وعلاش الدوار يقولولو دوار؟؟؟؟؟؟؟؟؟؟؟

[غفرانك ربي]

الله يدوم gوسطوكم حبابي...اليوم حبيت نكسرلكم ريسانكم شويا....اسمحولي....
أولا أنا بنت دوار أبا عن جد...بصح راني حايرة ما قدرتش نعرف من صغري...واش معناها كلمة دوار....اللي نسقسيه يبعثني لصاحبو وكل واحد متلف كثر ملي قبلو......يخي قلت ما تسلكوني غير نتوما.......نشالله والله ماننسا خيركم ....راني حاااايرة.....

 

[حفيد هواري بومدين]

وافقت على الموضوع

 

[غفرانك ربي]

وافقت على الموضوع

الحمد لله ياربي......ههه اسمحلي ربي يعاونكم..............

 

[etoo14]

نحوس عليها في غوغل ونقولك

 

[Midia]

على خاطر ناسوا تلقاهم غير يدوروا في الطريق
ههههههههه​

 

[بنـ MaPa ـت]

والله مانعرف واش معنتها
لكن على حساب علمي:
الدوار=الحومة
الدوار=كيما يقولو الاتراك (الضيعة)..
ونورمالمو ناس بكري لي سكنو تما سماوه هكدا
مرسي​

 

[etoo14]

صعيبة بزاف

 

[etoo14]

والله مانعرف واش معنتها

لكن على حساب علمي:
الدوار=الحومة
الدوار=كيما يقولو الاتراك (الضيعة)..
ونورمالمو ناس بكري لي سكنو تما سماوه هكدا

مرسي​

الحومة ما نضنش الضيعة بالاك نهار تزوجي تسكني لتم وتعرفيها

 

[هيبة الجزائرية]

الدوار هو عبارة عن مكان شبه صحراء توجد فيها الحيوانات: خرفان+معيز

ومن اكلات تقليدية:لبن+شعير​

 

[قَطٌر❀ الٌنَـدَى]

والله علابالي ماشي موالفة نسمع بيها هذا الكملة

 

[برنســ اللمة ـيسة]

ههههههه
كي يسقسيوك يقوللك واش معناتها الدوار قوليلهم معناتها الريف
و قوليلهم انا بنت الريف و عندي النيف
و قوليلهم انا بنت الدوار و لساني حار​

 

[غفرانك ربي]

على خاطر ناسوا تلقاهم غير يدوروا في الطريق
ههههههههه​

آآآآآآآآآآآآآآه هذي كبيرة............

 

[غفرانك ربي]

صعيبة بزاف

يلاااااااااااااا زيد عيا

 

[بنـ MaPa ـت]

الحومة ما نضنش الضيعة بالاك نهار تزوجي تسكني لتم وتعرفيها

شكون قالك رح نتزوج
وشكون قالك نسكن لتم
اطونسيون تعاودها :sneaky2:​

 

[صهيب بوبو]

يقولولو دوار علا خاطر دوار
ههههههههههه
و الله صعيب يا اختي
​

 

[Bob Marley]

باسكو وقت فرونسا كي كان الاستعمار
كانت المدن الاكثرية سكنين فيهم لي فرنسي
ولعرب بعثوهم الى الجبل والدوار
والدوار هي المناطق المعزول ​

 

[وردة رمال الصحرا]

ايه سمعت هذي الكلمة
نظن معناها الدائرة الصغيرة يعني الدوار يكون صغير و يكون كالم مش كيما المدينة نظن هكذا
هذا واش راني متوقعة معنى كلمة الدوار

 

[جوانا]

على حساب معرفتي أنو مين صغير و يسكنو فيه ناس قليلة مسميينه دوار و ناسه ملاح و نتاع نية

 

[عاشقة أسير الحب]

انا نقولك سقسي برك عمو قوقل يقولك
هههه

 

[Amir nini]

merci bqp pour le sujet​