يمه وينك؟؟؟؟؟

[rofaida_c.k.o.a]

يمه وينك؟

--------------------------------------------------------------------------------

يمه وينك ؟


آنا بنتك .. " ضي عينك " !

شوفي وش قرب المسافة بين أهدابي وبينك ؟


بس ّ يمه أنتي وينك ؟

يمه قومي؟

توني أصحى على الدنيا .. دخيلك لاتنومي !!

من يرتب لي الدفاتر؟

من يبدّلي .. اهدومي؟

يمه بدري .. والله بدري ! آتهجّاها اهمومي

يمه مات !
كل شي ٍ كنت أحسه " حي " في هذي الحياة

الأمل في رجعة الأحباب "

صوت الأمنيات !

وكل شي ٍ كنت أحبه ..

مر ..

ودعني ..

وفات

طفلتك ماعاشت " إحساس" الطفولة !

............. فاقده في هالزمان ... إحساسها

شافت إن الصبح ..... ماتقدر تطوله !

............. وازفرت .. ونّه ! ورى أنفاسها

واحضنت هالليل والورد ..... وذبوله !

............ لين مانامت ...... على كراسها

ماستحى منها الحزن .... هاك الخجولة

............ ولاطرى يرحل ويبعد ... ياسها

فيه شي ٍ لو قدرت إني ....... أقوله !

............ كان شفت الناس ... حبّت ناسها


يمه ضميني بـنام

خايفة أبقى لحالي عايشه وسط الظلام !

عام مُرّ ..

ومر ّ عام ..


وآنا كل ليلة أتمتم : بكرى تذبح لي حمام

يمه وينك ؟

ماتت اللهفة بيدّي .. تنتظر لهفة يدينك !

يمه خوذيني معك ..

بس اشوفك .. واسمعك !

ودي لو أقتل بصدري هالسؤال :

يمه وينك ؟


من شعر بركات الشمري

 

[lynaa]

مشكورة هايلة واصلي ابداعك

 

[Osman]

جميلة كلماتك​

 

[rofaida_c.k.o.a]

شكرا على الرد الجميل اختي

 

[rofaida_c.k.o.a]

شكرا لك اخي ايضا...

 

[{مُدَلَّلَتُهُ}]

baraka ellah fik

 

[آمِيْرَتُه]

كلمات جميلة ومعبرة نهديها لامي الغالية

 

[سلمى2010]

بوح رائع صغتِ افكارة بحرفية وشعور عالي

فكان النص فائق بمعنى الكلمة

رائعه انتِ

تقديري ​