زيد نقص برك تعيش خويا ....ياو والله مفيها

[Lonely Girl]

سلامـــــــــــــ عليم وبونسوار وصباح الخير حبابنا وصحابنا تاع الهرافة:scared: نشالله بخير
بون كاين وحد العفسة عندنا هنا فلالجيري حسب مانشوف وتتميز بها وتتفنن فيها بنات ونسا الDZ


اللي يحبو الحطة والتبياش والستيكاج

بصح واش ههههههه ارواح تشوووووووووف
لمخلوقه هادي وش راها سوفرات مع الفوندور(مول الحانوت) باش تقدر تشري اللبسة هادي اللي داتلها عقلها:no_1:
يا تلقاها كل مرة تفليكسيلو بالعشرين الف باش تقدر تعربن اللبسة تاعها
يا تلقاها تخنق فيه وتقاشر فيه غير باش يخفضلها فالسومة ههههه (انا منهم)

المسكين
تعصرو عصير
هو يحلف وهي تحلف ايا تدي ولا خللي ...:closedeyes:
وكل وحدة والفن تاعها واسلوبها
اسكو بنات اللمة فيكم العفسة ذي ولا ههههه
مالفة تعربني حوايجك ....وكي تشري حوايج هك تحبي المقاشرة :heh:
واليجان قرو برك نتوما تان تحبو تقاشرو ولا تطرطقوهم نورمال معندكم حاجة :wink:


الوغ تصبحو ب خير وبون نوي :yahoo:


​

 

[** غزال الصحراء **]

تمت مراقبة الموضوع , و الموافقة عليه + لي عودة .

 

[BARCA232]

السلام عليكم
أحنا صحاب الغرب نسموها المقاشحة
وانا كي نبغي نشري ندي امي معايا
شكون يغلبكم انتوما النساء في المقاشحة
كلمة جديدة أضيفها الى قاموس العجائب والغرائب تاع اللهجات
​

 

[Lonely Girl]

تمت مراقبة الموضوع , و الموافقة عليه + لي عودة .

ميرسي غزالو ربي يخليك خويا واني نسنى ابلاك متوليش ههه​

 

[** غزال الصحراء **]

ما فهمتش وشيه ( لمقاشرة ) هاذي ! مي معليش , أنا كي يكون جيبي ثقيل و نعرف بلي تكفيني باش نشري واش راني حاب , و نكمل دورتي مريقل , نشري بلا ما نسمط ديراكت السلام شحال هاذي اووب هز ديراكت

مي كي تكون محرقة ااه ثما نولي عادل إمام نورمال , نولي نتعقنلو حتى نجيبها ,, مي دايمن نحشيهالهم يحلف و لا ما يحلفش عادي نديرلو قالب و نصومو ثلاث أيام

خطراش هوما في أغلب الأحيان تلقاهم رابحين فينا أكثر من النص خاصة جماعة الطراباندو .. مالا علاش يا خويا خلي خاوتك تعيش ,, اخر خطرة رحت للحانوت و الله صباط ب 350 ألف خلاهولي 240 ألف .. تعرفهم بلي غير يكذبو في السومة

و أنا جربتهم تسقيه على حاجة يعطيك سومة , تضرب دورة تنسيه و تولي يعطيك سومة واحد أخرى

ايا أنا كثرت السلام و عليكم

~ Wiw ~

 

[Lonely Girl]

السلام عليكم

أحنا صحاب الغرب نسموها المقاشحة
وانا كي نبغي نشري ندي امي معايا
شكون يغلبكم انتوما النساء في المقاشحة
كلمة جديدة أضيفها الى قاموس العجائب والغرائب تاع اللهجات​

ws

تدي ماماك والله غير قافز راك عارفلها ههههه والمقاحشة راني اجوتيتها للديكسيونار ​

 

[MR-REDOUANE]

كاينة بارتو مام عند الرجال ..مول الحانوت مانقاشروش كي نحب ندي حاجة 250 الف نقولو عندي 200 الف تخليني نديها ولا خليها عندك و في لافان نديها من عندو ولا من عند واحد اخر علاه نكثر الهدرة

 

[Lonely Girl]

ما فهمتش وشيه ( لمقاشرة ) هاذي ! مي معليش , أنا كي يكون جيبي ثقيل و نعرف بلي تكفيني باش نشري واش راني حاب , و نكمل دورتي مريقل , نشري بلا ما نسمط ديراكت السلام شحال هاذي اووب هز ديراكت

مي كي تكون محرقة ااه ثما نولي عادل إمام نورمال , نولي نتعقنلو حتى نجيبها ,, مي دايمن نحشيهالهم يحلف و لا ما يحلفش عادي نديرلو قالب و نصومو ثلاث أيام

خطراش هوما في أغلب الأحيان تلقاهم رابحين فينا أكثر من النص خاصة جماعة الطراباندو .. مالا علاش يا خويا خلي خاوتك تعيش ,, اخر خطرة رحت للحانوت و الله صباط ب 350 ألف خلاهولي 240 ألف .. تعرفهم بلي غير يكذبو في السومة

و أنا جربتهم تسقيه على حاجة يعطيك سومة , تضرب دورة تنسيه و تولي يعطيك سومة واحد أخرى

ايا أنا كثرت السلام و عليكم

~ wiw ~

اللي فيه العفسة ذي مام يكون الجيب ثقيل والله تبقى فيه ...يقلك كشما نفضل نشري حوايج زيادة وزيد بالزيادة ...وهداك هو الصح.و
راهم رابحين فينا وبالدوبل تان سيرتو مع السلعة تاع لاشين مالا غير تعلم تقاشر وتقاحش
ميرسي عالمرووووووور وراك ضويت الموضوع​

 

[BARCA232]

ساي اختي مريم اديتي كلمتي وبديتي تعملي بيها
ياك انا مولا حقوق التأليف
بالتوفيق
​

 

[Lonely Girl]

كاينة بارتو مام عند الرجال ..مول الحانوت مانقاشروش كي نحب ندي حاجة 250 الف نقولو عندي 200 الف تخليني نديها ولا خليها عندك و في لافان نديها من عندو ولا من عند واحد اخر علاه نكثر الهدرة

هههههه نعرفلها هادي لمخيرة فيهم :yahoo:يعطيك الصحة خويا نورت السيجي​

 

[Lonely Girl]

ساي اختي مريم اديتي كلمتي وبديتي تعملي بيها
ياك انا مولا حقوق التأليف
بالتوفيق
​

هههههههه مش قتلي زيدها عندك NNمالا متسالني منسالك ايا تربح:yahoo:​

​

 

[ماكانش]

هههه
يعطيك الصحة ختي
انا واحد من الناس مانحبش الراجل يكثر منها بزاااااااااااف حتى يولي كي الطفلة
واحد المرة رحت مع صاحبي حاب يشري لبسة والله يشاحن فيه وكثر حتى قتلو والله تبان طفلة
انا على روحي نقلو اعدني من الألأخر وخلاص مانزيدش نقول
ونقلو ساعدني وماشي تاع لعجايز ساعدنس صح صح
ههههه​

 

[بنـ MaPa ـت]

هههههه فينا وانا على راسهم
لوكان تعجبني كاش لبسة ندير كيما دراري صغار نحكم پلاسة ف الطريق حتآن وين تشرييهالي ماما ونزيد نحكم الباب تاع الحانوت ونلصقلو تم حتان ينقصلي ونديهااااااا :yahoo:
مرسي ليك..​

 

[نبض الحياة]

احم احم
باه نعربن خيتو اللبسة لالا ما نديرهاش
بصح المقاشحة لازم
باه يبقالي الصرف ونشري الحلوى
ههههههههههههه
شكرا على الموضوع

 

[Rahal Oualid]

يـــــآ هلــــآ و الله .. بـموضوعكـ ـأهلــآ و سهلـــآ ..

[ لمقـــآشرة ] ههههـ تبـــآنـ عليــكـ مشحـــآحة مريـــومــة ..

و رآكــــيـ بينـــتيـ لبنـــآتـ شحـــآلـ وعريــنـ و تقولـ علـيكمـ برآشــآتـ ..

مــــآرســـيـ ,,
:heh:
​

 

[Sârsoùra L'mkàlChà]

هههههههه
انا لا خرجت مع ماما انسلهــــا طول دورو ما يبقالها
بالذرااع عليها تشريلي
:yahoo: :yahoo: :yahoo:

والله يا موول الحاانوت
يسووفري معــــــــــايا
ما نروحش من عندو يلزم حتى ينقصلي منها و نديها معايا

ههههههههه

​

 

[iméne09]

راني جيت خليلي بلاسة وحدي نحب لوسع:yahoo:
اسكو بنات اللمة فيكم العفسة ذي ولا ههههه
ههههههههههههههه دي عايزة كلام ولا اييييييييييه هدي حاجة باينة وراني من ناس لكبار لي يديروها معاه معاه غيرا بكيتو باش نديها هو يطلع وانا نقص حتى ندير سومة لي تعجبني كترتها كي تكون لبسة غالية
مالفة تعربني حوايجك ....وكي تشري حوايج هك تحبي المقاشرة
جامي عربنت حوايج عندي دراهم ماعنديش مانشريش مي موالفة نعربن الدهب بارسكو راه غالي:surrender: شحال نموت على مقاشرة اوبليجي ديري لفوندور هكداك بارسكو راهو رابح فيها ومطلعلها سومة بزاف انا نقولو ماشي سومتها والله ماعندي حق بيس واناغير خرطي ديما نحلفو وهو يقولو والله مافيها ياختي كون فيها واللله ماخسارة فيك هدي كلمة حفظناها زعما راح يغيضني:heh: مي ديري مليح في بالك كي نروح للمارشي نهولو بالمقاشرة حفظوني تماك نسمط عليهم بزاف جامي شريت حاجة بلا مانقص فيها لوكان خمس الاف
يعطيك الصحة حنونتي ع الطرح لهايل وفوووور
كي تحبي تشري حاجة اديني معاك وتشوفي عقلية كفاش:yahoo: ​

 

[iméne09]

راني جيت خليلي بلاسة وحدي تعرفي نحب لوسع :yahoo:
اسكو بنات اللمة فيكم العفسة ذي ولا ههههه
ههههههههههههههه دي عايزة كلام ولا اييييييييييه هدي حاجة باينة وراني من ناس لكبار لي يديروها معاه معاه غيرا بكيتو باش نديها هو يطلع وانا نقص حتى ندير سومة لي تعجبني كترتها كي تكون لبسة غالية شابة مراحش نخليها في قلبي :yahoo::yahoo:
مالفة تعربني حوايجك ....وكي تشري حوايج هك تحبي المقاشرة
جامي عربنت حوايج عندي دراهم ماعنديش مانشريش مي موالفة نعربن الدهب بارسكو راه غالي شحال نموت على مقاشرة اوبليجي ديري لفوندور هكداك بارسكو راهو رابح فيها ومطلعلها سومة بزاف انا نقولو ماشي سومتها والله ماعندي حق بيس ونجبدلو قاع همومي :yahoo:واناغير خرطي ديما نحلفو وهو يقولو والله مافيها ياختي كون فيها ماشي خسارة فيك هدي كلمة حفظناها زعما راح يغيضني:surrender: مي دير مليح في بالك كي نروح للمارشي نهولو بالمقاشرة حفظوني تماك نسمط عليهم بزاف جامي شريت حاجة بلا مانقص فيها لوكان خمس الاف
يعطيك الصحة حنونتي ع طرح لهااااايل حاجة من لكبار
:yahoo::yahoo:​

 

[Rahal Oualid]

راني جيت خليلي بلاسة وحدي تعرفي نحب لوسع :yahoo:
اسكو بنات اللمة فيكم العفسة ذي ولا ههههه
ههههههههههههههه دي عايزة كلام ولا اييييييييييه هدي حاجة باينة وراني من ناس لكبار لي يديروها معاه معاه غيرا بكيتو باش نديها هو يطلع وانا نقص حتى ندير سومة لي تعجبني كترتها كي تكون لبسة غالية شابة مراحش نخليها في قلبي :yahoo::yahoo:
مالفة تعربني حوايجك ....وكي تشري حوايج هك تحبي المقاشرة
جامي عربنت حوايج عندي دراهم ماعنديش مانشريش مي موالفة نعربن الدهب بارسكو راه غالي شحال نموت على مقاشرة اوبليجي ديري لفوندور هكداك بارسكو راهو رابح فيها ومطلعلها سومة بزاف انا نقولو ماشي سومتها والله ماعندي حق بيس ونجبدلو قاع همومي :yahoo:واناغير خرطي ديما نحلفو وهو يقولو والله مافيها ياختي كون فيها ماشي خسارة فيك هدي كلمة حفظناها زعما راح يغيضني:surrender: مي دير مليح في بالك كي نروح للمارشي نهولو بالمقاشرة حفظوني تماك نسمط عليهم بزاف جامي شريت حاجة بلا مانقص فيها لوكان خمس الاف
يعطيك الصحة حنونتي ع طرح لهااااايل حاجة من لكبار
:yahoo::yahoo:​

:scared: يـــــآ لطيــــــــــفـ شحـــآلـ رآكــمـ وآعريــنـ ,,​

 

[Sârsoùra L'mkàlChà]

وش آآآ مانووو
اديتيلنا حق زووج بلااايص

و لخريـــن وش يبقاالهم ؟؟

بالصح ما قلتيليش راكي وااعرة هــــــاك
عندي صحبتي فالعااصمة كيـفك تااني
تموووت عالمقااشرة و كاامل حافظينها تمــآ
​