كيفاه جاز الباك

[زنوبة dz]

السلام عليكم ورحمة الله تعالى وبركاته
وشراكم خاوتي صافا؟
كيفاه جاز عليكم الباك ان شاء الله كل الامور تمام
خاوتي انا حابتكم اليوم كل واحد يحكيلي على تجربة الباك بالنسبة ليه
واش هوما المواد لي لقيتوهم صعاب واش هوما لي ساهلين
كيفاه كانت اجواء الامتحانات خفتوا شويا ولا جازت نورمال
كيفاه كان اول يوم واخر يوم
واش دارت فيكم السخانة هادوك اليمات
نقلتوا شويا نعتوا لصحابكم؟
هههههههههههههه
بالتوفيق للجمييييييييييييييييييييييييييييييييييييييييييييع
ان شاء الله ننجحوا كاااااااااااااااااااااااااامل
سلام
اختكم زنوبة
​

 

[meryouma1992]

واش نقولك أختي
البــــــــــــــاك فوته في 5 ايام حسيت روحي فوت 5 شهور
أنــــــــــــــــــا ما تقلقتش بزاف بصح السخانة واش دارت فيا سيرتو حـــــــنا في الصحرا
والنــــــاس gـــــــــاع راهي تقول ساهلة

 

[همسة الجزائر]

اهلا اختي

الباك كان بالنسبة ليا كابوس كبير ماكنتش نتخيل انو راح ينتهي وكنت خايفة بزاف سورتو اليوم الاخير من المراجعة كنت على اعصابي ومارقدتش ليلة كاملة وانا نشوف فالساعة نخاف يروح عليا الحال هههههههه

وكانت التجربة مليحة اول يوم خفت شوية وكنت نحس قلبي قريب يخرج هههههههههه

وكي دخلنا للكلاسة ويطولو باش يوزعولنا الاوراق احساس وحدو

والخلعة الكبيرة فالمواضيع نخاف نتكلح فالموضوع اللي نخيرو وكنت نستغل النصف ساعة كاملة باش مانندمش من بعد

المهم المواد اللي جاتني ساهلة مادة العلوم وهي المادة الاساسية تاعي ومادة الفيزيا والعربية والاجتماعيات والفرنسية

المادة اللي تخلطت فيها رياضيات رغم انو اسهل موضوع خيرتو مي غلطت في حاجة ودرتلي التمرين كامل

المادة الصعيبة بالنسبة ليا انجليزية

المادة اللي ماعلاباليش اسكو خدمت والا لا هي الفلسفة ههههههه مي كما راي الاستاد نجيب المعدل


وبالنسبة لاجواء الامتحان ماساعدتنيش كامل كانت السخانة مش طبيعية في قسنطينة


مي بربي قدرنا نجوزو الباك تاعنا

واول يوم كان كما اخر يوم انا في طبعي طماعة هههههه نقول فاليوم الاول نخدم في هادو ومانخممش في غدوا

وكي نخلص نقول لالا لازم نخدم غدوا ومانخممش في الجاي

وكي وصل اليوم الاخر كنت نقول ولاكان ماخدمتش في هادو يروح الباك


المهم الطاقة اللي كانت عندي كاملة وظفتها في خمس ايام


وبخصوص التنقال والله وحد الاساتذة لا رحمة ولا شفقة تشوف مع الورقة تاعك يشك فيك هههههههههه


ان شاء الله ربي يوفقنا كامل


واسمحيلي طولت عليك


سلام​

 

[عاشق اللمة الجزائرية]

ربي ينجحكم ان شاء الله