• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

لولاد تاع ذروك?

  • كاتب الموضوع كاتب الموضوع amouna2
  • تاريخ النشر تاريخ النشر
A

amouna2

:: عضو منتسِب ::
السلام عليكم و رحمة الله و بركاته

واش ركم خاوتي وخياتي .قاع ان شاء الله راكم لاباس ميخصكم والووو

اليوم حبيت نطرح وحد سأل راكم قاع تعرفوه في هذا مجتمع dz

وعلى اولاد ايلا عاندهم الرد نتاعو غير يجاوبونا برك مذا بينا

وعـــــــــــــــلاش وكيفاش يديرو لبنات خبروني برك؟

في ولد يقول انا منديهاش (يعني متزوجتش بنت )

خداما ولا قارية في جاميعة وهذا يعني متخرجش قاع ومذا بيا محبسا سيزيام ولا بياف

وفي واحد يقلك انا نديها خدامة وقارية وعارفة هذي دنا مشي مبلعى

لبنات كيفاش يدرو ذروك. قرات قلتو لالا مقراتش قلتو لالا

المهم هذا موضوعي الاول

وراني حبا غير نتناقشو فيه برك

وفي اخير تقبلو مروري



​
 
وي صح هاد شي راه واقع شكرا حبيبتي هاد السؤال خليه لشاشرة يجاوبو عليه تقبلي مروري
 
كل واحد ورايه
كاين لي يحب قارية كاين لي لالا
هادي قناعة شخصية​
 
ليجان جاوبو الـــــــــــــــي رانا نستناو مفهمنا فيه والو
جاوبو عالكاستيون تاع امونة
​
 
رااني نستنى
بالـــصح ما يهمنيش .... نقراا و كي نكمل نخدم
مبعد نخمم فالزوااج


​
 
كول واحد وكيفاه تربى يدي لي زي ممماه
 
شكرا ختي على الموضوع لمليح
أنا نحب البنت المثقفة القاريا ومانحبش البنت الي تخدم
لاخاطر المرا كي تخدم تضيع دارها وتضيع ولادها وتضيع زوجها وهادي معروفة لانقاش فيها
مانحبش مرتي تكون لاصقة في الرجالة، والخدامة ديما لاصقة فيهم
في خدمتها في البيس في كلش ...
والمراة كذلك لازم راجلها يكون فيه نقص لازم كي تكون خدامة وتخرج البرا بزاف راح تضوف واحد كامل فيه النقص الي في زوجها
وهنا تصرا مشكل نفسي وو مع زوجها وهادي حاجة معروفة ...
نشاء الله وصلت الفكرة شويا​
 
ايه كاين وكاين وكل واحد وواش يحب

مي لوكان تجي لصح يدي وحدة على حسابو يعني يكونو متكافئين خاصة

في الثقافة

يعني تخيلي واحد خارج في السيزيام وما شي مثقف وقالك حاب يدي وحدة

خدامة كاين فرق كبير والعلاقة فاشلة

باينة

كل واحد يخير وحدة لي تولمو ولي رايح يكمل معاها حياتو مش يومين ولا

تلاتة
​
 
كل واحد كيفاه
 
تقرا شويه برك ههه تدي الباك وتقعد انا السؤال خاطيني مي يبالي هوما يحوسو على المثقفه مشي شرط قاريه صحيتي عالموضوع ... سلالام
 
هادي جديده تاع الصح
مايفهمونا ماولو انا وحده مانسناهش حتان يقلي هوا نحبك قاريه ولا جاهله
يخي يخي
​
 
كل واحد ورايه
كاين لي يحب قارية كاين لي لالا
هادي قناعة شخصية​
 
هههههه السلام عليكم والله واش راك تهدر هذا ولا دار البلدية خص غير يزوجو ويطلقو هنا هه
ختيتو لي كتبو ربي يلحق
 
هاذي هايلة علاجالهم ما نقراوش
يا اختيتو فيف القارية
العلم واجب على كل واحد
اما على الرجال
عمرك لا تفهميهم
شكرا عالموضوع​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom