الزواج ما بين الولايات...أعطونا رايكم

[شمعة]

السلام عليكم ورحمة الله تعالى وبركاته
حابة نسمع رأي كل واحد فيكم حول الزواج مابين الولايات
يعني زوج من ولايتين مختلفتين
ممكن تعرفوا على بعض بالصدفة حبوا بعض او او او...كلشي بالمكتوب:closedeyes:
المهم في رايكم هذا الزواج رايح يكون ساهل؟؟؟
كيفاش رايح يقنع كل طرف اهلو بالطرف الثاني؟؟؟
سؤالي للرجل كيفاش رايح تقنع اهل الطفلة بيك:surrender:
واذا رفضوا بحجة انك بعيد ومايعرفوا عليك والو ومايقدروش يسقسوا عليك:santa_1: كيفاش رايح تتصرف:busted_red: واذا كنت تحب هاذي الطفلة واش قادر دير على جالها باش ماتخسرهاش؟؟؟
نفس السؤال بالنسية للفتاة:tears:

ومن جهة ثانية بالنسية للفتاة تقدري تروحي تعيشي بعيد على أهلك وكيفاش رايحة تتعايشي مع الوضع الجديد واختلاف العادات والطباع واللهجات ؟؟؟؟:heh:
ملاحظة: راني نهدر على زوج يعفوا بعضهم و يحبوا بعضهم:luve_1:
في انتظار ارائكم

ان شاء الله مانكونش ثقلت عليكم

 

[هــــيلدا]

ومنين عرفو بعضاهم هاذو??

مهيش جاية في البعد،، جاية في طبيعة علاقة التعارف،،

هو بعيد عليها واش عرفها فيه،،ووين علابالو بللي هديك هي عقليتها مهيش تلعب فيها،،

وشكون للي قالها هي بللي راهي انسان ملتزم ومحترف كيما تعرف عليه,?
​

 

[بنـ MaPa ـت]

الحل الوحيد نطيب او نسيق او نخمل قدامهم ولا واش قصدك اختي؟؟؟؟؟​

 

[AnGeL*dZ]

عآآآآآآآآآآآآآآآآآآآآدي خلآص
ياخي رانا من نفس لبلاد العادات ماتختلفش بزاف
واذا كان الطفل والطفلة يعرفو بعضاهم رايحين يقنعو اهلهم
صحيتي

​

 

[Sârsoùra L'mkàlChà]

والله ما علابالي
كي نتحط في موقف كيما هادا راني نقلك

مرسيي حنووونة
​

 

[السلطانة]

وعليكم السلام
عادي
كاين لي تزوجو من الشرق راحو للغرب
نعيش بعيدة عن اهلي
ونوالف
وفي الاخير نقولو كلشي بالمكتوب
شكرا على الموضوع تحياتي

 

[الخيزران]

تبا للمسافات ’كثير من الناس تعاني البعد
نتبع هذا الموضوع حتى نسمع كاش حل ولا راي صحيح
شكرا

 

[the crazy asma]

نووووووووووووووورمال خلاص
كلشي بالمكتوب​

 

[عفاف الجزائرية]

كل شي بالمكتوب
اللي كاتبها ربي ما يخاف منها الواحد المهم الواحد يستخير ويقدم روحو للعالي هو اللي يتوالى امورو
واللي دايرها الله مرحبا بيها
​

 

[شمعة]

ومنين عرفو بعضاهم هاذو??

مهيش جاية في البعد،، جاية في طبيعة علاقة التعارف،،

هو بعيد عليها واش عرفها فيه،،ووين علابالو بللي هديك هي عقليتها مهيش تلعب فيها،،

وشكون للي قالها هي بللي راهي انسان ملتزم ومحترف كيما تعرف عليه,?
​

يا اختي تتعدد الطرق والمكتوب وااااااااحد
ممكن كان يجي لولايتها مثلا عندو مشاغل ثما وتعرفوا على بعض ممكن قرا معاها ممكن وممكن وممكن
يا اختي كاين بزاف احتمالات

الحل الوحيد نطيب او نسيق او نخمل قدامهم ولا واش قصدك اختي؟؟؟؟؟​

والله ما فهمتك واش قصدك واش راكي تهدري
راني حاسة بلي راكي في واد وحنا في واد

عآآآآآآآآآآآآآآآآآآآآدي خلآص
ياخي رانا من نفس لبلاد العادات ماتختلفش بزاف
واذا كان الطفل والطفلة يعرفو بعضاهم رايحين يقنعو اهلهم
صحيتي

​

عاااااااادي بالنسية ليهم هوما الزوج
بصح الاهل ...؟؟؟؟

والله ما علابالي
كي نتحط في موقف كيما هادا راني نقلك

مرسيي حنووونة
​

ان شاء الله ماتنحطيش في موقف كيما هاذا على خاطر راهو صعيب تاع الصح
واذا صرا معاك خبرينا

 

[فؤاد الورقلي]

