• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

يا ناس الشرق والغرب.....

غفرانك ربي

:: عضو فعّال ::
أوفياء اللمة
الله يصبحكم ويمسيكم بالخير....حبيت نطرح مشكلتي عندي جارتي وعندي بنت عمي وحدة خطبها شرقي ولخرا غربي....بصح شرطو عليهم يتعلمو عادات الشرقيين والغربيين كااااااااامل من طأطأ للسلام عليكم...وحنايا ساكنين فالعاصمة بلاصتنا مافيهاش اللي من هذو الأصلين ....فبارك الله فيكم عاونوني عالاقل شي كليمات ....بعض العادات ....الله يستركم ....عرسهم حايكون في نهاية جويلية...ماتخيبونيش علابالي نقدر نتكل عليكم.......سلااااااااااااام.....
 
تمت مراقبة الموضوع , و الموافقة عليه //

شكرا لصبركم .
 
السلام عليكم اختي انا من الشرق لكن كل ولاية زي ممكن تحددي الولايات اختي
 
اختي انا من الشرق مي كيما قالت دانا كل ولاية عندها عاداتها
اسألني على حوايج معينة ممكن نقدر نساعدك
 
ولاية سطيف وولاية سعيدة؟؟؟؟؟؟؟؟؟؟؟؟
 
أريد معرفة كل شيء كيف تتصرفون ...يعني ....
 
على حسب علمي ولاية سطيف عاداتها قراب لينا ولاية باتنة والله العلم راني حطيت موضوع من قبل فيه العادات والتاقاليد تاعنا دقيقة ونجيبلك الرابط
 
اختي انا من قسنطينة يعني من الشرق
اهم خاجة عندنا في اشرق انو العروسة لازم في عرسها تلبس الفرقاني والقطيفة
احنا تاني نهتموا في العرس بالديكور وهاصة ديكور السينية لازم تكون كاملة مكملة من كلش
لازم التنويع بزاف في الاكل وشويا صعيب باه تتعلمي الطبخ القسنطيني فيه دخلات وخرجات بزاف
واحنا عندنا النساء والعجايز صعاب يحبوا كلش متقون ويحبوك تخدمي كي ناس بكري يعني لاكان مش قسنطينية اصلا خلات عليها انا قسنطينية ونعرف تقاليدنا مي نخاف من الزواج
هههههههههههه
كلشي مبرووووووووووووك اختي
​
 
واش بغيتي تعرفي كلمات بلاك نقدر نعاونك ​

كيما تبغي الشرق ولا الغرب قولي وبلاك نقدر نعاونك ​
 
توقيع Mr mino
هادو مراحش يزوجو بشناوا انا غلعتيني عنبالي المشرق العربي ولا المغرب العربي
اسطيف ولا سعيدة راهم عند الدار راهم عادة وحدة
 
شوفي اختي كل ولاية وعندها عاداتها وتقاليدها

وكل ولاية عندها لهجتها وان كان الاختلاف يكون في بعض

الكلمات برك لانو احنا كامل نحكوا اللغة العربية

المهم بالنسبة للعادات والتصرفات مراحش نكونوا بعاد

على بعضانا بزاف يعني سطيف وسعيدة هوما في زوج في

الجزائر وانا تبالي مراحش يكون اختلاف الا تزوجت هذي

المراة وهذا الرجل ومع الوقت تبان العقلية وكل واحد

يوالف بعقلية المنطقة اللي جا ليها

ومراحش تكون صعوبة في التاقلم لانو كامل جزائريين

وربي يهنيهم ويكملهم على خير وان شاء الله يعيشوا حياة

سعيدة

واما بالنسبة للكلمات الا تسقسي اختي مكاش مشكل نقدروا

نعاونوك ان شاء الله

وزيدي شوفي الموضوع تع الاخت دانه راهو يفيدك

والسلام عليكم

ايا على خير اي

تربحي

​
 
توقيع Mr mino
يعطيك الصحة خويا العزيز والله عندك الحق بصح إن شاء الله ربي يهني سعيد بسعيدة ....والجماعة كامل اللي عندو كاش ما يزيد والله ماذا بيا ....وما ننساولكمش خيركم تعيشو....مثلا كلمات مختلفة من منطقة لمنطقة ....وصح يقولو ناس الغرب قباح والله الطفلة خوفوها بزااااف وقالولها عندهم عقلية وااااعرة صح؟؟؟؟
 
يكوونو فحلاات وكل عايلة وكيفاه يحبو لعروس تكون
 
لا لا حنونتي افراح ما راهمش قباح بالعكس يرحبو بكل اللي يجيهم و يساعفوه
و عقليتهم نورمال كيما كامل الجزايريين ......... اما بالنسبه للهدره طريقة كلامنا في سعيده كيما وهران
و اذا حابه مبعده نقولك بعض الكلمات​
 
يعطيك الصحة خويا العزيز والله عندك الحق بصح إن شاء الله ربي يهني سعيد بسعيدة ....والجماعة كامل اللي عندو كاش ما يزيد والله ماذا بيا ....وما ننساولكمش خيركم تعيشو....مثلا كلمات مختلفة من منطقة لمنطقة ....وصح يقولو ناس الغرب قباح والله الطفلة خوفوها بزااااف وقالولها عندهم عقلية وااااعرة صح؟؟؟؟



شوفي نقلك اختي انا من الشرق وكيما كين في

الغرب لقبيح كاين في الشرق تاني مكة والمدينة

وفيهم لقباح اي بقعة في العالم هكا

وهيا ماتقيسش على ناس الغرب كامل هيا تعرف

الراجل اللي راح تعيش معاه كيفاه والباقي

مايهمهاش

انا نقلك وناكدلك بلي ماشي كامل ناس الغرب قباح

فيهم ناس الله يبارك واغلبيتهم ملاح والشرق تاني

كيف كيف وكامل الجزائر هكا كامل العالم هكا

ويلا شافو لهذوك قباح وهذوك ملاح مافراتش

والزواجة والله مامشات اللا هيا تسقسي على الشخص

اللي راح تتزوجو والباقي فيهم وفيهم كاين هكا

وهكا

ونزيد ناكدلك انو انا من الشرق ونعترض على اي

واحد يقول ناس الغرب قباح وناس الشرق ملاح

والعكس لانو مانجموش نحكمو على شخص ولا حتى 10

اشخاص ولا اكثر

الجزائر كامل مليحة والزواج قسمة ونصيب

وماتدريش المكتوب بلاك مع رجل قبيح تزوجو يتريقل

وبلاك العكس كان مليح وممبعد تقلب

المهم احنا نقولوا ربي يهنيهم هذا مكان

​
 
توقيع Mr mino
انا من ناس الشمال وماني حاكة حتى عادات غير التربية والاحترام
وفي النهاية العادات والتقاليد مع احترامي ليها واجب بصح مش لازم تكون عائق على حياتنا في النهاية العادات ترات من جدودنا بصح الجيل تبدل مش راح نخليوه عائق في حياتنا
 
أحنا ماكانش تعقيدات كيما اللي تحكو عليها ....المهم المرا تكون واثقة من روحها و مرا متاع دار صح ....احساسها بالمسؤولية يكفي ....سامحيني ماعنديش فكرة كبيرة على العادات و التقاليد ..المهم أنا نتمنى ليها الهنا هذا اللي نتمناه ​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom