¨°o.O (لوكان غير تغسلي لماعن صحا خويا ) O.o°"

[°~Kenza_02~°]

هههههه
حبيت نقلك حاجة
من كنت صغير كنت انا وخاوتي
احنا في 3 دايرين الدالة كل ليوم على واحد نغسلو لماعن تاع لغدا و العشا
والعجوز تريح.
مي كي لحقنا 15سنة وليلنالها عفاريت هههههههه
كول و طيش هي نورمالمو العكس كي كبرت نعاونوها بصح وش تحبي :music_whistling:
***********************************
حابينا نعاونوكم فالخدمة تاع الدار مشمشكل
اسمعي غدوة عندنا خدمة تاعبة شوي تجي تعاونينا
نخدمو فالحديد نبنو في دار...تقدري؟ اذا تقدري نجي نغسلك لماعن:wink:
​

ههههه مسكينة وضرك كي راه صاريلها؟؟؟
واه نعاونك نورمال بصح علابالك كيفاش ........نوجدلكم فطور الله الله الصباح........لعشية قهوة مع فطيرة بنينة.........وكي تكملو نجي نقي الحالة شوية باسكو علابالي ترجع حاجة لا صرات :wink: هههههههه
يعيطك الصحة خويااااااااااااااا
​

 

[°~Kenza_02~°]

ايلا كانت الام و الزوجة وحدها فالدار
ما فيها والو ايلا ساعدها الولد / الراجل
مي حنا هادي ga3 ماعندناش
و ايلا لقيتي
تلقي واحد و لا زوج
0.05%
​

صح قلييييييييييييل..............الا من رحم ربي
مشكووووووووووورة اختي
​

 

[°~Kenza_02~°]

اختي كنزة :موضوعك مليح ياسر
أنا شخصيا مانقدرش نتخيل خوياالعزيز يغسل الماعن ويغسل حوايجو يغيضني
صح ترتيب الغرفة وكي يقلع حاجة يوضعها في la salle de bainلكن الصراحة يغسل ويمسح ماتصلحش

هههههههه صح انا ثان خويا الكبير مسكين يعاوني يصلح معايا يرفد لفراش بصح والله غير يغضني الدمعة جيني من الموقف ......... وما نخليهش يكمل .....بصح المهم الجاست
يعطيك الصحة
​

 

[°~Kenza_02~°]

ايه الرجال انتاعنا مكسرين محسرين لمرا مسكينة ربي يعينها و الله يدينا رشاو من لماعن ياو كون يغسلهم واحد من الرجال الي عندنا نخدم عرس ههههههه
و مبعد الامهات هي الي توالفهم

هههههههههههههه بالاك ربي كاش نهار ديري عرس
وبالاكي ما تعرضينيش ههههههههه
يعطيك الصحة
​

 

[°~Kenza_02~°]

يا كنزة وعلاه جايبتها مورانا بخي قوتلك بلا بكم ننجمو انعيشو مراناش
معوقين اما الماعن والحوايج راني امهني المواشن كاينين خص غير
الميناج خطرة في السمانة ما عندناش الوقت تحياتي لكي
نطلب ربي يهنيكم من شغل الدار هههههههه

ههههههههههههههههههه انت راك لهيه يا خيي ماشي هناااااااااا ..........فرق كبير
هنا ماكان لاماشينة لا والو اتكل على يديك..............والميناج كل يوم :wink:....ماش نهار برك ههههههههه
يعطيك الصحة خوياااااا
​

 

[°~Kenza_02~°]

وعليكم السلام
بصراحة ديفيرونس كبير كنزه ...

كاين فرق بين انا متلا كي نعود نعدل فلاشومبر ديالي والتعديل تاعك ...
انا تاعي تبات تاع هوهيم معدلة مي انتي نضيفة و و و و
يعني عندك لمساتك ...

نزيدك فالنظافة انتم كي تنضفو تبان بلي نظيفة اما احنا .....


هذي حقيقة
مي انا فالدار والله نخدم روحي
نغسل قشي نعدل قشي كلشي وحدي
مع عندي يما كبرت شويا
لازمها مرا مي مزال الحال عليا هههه

أيا صحيتي على الموضوع
​

صح يا حمزة وعلابالي بلي لااااااااازم نعاودو وراكم مي غير هاذاك الجاست تاع المعاونة الدنيا وما فيهااااااا
يعيطك الصحة خوياااااااااااا
​

 

[°~Kenza_02~°]

هههههههههه
نكتة هايلة منك والله
انا بابا راهو في البيت
وانا في بيت واحدة خلاف
يقعد يعيط يعيط يعيط حتى الطرش يسمع باش انوض وانشعلوا الضوء في الغرقة الي راه فيها
وانتي اتقوليلي يعاونوا
لا في احلامك لا في اوهامك
ههههههههه​

ههههههههههههههههههه ايا مزية الي ضحكاتك النكتة
اه ويقلي شعليلي الضووووو :busted_red::busted_red: هاذاك نهاروووووووو
يعيطك الصحة اختي
​

 

[°~Kenza_02~°]

ايمان جيبي كاس ماء نسمعها فاليوم شحال من مرة بلا مانحكيو على حوايج اخرى...

هههههههه رانا قاع كيفكيف
مشكووووورة اختي
​

 

[نور الصباح الجزائرية]

خاوتى لو كان نبقى شهر ما نديرش حاجة يموتو
واحد ما يهز طاس ماء من قدامو
كان يصيبو الماكلة نوكلهم

 

[يسرى 2008]

والله اختي موضوعك في القمة واش نقولك راني عيييت من الهدرة
انا راني طفلة في الدار كاين 3 دكورة في عين الشيطان
كل ما نمسح الدنيا ولا نغسل الاواني واش نقولك
انا نمسح ونفض الدنيا مازالت مشاحتش ويدخل خويا الكبير ويعفسلي برجلو تسما هو داخل من البرا ويزيد يلوتلي الارض برجلو هو يمشي ولاتراس راهي من وراه
مهما نعيط راني شحت من التعياط وتقوليلو عاوني
يقولك ايا اسكتي متخلينيش نتنرفا قول نعطيه بكاس على الوجه ولا البيدون نصبو في وجهو
ولوخر يدخل من البرا ينحي قشو ويطيشو في كل مكان ملي جا نقولو لاه تحساب روحك في الهواء الطلق ترمي برك
والتالت الحمد لله شويا يحس كي يدخل ينحي صباطو وميطيشوش وساعات نقلو ايا تعاوني كي نكونو وحدنا في الدار يعاون مي كي يكون كان واحد يقلي اخدمي وحدك ويهرب
وللعلم كل ما يعفسولي ولا يعملولي حاجا راني نعاو القضية من الاول وجديد وكي نعيط يقولولي وش خدمتك مخي الدنيا نورمال مالا ربي يهدي والله كان زوجي في المستقبل يعملي هكا نشرط تكون خدامة في الدار

 

[nina bonoise]

انا كلش على راسي
معندي خويا لا والوا
خواتاتي البنات بسيف يخدموا
مي راني على قابهم درتلهم الدالة ههههه

 

[sami19280]

سلام عليكم

نحييك راكي جايبتها مواضيع تنطح مواضيع

المهم بالنسبة لموضوعك نظن بللي راكي تغردي خارج السرب وراكي تعرفي العقلية تاع الجزايريين. بلا مانحكيلك

وحاجة تخدم في الدار هذي ثقيلة بزااااااااف

انا شخصيااااااااااا مانقدرش مامبا نخمم فيها الا مع الام ربي يحفضها نعاونهاااااااااااااا.

تحياتي.

 

[NOUSSAIBA.TDF]

انا بعدا مانزوج حتى نلقا ولد الناس و لحلال لي قايم بر اسو ( tout option )


هههههههههههههههه​

 

[salma2010]

هاد هو الرجل الشرقى العربي مهما درتو فلن يتغير شئ

 

[A_abir]

الله ياختي عندك الحق
كي نقل لخويا هز برك الي كليت فيهم تنوضلي امي هو طفل ومنعرف شنو :glare::glare::glare:
راني رح نهبل منهم :busted_red::busted_red::busted_red:
​

 

[dana1993]

هه السلام عليكم عندنا فرد طفل ما يخدم ما والو يعرف غير يطيب القهوة وحدو هه تعلمها من الاقامة هههه
مي عندنا جيرانا يديرو كلشي تاع كلشي ديفوا حتا قشهم يغسلوه وحدهم هه
كان و كان كعبات
مرسي كنوزة​

 

[انتصار*]

لي يحب الأم نتاعو يعاونها ........الحب أفعال لا أقوال .....شكرا على الموضوع​

 

[somiasahraoia]

ما فيها والو بصح واش حاب تدير

 

[@@simo@@]

اهدرها وعاودها انا وليت نقولهم ماكلاه نخرجو من الدار اي تروح تلقاها تقول كانت قايمة الحرب

اي ماطلبناش تغسلو الماعن بصح على الاقل كي تشرب هز الكاس اديه لبلاصتو مثلا

شكرا خويا موضوع فور​

 

[سلافة.]

والله غير عندك حق مايعاونوش في الشغل تاع الدار خلاص ياكلو ويرقدو ..

مشكورة على الموضوع ...
ننتظر جديدك
​