• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

خطأ بسيط .... مصيبته كبيرة

ص

صفحة بيضاء

:: عضو مُتميز ::
السلام عليكم
واش راكم
حبيت نحكي ليوم عن خطأ بسيط جدا نصيحة لكم هدا بسيط ولكن مصبته كبيرة
نهار لي تخرجوا ورقة من بلدية او شهادة مدرسية ايا ورقة كانت
تأكدو انا الاسم صح واللقب صح وتاريخ الميلاد صح
مفهمتش علاش يغلطوا منعرت يلعبوها منعرت ميشوفوش مليح
منعرت لاطسيون مين تطلع ميصبحوش يشوفوا
او ميعرفوش يقراو يدخلوا يخدموا بلرشوة وبلغش
ممكن هدا خطأ بسيط جدا وتصحيحه سهل
بصح في بلاد الرشوة راه كلش صعيب هات نصححلك بصح جيب الرشوة
وباه ترجع تخدم اوراقك تكون الغلطة ادت لمصيبة يقلك هدا تاع شهر ليفات جيبلي ورقة جديدة تاع درك
الله يهدي الجميع يارب
بصح حبيت نعرف نتوما تاني راه يصرا هدا الغلط عندكم او نحنا فقط
مثلا محمد يكتبلك محمود مولود في 1986 يكتبلك مولود 1968
راكم فهمتوا .... ايا بسلامة​
 
تمت مراقبة الموضوع و الموافقة عليه ,, لي عودة في الموضوع
شكرا .
 
أنا حتى الإستدعاء تاع الباك جاني غالط , الثانوية تاعنا إسمها ( المصالحة ) جاني إسمها ( المصالح ) مي قلتلهم هاذاك هو إسم على مسمى //

و ثاني لاكارط ناسيونال كانو غالطينلي فيها و ريقلتها , و صح كل ما نخرج ورقة نلقى غلطة إما في تاريخ الميلاد و لا الإسم و لا الولاية و لا كاش عفسة

ربي يلطف و خلاص شي ماهو مريقل في لبلاد .
 
ايـــــه صح
وليت نسمع بهاد العفسة ياااسر

و ربي يلطف كيما قال هشام
​
 
مشكورين على المشاركة
وربي يهديهم على الاخطاء​
 
ـبسم الله الر ـحم ــن الرحيمــ
​

وَ اَللهِ لَوْ قَطَعُوْ يَمِينِيْ لَنْ اَتَخَلَىْ اَبَدًا عَنْ دِينِي
السلام عليكم ورحمة الله وبركاته

...ـوشبت النار في خيمتنا :]

طرح مميز خو

ربي يهدي ما خلق

و كلامك صحيح خو

و ماشها غير عندكم

.. اللهم يا ع ـالي انـ صر منتخ ـبنا الغاليـ ..
الَلهُمَ صَلِيْ عَلَىْ سَيِدِنَا مُحَمِدْ وَ عَلَىْ آلِهِ وَسَلَمْ
.. ـالْفـَ اهِمْ يَفـْ ـهَـ مْ ..
سَامِـ حُونِي عَلَى الِإزْعَ ـاجْ
.. لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ ..
اللـهم أَعِ ـنِ عَلـ َى ذِكْرِكَ وَ شُـ كْرِـكَ
.. إِقْرَا جَيـِ ـ دًا مَا بَيـْ نَ السُـ ـطُورْ ..
لَا تَكُنْ كَمَا كَانَ بَعْضُهُمْ بَلْ كُنْ تَخَافُ إلَا الله
.. ــSilent Hunterــ ..​
 
و الله عندك الحق
انا دايما يغلطولي
و كانهم يتعمدو
واش تحبي نديرو نصبرو و خلاص
شكرا عالموضوع​
 
walah la 3andak el 7a9 koulchi yaghaltou fih
 
توقيع {مُدَلَّلَتُهُ}
صح كاينة منها اختي
احنا بابا غلطولو في اللقب في بلاصة e كتبولو a
يعني حنا و اعمامي ماشي نفس اللقب و جدي ماشي هو والد بابا

حصلنا في الناصيوناليتي دوكا
حنا في الدار مانقدروش نخرجو الناصيوناليتي تاع الهم
الشيخ قالك بزاف يروح حتى للبلاد و يفري المشكل و هو ماعندو حتى مشكل في الوثائق بالمعريفة و يخرجها و انا شحال من مرة في الدوسيي تاع الخدمة يطلبو الجنسية بصح مانقدرش نخرجها نروح نشكي لبابا شوفنا حل و لا طرافيكيها بالمعريفة كما تدير انت ماحبش قالنا دبرو ريسانكم ديروني راني ميت و اجرو على كواغطكم

الكبار يديروها و الصغار يخلصو
 
يولي متل عنا تمامآ

نحن هيك

ومرة مشيت معاملة صار معي أوراق بيكفوا يلفوا الكرة الأرضية دورين

ماعدا هي غلط

والرقم مو مزبوط

والتاريخ قديم.

بس هلأ صرت أتأكد من الاسم والأرقام مع ذلك مو خلصان

بصح مصيبة كبرى من خطأ صغير

اشكرك صفحة بيضاء

بالفعل موضوع مهم
 
لالا انا تهنيت مزال مخرجت لكارت نايسيونال وشهادة ميلاد مش نستعملها ههههههههههههههههه نضحك خيتي واه صح يغلطو بزاف ونقولك يديروها سكارة ماشي يغلطو كيفاه يارب دفتر عائلي قدامو باه يخرجلك شهادة ميلاد يغلط في تاريخ راه يييييييييييي:shay: مش غلط مرسي زينة
 
انا غلطولي اكثر من مرة بصح ما طلبوش عليا رشوة
بلادنا مازال فيها الخير .
 
هههه ماعلابالكش : راهم يديرو فيها بلعاني
باش كي تجي انت و ترجع لهم
و من ثما يحكموا عليك الرشوة .... ناس تع أليمونتاسيو
​
 
توقيع EL General
ايييييييييييييييييييييييه يديرو غلطات كيما هذو تقول مايشفوش
 
ربي يهدي ما خلق
شكرا اخي على الموضوع القيم​
 
نيشان يا خويا عندك الصح مام أنا و غلطولي في لكارت ناسيونال
ها شا نديرو نصبرو كي ما جا الحال و صاي
 
ههههههههههه
وعلاش هذا المثال بذات
إيه عندك الحق في كلش راهم بغاو يهبلونا
وسيرتو بالفرنسية
​
 
والله نفس المشكل راني معاه,كل مانخرج شهادة ميلاد 12 نلقاهم كاتبين بلي الجنس ذكر عوض انثى
كل مرة نفس الخطأ,قلت بالاك يغلطو معليش,آخر مرة قلت لخويا استفسر وعلاش يحطولي ذكر في بلاصة انثى؟
قالو الموظف لي لتم اختك من نهار زادت وهوما حاطينها ذكر,جبدلو سجل لي تسجلت فيه ولقاهم حاطيني ذكر.
والغريب فالامر فالدفتر العائلي حاطيني انثى.
قالو باش تصلحها لازم تروح لوكيل الجمهورية وقصة طوييييلة وعرييييضة.
طولت عليكم هههه.​
 
مشكورين على المشاركة
..... على العموم الله يهدي الجميع يارب​
 
يا خويا هاذوما الميت حياوه والحي موتوه واش تسنا منهم
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom