و اسبانيا يلحقو لافينال و فينالمون كي الدزاير و اسبانيا خسرو الماتش اللول ههههههه

و ايه زادونا المنامات غير اللي يجي يخرط علينا و يقول نمت الدزاير ربحت باهداف كتيرة و كي نجو للثح نلقاو بلي الدزاير عندها عقم في الهجوم هههه

 

[هــــيلدا]

كذب المنجمون ولو صدقو،،


الحمد لله ولعقوبة نربحو الماريكان ونتاهلو//
​

 

[إحســاس بــراءة]

الحمد لله رب العالمين
الحمد والشكر لك يارب

 

[im£ne]

مزال الناس تامن بالتخاريف
ياخي حالة

ان شاء الله التاهل

 

[الميزان]

ماتنفعش لا gزانة لاغيرها
ربي هو الي راه يسير فالامور
ونيل ورانا فرحانين بيها
مبروك علينا
والله يوفق الفريق نتاعنا ضد لماريكان

 

[nina bonoise]

رانا 0 - 0

كذب المنجمون و لو صدقوا

 

[عفاف الجزائرية]

خليه تنفعو القزانة نتاعو
كذب المنجمون ولو صدقو
المهم حنا تعادلنا ومزال الخير للقدام
​

 

[شهد.]

هههههههههه
الحمد لله الحمد لله
وبربي ان شاء الله نربحو لامريك
​

 

[♥SaMoù Là MoDèsTe♥]

أنا شفت بعينيا صحافيين جزائريين راحو لوحد الgزانة معروفة في جنوب إفريقيا قالتلهم لانgليز تربحكم 3-1
وانتوما تربحو الماريكان 4-0 ههههههههههههه
الصحافيين شبعو ضحك عليها وممبعد قال هاذاك الصحافي كذب المنجمون ولو صدقوا وقال ايلا هي gزانة تاع الصح تفهمنا واش قلنا

كي كانو خارجين قالتلهم جيبولي سعدان إيلا راكم باغيين النتيجة تــتــســgم هههههههههه

وعلا حساب ما شفت وسمعت هاذيك الgزانة معروفة في جنوب إفريقيا بزاف

وعلى فكرة هاذي شفتها في اليتيمة وفي وحد الحصة نسيت كيفاه سموها




حنا ماناش تاع سحور تاع لعب والقدام​

 

[اسمه_ان]

كذب المنجمون و لو صدقوا​

 

[سمو الأميرهـ]

كذب المنجمون ولو صدقو
كل شي مقدّر من عند ربي وهوما يخرطو ويعاودو والشي الي يغيضك كي تجي من واحد مثقف ههههههههه
الله يلطف بينا برك
الحمد لله عالتعادل ولعقوبة نربحو مع الماريكان بلا قزانات ههه
موضوع مميز
تحياتي

 

[HWK4ALGERIA]

هههههههه
ايه مترو علينا القزانات هاد الوقت و كل قزانة واش تقول

و ماتنساش السحارين سورتو هاداك السحار اللي قال بلي الدزاير و اسبانيا يلحقو لافينال و فينالمون كي الدزاير و اسبانيا خسرو الماتش اللول ههههههه

و ايه زادونا المنامات غير اللي يجي يخرط علينا و يقول نمت الدزاير ربحت باهداف كتيرة و كي نجو للثح نلقاو بلي الدزاير عندها عقم في الهجوم هههه

تعددت الاسباب والتعادل واحد.
شكرا.

 

[HWK4ALGERIA]

كذب المنجمون ولو صدقو،،​

الحمد لله ولعقوبة نربحو الماريكان ونتاهلو//​

ان شاء الله التأهل.

 

[HWK4ALGERIA]

الحمد لله رب العالمين
الحمد والشكر لك يارب

الحمد لله..

 

[HWK4ALGERIA]

مزال الناس تامن بالتخاريف
ياخي حالة

ان شاء الله التاهل

والله الناس ف الوقت هاذا ولاو يتمناو يشوفو بصيص امل باه يفرحو، ولوكان يكون من عند قزانة.
شكرا.

 

[HWK4ALGERIA]

ماتنفعش لا gزانة لاغيرها
ربي هو الي راه يسير فالامور
ونيل ورانا فرحانين بيها
مبروك علينا
والله يوفق الفريق نتاعنا ضد لماريكان

تحت ربي سبحانو، يلزم العزم، والهمة والتخطيط السليم.
شكرا.

 

[HWK4ALGERIA]

رانا 0 - 0

كذب المنجمون و لو صدقوا

صح، مي براسك جابوها يا محاينك، مام 0-0 يسمى ماناش خاسرين، ومادامنا ماناش خاسرين يسمى رانا ربحنا، ومادامنا ربحنا، يسمى على الاقل 1-0، يسمى القزانة هاذيك براسك جابتها، فعلا ولو صدقو.
شكرا.

 

[HWK4ALGERIA]

خليه تنفعو القزانة نتاعو

كذب المنجمون ولو صدقو
المهم حنا تعادلنا ومزال الخير للقدام​

هو القزان يلطيشها ف الزهر ف حدودقناعة المقزن علية، ووين جات اتجي.
شكرا. ومازال الخير لقدام.

 

[HWK4ALGERIA]

هههههههههه

الحمد لله الحمد لله
وبربي ان شاء الله نربحو لامريك ​

الحمد لله، وان شاء الله النصر لنا.