سلام
موضوع هائل
انا نقول حاجة مليحة
ووسيلة للتعارف وكسب نسب جديد
شحاللل من ناس تزوجوا وراهم عايشين ومتهنين
وهذا هو المكتوب
المهم نعيش هاني وفي سعادة

شكرا
وفقك الله
​

 

[شمعة]

وعليكم السلام
عادي
كاين لي تزوجو من الشرق راحو للغرب
نعيش بعيدة عن اهلي
ونوالف
وفي الاخير نقولو كلشي بالمكتوب
شكرا على الموضوع تحياتي

يعطيك الصحة وصح كلشي بالمكتوب

تبا للمسافات ’كثير من الناس تعاني البعد
نتبع هذا الموضوع حتى نسمع كاش حل ولا راي صحيح
شكرا

ايه شفتي اختي
نستناو باقي الاراء
بصح نتي ماقلتيلناش رأيك

نووووووووووووووورمال خلاص
كلشي بالمكتوب​

شكرا لك اختي على ابداء رأيك

كل شي بالمكتوب
اللي كاتبها ربي ما يخاف منها الواحد المهم الواحد يستخير ويقدم روحو للعالي هو اللي يتوالى امورو
واللي دايرها الله مرحبا بيها
​

يعطيك الصحة اختي كلامك جواهر

 

[Mr mino]

اللي يبغي وحدا من قلبه عمروا مايجي البعد في طريقو

هو من الجي وهيا من تمنراست يبغوا بعضاهم صح

يجيبها

الحب اعور يا وسمكي هذي ديريها في بالك

يعطيك الصحة

ايا على خير اي

تربحي

​

 

[ĜąМę ǒVĕŗ]

صحيح زعما في الاختلاف و العقليات ماشي كيف كيف كاين دي بروبلام

معلاباليش انا راني حايرة ​

 

[AnGeL*dZ]

عاااااااادي بالنسية ليهم هوما الزوج
بصح الاهل ...؟؟؟؟

حتى الاهل عادي ،،عندي بنت عمتي تزوجت براجل من وهران واحنا من الشرق
في اول الامر هي ماوالفتش ومبعد ولات عآدي
يمكن بكري كانت صعيبة الطفلة تزوج للبعد بصح درك مع التطور هذا مكانش البعد خلاص

​

 

[beautiful -soul]

راني نهدر على زوج يعفوا بعضهم و يحبوا بعضهم
في انتظار ارائكم

راكي قلتيها حبيبتي ...يعرفو بعضاهم وزيد بحبو بعضاهم
..هادي بلا ماتحكي ..ايه قابلة ولوكان يسكن في المريخ
...!
تحياتي ليك
...سلام!​

 

[فراشة الايمان]

و الله ما نعرف اللي كتبو ربي فيه الخير

 

[شمعة]

سلام
موضوع هائل
انا نقول حاجة مليحة
ووسيلة للتعارف وكسب نسب جديد
شحاللل من ناس تزوجوا وراهم عايشين ومتهنين
وهذا هو المكتوب
المهم نعيش هاني وفي سعادة

شكرا
وفقك الله
​

عندك الحق خويا
يعطيك الصحة

اللي يبغي وحدا من قلبه عمروا مايجي البعد في طريقو

هو من الجي وهيا من تمنراست يبغوا بعضاهم صح

يجيبها

الحب اعور يا وسمكي هذي ديريها في بالك

يعطيك الصحة

ايا على خير اي

تربحي

​

ياخويا ماشي غير اعور راهو اعمى خلاص هههههههه
يعطيك الصحة خويا

صحيح زعما في الاختلاف و العقليات ماشي كيف كيف كاين دي بروبلام

معلاباليش انا راني حايرة ​

صح ممكن كاين لي يقدر يتأقلم وكاين لي لالا
صحيتي

حتى الاهل عادي ،،عندي بنت عمتي تزوجت براجل من وهران واحنا من الشرق
في اول الامر هي ماوالفتش ومبعد ولات عآدي
يمكن بكري كانت صعيبة الطفلة تزوج للبعد بصح درك مع التطور هذا مكانش البعد خلاص

​

مليح راه عندنا حكايات من الواقع
ربي يهنيهم
شكرا ليك

راكي قلتيها حبيبتي ...يعرفو بعضاهم وزيد بحبو بعضاهم
..هادي بلا ماتحكي ..ايه قابلة ولوكان يسكن في المريخ
...!
تحياتي ليك
...سلام!​

هذا هوا الحب
شكرا ليك اختي

 

[BOUSS]

مكاش مشكل ان شاء الله يوفو بالعهد الي تعاهدو بيه قبل الزواج او ربي
يطيح المحبة ما بين القلوب اما بعد المسافة ما تهمش

 

[SOUMA.]

كلش بالمكتوب
وزيد رانا من بلاد واحدة
كاينتين اللي يتزوجو خارج البلاد خلاص
انا يبانلي الامر عادي جدا جدا