واش تحب دراجي ولا معلق تاع الدزاير شاركوني

[NICHA03]

و الله انا تفرجت تاع اليتيمةياو قريب مت نذيربلحاج قلبو رضا و هاب رايس مبولحي و لا وهاب رايس حميدوو الله قتلنا بالقلب مزيا كمل الماتش و تهنيا منو و مكانش كيما حفيظ دراجي

 

[azoula]

حفيظ دراجي رائع يعني هو شويا يطلع لينير بصح خير من معلق اليتيمة اللي طول الماتش هو ساكت

 

[إحســاس بــراءة]

حفيظ دراجي هو الافضل اكيد

 

[ايمان 02]

اكيد ماكانش كيما حفيظ دراجي يعيشك الحدث

 

[tastoussa]

من بكري حفبظ دراجي و لوكان كنت طفل راني نظال معششة في القهوة على جالتو

 

[meriem7]

حفيييييييظ دراااااااااااااااااااااجي
شريت الجزيرة على جالو

 

[liliha]

شكرا على هدا التفاعل الجميل

 

[missa_1]

اه على حفيض دراجي شكون ح يلحقو يا هايل بزاااااااااااااااااف

 

[رناد]

معلق اليتيمة تقول عليه يهدر و في فمو البيض اما دراجي معاه الماتش و لا احلى
​

 

[احساس طفلة]

حفيظ دراجي مكانش كيفو ..حتى واحد مايلحقوا مالgري ايت عثمان ومحليين وحدوخرين ملاح بصح مايلحقوهش
​

 

[احساس طفلة]

راني نقول وشنو اليتيمة ؟؟؟؟؟؟ هي الدزاير الارضية واقيل؟؟ حنا نعيطولها محتمة هههههههه
​

 

[MR-REDOUANE]

حفيظ دراجي راه مهولها في التعليق في الماتش تاع لالمان و لانـgلـيز تفول يعلق على ماتش فينال اما كريم ايت عثمان تاع ليتيمة مانعرف واش راه داير

 

[ملكة زماني]

الدراجي تم الدراجي تم الدراجي

 

[نريمان الجزائر]

وي حاجة باينة ميحلى التفراج على الماتش غير بتعليق حفيظ دراجي اوووو لالا اوووو لالالا

 

[7ora for ever]

لالا غير حفيظ دراجي عندو تفاعل سبيسيال يخليك تتمتع و انت تتفرج
تاع الجزائر شوكاوني نهار خسرنا مع مالاوي و طريقة التعلاق صدمتني قريب دخلت لاتيلي نقتلهم
انا مشوكية تلات اهداف و هو يقولو الرابع راهو جاي
ياخاه
مادريت هدا جزائري و لا بدل الجنسية مالاوية داك الوقت

 

[Rania95]

مكانش كيف حفيظ دراجي ....كي تكون تتفرج يعيشك في الموقف يعطيه الصحة
شكرا لك تقبل مروري.​

 

[Midia]

حاجة باينة الدراجي هو الهايل فيهم
والله كي تفرجت الماتش في الجزيرة انتاع انجلترا كان رااااااااائع
مي طاحت بيا انهار الماريكان واتفرجتوا في اليتيمة
ليماج فلو+المعلق سامط وينعس+خسرنا هذاك النهااار
دراجي الافضل والاحلى والامثل​

 

[hind 09]

أكيييييييييييد دراجي

خلينا من كريم مسكين كرهناه هادو اليامات تحسبوه شاعر ماشي معلق....يهدر بالعاطفة ويزيد اليبالغ

يا سلام على دراجي وراهم ياماتو الله غالب محتم علينا كريم (( مسكين))

 

[عاشقة أسير الحب]

انا نحب كريم ايت عثماااااان بزااااااااف
مع اني معجبة بشخصية حفيظ دراجي ايضا

 

[jolie عاشقة كوريا]

انا نحب التعليق تاع حفيظ دراجي خير من هداك كريم الماتش لي علق عليه نخسروا يضربهم بعين
والله عندك الحق حفيظ لاميور