الgزانه قالتلنا بللي رايحين نربحو

[القطة الزهرية]

هدي الشروق لي نشرتها قالت جيجلية خليك رانا 0/0 بصح بشرف واشيوا غايضتني علاه نلعبو نلعبو ومكاااااااااااااانش زهر مانسجلوش وليت نسخف نشوف سجلنا بيت اوووووووووووووووف

 

[HWK4ALGERIA]

أنا شفت بعينيا صحافيين جزائريين راحو لوحد الgزانة معروفة في جنوب إفريقيا قالتلهم لانgليز تربحكم 3-1

وانتوما تربحو الماريكان 4-0 ههههههههههههه
الصحافيين شبعو ضحك عليها وممبعد قال هاذاك الصحافي كذب المنجمون ولو صدقوا وقال ايلا هي gزانة تاع الصح تفهمنا واش قلنا​

كي كانو خارجين قالتلهم جيبولي سعدان إيلا راكم باغيين النتيجة تــتــســgم هههههههههه​

وعلا حساب ما شفت وسمعت هاذيك الgزانة معروفة في جنوب إفريقيا بزاف ​

وعلى فكرة هاذي شفتها في اليتيمة وفي وحد الحصة نسيت كيفاه سموها​

حنا ماناش تاع سحور تاع لعب والقدام​

واش معناتها ولو صدقو، لأنهم يصدقو خطرات، وتمنيت انها القزانة هاذيك صدقت، أوموان نبندرو الماريكان 4-0 هههههههههه.
شكرا ليك ولليتيمة. اللي راهي ولات بقيمتها ذرك كي راهي ناقلتلنا المونديال.

 

[HWK4ALGERIA]

كذب المنجمون و لو صدقوا​

قوليها وزيدي عاوديها،،،، والدليل هانا جبناها بالتعادل. مي الحمد لله.

 

[HWK4ALGERIA]

كذب المنجمون ولو صدقو
كل شي مقدّر من عند ربي وهوما يخرطو ويعاودو والشي الي يغيضك كي تجي من واحد مثقف ههههههههه
الله يلطف بينا برك
الحمد لله عالتعادل ولعقوبة نربحو مع الماريكان بلا قزانات ههه
موضوع مميز
تحياتي

ان شاء الله وتكمل الفرحة.

 

[HWK4ALGERIA]

هدي الشروق لي نشرتها قالت جيجلية خليك رانا 0/0 بصح بشرف واشيوا غايضتني علاه نلعبو نلعبو ومكاااااااااااااانش زهر مانسجلوش وليت نسخف نشوف سجلنا بيت اوووووووووووووووف

الماتش الاول خسرنا، وفي هاذا اتعادلنا، والماتش الجاي نربحو 1-0 ان شاء الله، متتالية حسابية حدها الاول -1، وأساسها 1،،،، 2،،،،3 فيفا لالجيري...

 

[nassim007]

إن شاء الله يا ربي يوفق المنتخب الجزائري

 

[HWK4ALGERIA]

إن شاء الله يا ربي يوفق المنتخب الجزائري

ان شاء الله.

 

[berbere d'aures]

ايه انا تاني قالولي قبل الماتش بشوية وحدة قزانة قالت اول ماتش نخسروه ( سلوفينيا ) و الزوج الاخيرين نربحوهم ( لعبتلهم على المورال باش يفرحو )
بالصح كذب المنجمون و لو صدقوا
و اكر دليل هو ماتش اليوم

ميرسي خويا
موضوع هادف جدا
بارك الله فيك
​

 

[HWK4ALGERIA]

ايه انا تاني قالولي قبل الماتش بشوية وحدة قزانة قالت اول ماتش نخسروه ( سلوفينيا ) و الزوج الاخيرين نربحوهم ( لعبتلهم على المورال باش يفرحو )

بالصح كذب المنجمون و لو صدقوا
و اكر دليل هو ماتش اليوم​

ميرسي خويا
موضوع هادف جدا
بارك الله فيك​

يلعبو على الناس اللي عندهم شخصيات ضعيفة.
شكرا، وبالتوفيق للمنتخب الوطني.

 

[الجندية]

| السلام ع ـليكم |
يـآك كذب المنجمون ولو صدقوأ
و آآآش بقى ؟ حسبت الناس اللي تخمم هكدا انقرضت لكن مزال كاين اللي يأمن بالـgـزانه
ياخي هبال ياخي ! شكرا على الموضوع
تقبل مروري ~ | فاتي الاليساوية | ~
​

 

[sandybelle]

ربي يجيب الخير ....وخير الgزانة غير تشدوعندها :glare:
انشاء الله نربحو USA بقدرة ربي ولي جوار تاعنا

 

[joubrane]

هههههههههه
ان شاء الله التاهل
​

 

[amouna.dz]

لا حول ولا قوة الا بالله
معقول الناس هبلو لهاذ الدرجة
في رايي ربي خير من الدنيا وما فيها من بالو وهبال و.......
ربي يهدينا خويا بارك الله فيك على الموضوع الهام
​

 

[HWK4ALGERIA]

ربي يجيب الخير ....وخير الgزانة غير تشدوعندها :glare:
انشاء الله نربحو usa بقدرة ربي ولي جوار تاعنا

قولي بقدرة ربي ثم العزيمة تاع لي جووير تاوعنا + المشجعين تاوعنا.
شكرا.

 

[HWK4ALGERIA]

هههههههههه

ان شاء الله التاهل​

إن شاء الله.

 

[HWK4ALGERIA]

لا حول ولا قوة الا بالله

معقول الناس هبلو لهاذ الدرجة
في رايي ربي خير من الدنيا وما فيها من بالو وهبال و.......
ربي يهدينا خويا بارك الله فيك على الموضوع الهام​

ربي يهدي ماخلق.
شكرا.

 

[mina009]

اييييييه كاين ناس ميخافوش ربي و يامنو بصوالح اللي يهلكوهم دنيا و اخرة و هذا يعود لنقص ايمانهم بربي و القدرة تاعو ... الله يهديهم و ان شاء الله ربي يوفق الفريق الوطني و يفرحونا

 

[HWK4ALGERIA]

اييييييه كاين ناس ميخافوش ربي و يامنو بصوالح اللي يهلكوهم دنيا و اخرة و هذا يعود لنقص ايمانهم بربي و القدرة تاعو ... الله يهديهم و ان شاء الله ربي يوفق الفريق الوطني و يفرحونا

كاين ناس معلابالهمش أصلا بللي هاذا شرك بالله سبحانو،،، ربي يهيهم،،،، وربي يوفق منتخبنا العزيز إن شاء الله.

 

[** غزال الصحراء **]

اه تبانلي هاذي القزانة فاهمة شويا , على الأقل جابت نص لحكاية و هي 0 للإنجليز

سقسوها على تاع لاميريك و كي تعطيك النتيجة نقص 1 لليكيب تاعنا ضرك تطلع صحيحة

ايا مرسي عليك علي , و الحمد الله راه عماد دعمني بموت دو باس ويفي تاعو راني مكوناكتي بيه

Wiw .

 

[السلطانة]

وعليكم السلام
وي هادي قريتها في الشروق
وقالتلك نربحو الماريكان 3_0
خزعبلات تعيف
ربي يوفقنا انشالله